Korsikeraz aritzea debekatu diete Korsikako Asanbleako hautetsiei jardun publikoetan
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu Exekutiboko presidenteak.
“Frantziako Estatuak konfiskatuta duen” Bastiako Auzitegi Administratiboaren epaia diskriminatzailea dela salatu du Korsikako Kontseilu Exekutiboak: “Korsikako hautetsiei debekatu egiten die euren hizkuntzan hitz egitea, Korsikako Asanblean, Exekutiboan, eta ekitaldi publikoetan”. Hala ohartarazi zuten martxoaren 10ean, Gilles Simeoni Korsikako Kontseilu Exekutiboko presidenteak eta Marie-Antoinette Maupertuis Asanbleako presidenteak, Corse Net Infos uharteko hedabideak jaso duenez.
Bastiako Auzitegiak bertan behera utzi du asanbleak 2021eko abenduaren 16an abiatutako araua. Arau hori aho batez onartu zuten parlamentariek, eta korsikera erabiltzeko hautua zehazten zuen: “Korsikako Asanblea eta Korsikako Kontseilu Exekutiboa korsikar herriaren interes material eta moralen bermatzaile dira. Korsikako Asanbleako eztabaida-hizkuntzak korsikera eta frantsesa dira”. Erabaki hori berretsi zuen exekutiboak 2022ko otsailaren 8an, beraz, bi organoetan zegoen arau bera.
Une hartan uharteko prefeta (Frantziako Gobernuaren ordezkaria) zen Pascal Lelarge-k helegitea aurkeztu zuen, Frantziako Konstituzioaren aurkakoa zelakoan araua, bi arrazoirengatik: batetik, “errepublika bakar eta zatiezinaren aurkakoa” zelako Korsikako herriaren aipamena, eta, bestetik, “errepublikako hizkuntza frantsesa delako”, 2. artikuluari erreferentzia eginez. Auzitegiak arrazoia eman dio.
“Pentsaezina”, erabakia onartzea
Simeoni eta Maupertuis Exekutiboko eta Asanbleako presidenteek argi utzi dute “pentsaezina” dela korsikarren eskubideen aurkako erabaki hau onartzea, eta harago jo dute: “Erabaki judizial honek eta horren arrazoiak berresten dute konstituzioa erreformatzeko beharra, zehazki korsikerari koofizialitatearen estatusa emateko, beharrezkoa dena hizkuntzaren biziraupena eta garapena bermatzeko”.
Neurriak iragarri dituzte datorren asanblearen ondotik. Korsikera erabiltzea aho batez onartu zutenez, jakinarazi dute datorren saioan talde parlamentario guztiei proposatuko dietela “posizio komun bat” hartzeko Bastiako Auzitegi Administratiboak eragin duen “egoera juridiko eta politiko honen aurrean”.
Diskriminatzailea eta iraingarria
Femu a Corsica alderdi abertzaleko kide François Alfonsik sare sozialetan diskriminazioa kritikatu du: “Korsikera legez kanpokoa Korsikan! Imajina daiteke korsikar herriarentzako egoera diskriminatzaileagorik?”. Eskerrak eman dizkio NBE Nazio Batuen Erakundeko gutxiengoen auziei buruzko erreportari bereziari, publikoki ohartarazteagatik erabakiak nazioarteko zuzenbidea urratzen duela. Epaia "iraingarria" dela esan du Jean-Christophe Angelinik, asanbleako Avanzemu taldearen buruak.
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]