Kortxoenea gaztetxea eraisten ari dira
Ertzaintzako agenteek eta hainbat langilek astearte goizean Donostiako Gros auzoko Kortxoenea gaztetxea hustu dute.
Manifestazioa deitu dute eraisketa salatzeko 19:00etan Kortxoeneatik bertatik. Une honetan Ategorrieta etorbideko bidegurutzea moztu dute eraisketa salatzeko. Ertzaintza kolpeka eta arrastaka eramaten ari da jendea, zaurituak daude. Hiru pertsona atxilotu dituzte.
Gaztetxeak berak eman du hustearen berri sare sozialetan. "Huste ilegal eta bortitza" izan dela diote eta gaztetxera gerturatzeko deia zabaldu dute. 7:15ean sartu dira polizia autonomikoko agenteak Kortxoeneara aurpegia estalita.
Gazte batzuk eraikinaren teilatura igo dira. Haiek jaitsiarazi ondoren, eraikina botatzen hasi dira. Ertzain gehiago joan dira eta Kortxoenea kanpoan dagoen jendea lurrean eseri da.
Donostiako udalak komunikatua atera du, Kortxoenea eraikinaren eraistea dela eta. Udalak adierazi du eraisketa eraikinaren jabearen erabakiaren ondorioz egin dela, eta aurreko legealdian onartutako hirigintza-plangintzari jarraituta eskatu zuela jabeak eraikina eraistea. “Irailetik Udal gobernuak hainbat bilera egin ditu Kortxoenean kultura-ekintzak egiten dituen kolektiboaren ordezkaritza batekin. Horren harian, Donostiako Udalak kolektiboari argi eta garbi adierazi dio, ezinezkoa dela eraikinaren eraistea ekiditea, baldin eta jabeak hala eskatzen badu”. Udal gobernua erabiltzaileen beharrak ezagutzen dituela azaldu du komunikatuan, eta adierazi du prest dagoela irtenbideak biltzen jarraitzeko eragileekin elkarlanean.
Teilatuan zeuden gazteak indarrez jaitsiarazi dituzte
(Groseko bizilagun batek ARGIAra bidali dizkigun irudiak)
Kortxoenea, eraisketa aurrera doa:
Kortxoenean gertatutakoaz elkarrizketa gaztetxeko kide Ioritz eta Naroarekin:
Kortxoenearen eraistea bideoan jaso du ARGIAk bertatik bertara:
Heldu da Kortxoeneak epaitegietan jarri zuen salaketaren epaia: Eraikuntza enpresa absolbituta. 2015eko azaroaren 3an Donostiako Gros auzoan zegoen Kortxoenea gaztetxea desalojatu zuten aurpegian estalita eta metalezko barrak zituzten hainbat pertsonak. Ondoren, eraikina eraitsi... [+]
Astelehenean hasiko da epaiketa Donostiako Kortxoenea gaztetxea eraitsi zuen enpresaren aurka: Groseko Etxebizitzak SL. 11:30 izango da epaiketa eta gaztetxeko kideek dei egin diote jendeari epaiketara bertara ager daitezen.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Asteazkenean izan du epaiketa Aritz Cevidanesek Donostian, Kortxoenea gaztetxearen desalojoan eraso egin zioten segurtasun enpresa pribatuko kideen aurka salaketa jarrita. Beste salaketa batzuk ere jarri zituzten gaztetxeko kideek, ilegal gisa definitzen duten desalojoa gauzatu... [+]
Efemerideak gugan zauriak direlako. Hala kantatu zigun Anarik, joan den urteko urrian Kortxoenean eman zuen kontzertuan. Bai, gaurkoan bederen, efemeridea zauriak dira guretzako.
Kortxoeneako hustearen ondoren iritsi diren isunei aurre egiteko jaialdia antolatu dute Donostian. Urriaren 28an, ostirala, ospatuko da Doka antzokian, 20:30etatik aurrera.
Luxuzko etxe-agentzia bat eta Desokupa, Europa ekialdeko milizianoek eta arte martzialen borrokalari faxistek osatutako «etxe-kaleratzeen enpresa» bat, elkar hartuta dihardutela salatu du kanpaina batek.
Eta konturatzerako 2016an gaude, Europako Kultur Hiriburua da Donostia, gertakizunak urte osoko titularrak beteko ditu. Foku handitik kanpo ere kultura asko dago, dena den. Eta hor mugitzen denak ibilbide luzeagoa izango du segur aski urteko ebentoak baino.
Kortxoenea gaztetxeko kideek prentsaurrekoa eman dute, adierazteko Udalarekin egiten ari diren bilerak “antzuak” direla. Grosen eraitsi zuten gaztetxeko kideek, Zemoria kalean hutsik geratuk den eta Udalarena den eraikina prozesu parte hartzaile baten bidez... [+]
Protesta ugari eragin zituen Kortxoenearen aurkako operazioak eta behin eraitsita ere, askoren imaginarioan jarraitzen duela dirudi. Horren erakusgarri da inauterietan gaztetxea berriz martxan jarri izana.
Interes politiko oinarrizkoena jabego pribatuaren balioen defentsa denean, jabego pribatuen interesek gidatzen dituzte botere erakundeak; baita erakundeok publikoak badira ere. “Udalari dagokiona da eraiste baimena eskatzen denean baimen hori ematea, hori ez da aukerakoa... [+]
Hustu. Eraitsi. Eraiki. Espazioa eta bere ekoizpena, munduko ekonomiaren azken hedapen zikloan jarduera gakoa izan dira. Bestela esanda, kapitalismo globala espazioaren ekoizpen eta suntsiketa prozesuaren bidez ahalegindu da berezko dituen kontraesanak gainditzen. Eta... [+]