21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Gerard Darmanin Frantziako Barne ministroak eta Gilles Simeoni Korsikako Kontseilu Exekutiboko presidente autonomistak martxoaren 16an izenpeturiko dokumentuari segi gaur –uztailaren 21a– abiatu dituzte bi aldeen arteko negoziaketak, gatazka politikoari aterabide bat atzemateko xedez. Aipagai nagusien artean dute Korsikaren aitortza instituzionalaren auzia. Hastapen batean asteazkenean abiatu behar zituzten, baina azken egunetako Girondako suteek aldaketak eragin dituzte gobernuaren agenda politikoan.
21 korsikarrez osaturiko ordezkaritzarekin bilduko da Frantziako Gobernua, ordezkari ukanik Darmanin. Simeoni Korsikako Kontseilu Exekutiboko presidentea, Marie-Antoinette Maupertuis Korsikako Asanbleakoa, ganbera horretako lau talde parlamentarioetako presidenteak eta Frantzian eta Europan dauden zazpi parlamentari korsikarrak dira irlatik Parisera bertaratu.
Autonomiaz hitz eginen dute, eta estatus horren barnean zer jartzen den izanen dute eztabaidagai eta desadostasun iturri nagusi. Duela lau hilabete harridura eragin zuen Darmaninek, autonomia onartzeko irekidura plazaratuz. Oroit gara, haserrea eta matxinadak piztu zituela martxoan gertaturiko Yvan Colonna preso abertzalearen heriotzak. Hats berria eman dio Korsikako burujabetzaren aldeko borrokari Yvan Colonnaren azken hatsak erreportajean xeheki azaldu zuen ARGIAk orduko testuinguru politikoa.
Frantziako Estatuak hastapenetik du argiturik berea: Frantziako Errepublikaren barne geldituko da Korsika eta ez du bi herritar-kategoriarik onartuko. Eztabaidak luze joko du eta uztailaren 21eko bileran bide-orria adostea dute helburu.
Lehen bilera hori eginik, ostiralean irlara helduko da Barne ministroa, bi eguneko bisita eginez. Luze joko dute negoziaketek, hilabeteak bi aldeen ustez.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]
Zendu da Yvan Colonna korsikar independentista martxoaren 2an, beste preso baten partetik jasotako jipoiaren ondorioz. Presoaren heriotzak kalera atera arazi ditu korsikarrak, eta frantziako gobernuaren ardura galdegiteaz gain, konpondu gabeko arazo politikoa Parisen agendan... [+]