Kortxoeneako eraiste lanak gelditzeko agindu du Donostiako Epaitegiak
Donostiako epaitegiak badaezpadako neurri gisa eraisketa lanak gelditzeko agindu du. Bost egunean 3000€ bildu beharko dituzte badaezpadako neurria indarrean jartzeko.
Donostiako Kortxoenea gaztetxea azaroaren 3an eraisten hasi ziren. Goizeko 7:15ean atea mailukada batekin hautsi eta aurpegiak estalita, metalezko zilindroak eskuan eta oihuka, eraikinean sartu ziren dozena bat pertsona. “Denak kanpora! Denak kanpora! Ez ukitu ezer!” garrasika eta minutu gutxian kolpe eta bultzakada artean, barnean "erresistentzia txandan" zeuden hiru kideak kanpora atera zituzten hauek ARGIAri kontatu ziotenez. Ondoren, aurpegia estalita zuten pertsona hauek korrika ihes egin zutela salatu zuten.
Okupazioa era publikoan egin zutenetik 72 ordu aspaldi igaroak zirenez, bertatik jendea ateratzeko epaitegi baten agindua behar zuen eraikinaren jabe den eraikuntza enpresak. Bi hilabete lehenago eraikina eraisten saiatu zirenetik, egitarau kultural oparoaz gain, erresistentzia txandak antolatu zituen asanbladak eta 24 orduz jendea zegoen bertan.
"Behin eta berriro salatu dugu desalojoa guztiz legez kanpokoa izan zela. Eraikuntza enpresaren soldatapeko mertzenarioek, enkaputxatuta eta burnizko barrak eskuetan zituztelarik, Kortxoenean lotan zeuden hiru kide kanporatu zituzten oso modu bortitzean", salatu dute.
Azaroaren 3an eraikina eraisten hasi zirenetik hondeamakinak lanean aritu dira. Egun ez dago erabilgarri azpiko argazkian ikus daitekeenez.
Bitartean Kortxoeneak elkartasuna jasotzen jarraitzen du. Asteburuan 2500 pertsonatik gora bildu ziren manifestazioan. Ostegunean Donostia Kulturako langile talde batek gaztetxearen alde agertzea erabaki dute "Donostiak horrelako kultur proiektu herrikoiak bermatu behar dituela uste baitugu".
Informazio gehiago:
.jpg)
Heldu da Kortxoeneak epaitegietan jarri zuen salaketaren epaia: Eraikuntza enpresa absolbituta. 2015eko azaroaren 3an Donostiako Gros auzoan zegoen Kortxoenea gaztetxea desalojatu zuten aurpegian estalita eta metalezko barrak zituzten hainbat pertsonak. Ondoren, eraikina eraitsi... [+]
Astelehenean hasiko da epaiketa Donostiako Kortxoenea gaztetxea eraitsi zuen enpresaren aurka: Groseko Etxebizitzak SL. 11:30 izango da epaiketa eta gaztetxeko kideek dei egin diote jendeari epaiketara bertara ager daitezen.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Asteazkenean izan du epaiketa Aritz Cevidanesek Donostian, Kortxoenea gaztetxearen desalojoan eraso egin zioten segurtasun enpresa pribatuko kideen aurka salaketa jarrita. Beste salaketa batzuk ere jarri zituzten gaztetxeko kideek, ilegal gisa definitzen duten desalojoa gauzatu... [+]
Efemerideak gugan zauriak direlako. Hala kantatu zigun Anarik, joan den urteko urrian Kortxoenean eman zuen kontzertuan. Bai, gaurkoan bederen, efemeridea zauriak dira guretzako.
Kortxoeneako hustearen ondoren iritsi diren isunei aurre egiteko jaialdia antolatu dute Donostian. Urriaren 28an, ostirala, ospatuko da Doka antzokian, 20:30etatik aurrera.
Luxuzko etxe-agentzia bat eta Desokupa, Europa ekialdeko milizianoek eta arte martzialen borrokalari faxistek osatutako «etxe-kaleratzeen enpresa» bat, elkar hartuta dihardutela salatu du kanpaina batek.
Eta konturatzerako 2016an gaude, Europako Kultur Hiriburua da Donostia, gertakizunak urte osoko titularrak beteko ditu. Foku handitik kanpo ere kultura asko dago, dena den. Eta hor mugitzen denak ibilbide luzeagoa izango du segur aski urteko ebentoak baino.
Kortxoenea gaztetxeko kideek prentsaurrekoa eman dute, adierazteko Udalarekin egiten ari diren bilerak “antzuak” direla. Grosen eraitsi zuten gaztetxeko kideek, Zemoria kalean hutsik geratuk den eta Udalarena den eraikina prozesu parte hartzaile baten bidez... [+]
Protesta ugari eragin zituen Kortxoenearen aurkako operazioak eta behin eraitsita ere, askoren imaginarioan jarraitzen duela dirudi. Horren erakusgarri da inauterietan gaztetxea berriz martxan jarri izana.
Interes politiko oinarrizkoena jabego pribatuaren balioen defentsa denean, jabego pribatuen interesek gidatzen dituzte botere erakundeak; baita erakundeok publikoak badira ere. “Udalari dagokiona da eraiste baimena eskatzen denean baimen hori ematea, hori ez da aukerakoa... [+]
Hustu. Eraitsi. Eraiki. Espazioa eta bere ekoizpena, munduko ekonomiaren azken hedapen zikloan jarduera gakoa izan dira. Bestela esanda, kapitalismo globala espazioaren ekoizpen eta suntsiketa prozesuaren bidez ahalegindu da berezko dituen kontraesanak gainditzen. Eta... [+]