Korrika, emeki-emeki
Azken egun hauetan, milaka ikusten dira Korrikaren aldeko antolatzen diren ekitaldiak, iragarkiak, albisteak eta bakoitzaren herrira heltzeko irrikak. Aurten ikus izan dezakegu bereziki, Korrikaren ibilbideak nola islatzen duen euskarak hamarkada gutxi horietan egindako bidea.
Garestik Gasteiza; herri “erdaldun” batetik, euskal arnas gune guztietatik pasa ondoren, beste hiri “erdaldun” bateraino heldu arte. Beharbada, korrikak euskal gizarteak bete behar duen bidea baino ez digu erakusten. Euskaraz hainbeste entzuten ez den leku guztien indarra hartu, eta euskararen uretan murgildu ondoren, blai datorren indar horretaz hiriak edatea.
Egun, ia Euskal Herri osoan (salbuespen ezagunak salbuespen), ume baten ahotsa euskaraz entzun daiteke, eta normaltzat hartu egin dugu zonalde hori euskalduna izan ez arren. Gure herriak esperimentatu duen aldaketa itzela izan da. Bestalde, tristezia handiarekin aitortu beharra daukat, kalean egunero entzuten dudan hizkuntza ez dela guztioi batzen gaituena.
Gai honi buruz denetarik esan da, “zenbat buru, hainbat aburu”. Badirudi Etxeparek lau haizeetara hedatu nahi zuena oraindik erdibidean dabilela, eta hainbeste esfortzuarekin eraiki ditugun azpiegitura guztiek ez dute bere helburu oinarrizkoa bete: hitz egitea.
Barakaldon bertan, hamazortzi mila euskaldun daudela; hau da, Andoaingo biztanleri osoa baino gehiago. Orduan, Bizkaiko erdaldun bastioi nagusian egoera hori ikus baldin badezakegu, gauza bat baino ez du esan nahi: itxaropena bizirik dago
Bestalde, gaur irakurri dut Barakaldon bertan, hamazortzi mila euskaldun daudela; hau da, Andoaingo biztanleri osoa baino gehiago. Orduan, Bizkaiko erdaldun bastioi nagusian egoera hori ikus baldin badezakegu, gauza bat baino ez du esan nahi: itxaropena bizirik dago. Honekin zorigaitzez ezin dugu esan helburua lortu dugunik, baina egin behar dugun esfortzua gogortzat hartu behar dugu burua bidean ez galtzeko. Jakin dezagun bidea hasi berria dela, eta oso motela izan daitekeela. Lehendabiziko urratsa, herrialde osoak hizkuntza uler dezala, ostean, bigarrenean, mintza dadin.
Gauza guztiak poliki lortzen dira, eta Korrikaren adibidean ikus daiteke. Korrikak, nahiz eta izen hori izan, pixkanaka doa; emeki-emeki, herriz herri, kilometroz kilometro, lagunez lagun, euskara bazter guztietara zabaldu arte.
Aritz Díez Mañanes (Portugalete, Bizkaia).
Gizarte hezitzailea.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]