Korsika Askatzeko Nazio Fronteak (FLNC) armak berriz hartzeko prest dagoela esan dio Frantziako Gobernuari
2021eko ekainean egindako hauteskundeetan abertzaleek gehiengoa lortu zuten Korsikan. Baina FLNCk komunikatu bidez salatu du agintean dauden indarrek borroka independentista alde batera utzi dutela, eta Frantziako Gobernuaren interesen alde egiten dutela. Estatu politikak jarraituz gero, armak hartuko dituztela mehatxu egin diote Frantziako Gobernuari.
Frontea osatzen duten bi adarrek sinatu dute komunikatua: Borrokalarien Batasunak (FLNC-UC) eta FLNCk. Urte askoan agerraldirik egin gabe egon ondoren (fronteko bi aldeek 2014an eta 2016an utzi zituzten armak, hurrenez hurren), hauteskundeak baino lehen azaldu ziren hedabideen aurrean. Orain, bideo eta ohar banarekin plazaratu dute haien irakurketa.
"Klan berri baten agerpenaren aurrean gaudela uste dugu", diote frontetik. Gilles Simeoni Korsikako presidente izendatu berriak "bere aurrekoen bitarteko berdinak" erabili ditu haren kontrola areagotzeko, eta Frantziako Estatuaren menpeko bilakatu da, militante armatuen ustez. Nazio askapeneko borrokaren oinarriak ahaztu dituztela salatu du FLNCk, eta Frantziaren “kredo” berrian dagoela Korsika. Horren adibide dira Paristik irlara heltzen diren ministroen “kortesiazko bisita kolonialak”.
Askapenerako Fronteak “diskrezioz” jokatu du urte hauetan, eta politikariek taldearen isiltasuna borroka alde batera utzi izanaren seinaletzat hartu dutela esan dute. Horregatik, haien ustez, “akats politiko larria” egin dute boterera iritsi direnek, Korsikarekiko “gutxiespena” erakutsiz. Frantziako Estatuak politika horrekin jarraituz gero, FNLCk “etorkizunean baino determinazio handiagoarekin” hartuko ditu armak, eta “borrokaren gauaren bidea” hasiko dute beste behin.
Desmilitarizazioa demokrazia lortzeko asmoz egin zutela azaldu du fronteak, baina “estatu politikak” dirauen bitartean, ezinezkoa dela hori lortzea. Independentistek eskatutako helburuak ez dira bete, eta armak hartu zituzten lehen kideei berriro antolatzeko deia egin diete: "Borrokako beteranoei, klandestinitatera pasatzeko kritika erraza egiten dutenei, ongi etorriak direla esaten diegu. [Ekintza armatua] Bere lekuan. Lehen bezala ".
2021eko bozak
Frantziako hauteskunde erregionalak 2021eko ekainean egin ziren. Autonomisten eta independentisten Pé à Corsica koalizioak botoen %68 lortu zuen orduan, eta Gilles Simeoni izendatu zuten presidente. Simeoni Femu a Corsica alderdiko burua da, Partitu di a Nazione Corsa eta Corsica Libera taldeekin batera koalizioa osatzen duen batasuneko kidea.
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]