Kosmetika industrialaren aurrean, egin ezazu zuk zeuk
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Argazkian: Garbiñe Larrea Donostiako liburutegian, azaroaren 7an liburua aurkezten.
“Urtetan, kontsultako lanean, azaleko gaitzekin ikusi dut jendea, eta kasu askotan, ez ziren berezkoak edo naturalak, kosmetiko industrialek eragindakoak baizik”, azaldu du Larreak argia.eus webgunean irakurgai dagoen elkarrizketan. Kremak eta bestelako produktuak ekoizteko enpresa handiek –eta ez hain handiek– darabiltzaten osagai sintetikoek kalteak eragiten dituzte pertsona askoren gorputzetan, Osasunaren Mundu Erakundeak ere ohartarazi duenez. Pentsa, egunero, batez beste, ehun toxiko barneratzen ditugu kosmetiko industrialen bidez. “Jendeak ez badu kontzientziarik honen inguruan, liburuaren lana izango da hori ikusaraztea, baina baita irakurleari zenbait irizpide ematea ere, kosmetikoak erosterakoan kontuan izan ditzaten”, dio.
Kosmetikoez hitz egitean, bada gutxitan zalantzan jartzen den beste gai bat: derrigorrezko edertasuna. Kosmetikoak sendabelarrekin liburuan oso kontuan izan dute hori, batik bat, nagusi den edertasun eredu kanonak ez dituztelako elikatu nahi izan. “Saldu nahi diguten edertasunaren kanon hau iragankorra da, eta atzean badago diktadura moduko bat, aniztasuna ez errespetatzea, zahartzaroarekiko fobia…”, dio Larreak. Eta, horretan, "kosmetika naturala" bezala definitzen diren produktu ekofriendly asko ere erortzen dira. Beraz, ez espero zahartzea saihesteko trikimailu miragarriak emanen dizkizun libururik. Bai, ordea, zuk zeuk kosmetiko jasangarri eta osasuntsuak prestatzen ikasteko gakoak.
Sei osagai eta orduerdi
Norberak etxean kosmetikoak egitea prozesu oso konplikatua eta garestia dela uste duenarentzat, berri onak daude. “Gorputzerako krema errazaren formula jaso dugu liburuan, adibidez. Sei osagairekin urte osorako bi pertsonentzat egin dezakegu krema, orduerdi inguru behar dira horretarako”, dio Larreak. Azala garbitzeko eta zaintzeko, berez, oso produktu gutxi behar direla nabarmendu du, eta hori dela bilatu behar duguna, ahal den neurrian, eskura dugunarekin moldatzea.
Olio esentzialen merkatuarekin adi ibili beharra dagoela dio Larreak, iruzur asko baitago, eta olio esentzial sintetikoak nagusitu direlako. “Horiek erabiliz gero, etxean produktu kosmetiko kaltegarri bat egiten ari zara”, gehitu du. Tranpa eta iruzurrei aurre egiteko eta kosmetikan ere autonomia bilatzeko erreminta ezin hobea dugu eskura orain. Edertasun kanonetik at, baina liburu ederra, benetan.
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]