Korridore humanitarioak exijitu dituzte, Abderraman Bas migratzailearen heriotzaten harira
Ekainaren 18an zendu zen Abderraman Bas izeneko migratzailearen inguruko irakurketa plazaratu dute SOS Arrazakeriak eta Irungo Harrera Sareak.
Errefuxiatuen munduko egunaren bezperan, Bidasoa ibaian gazte bat zendu zen muga zeharkatu nahian. Horren harira argitaratu dituzte irakurketak SOS Arrazakeriak eta Irungo Harrera Sareak. Bi taldeek salatu dute egoera ez egonkorra eta Hendaiako mugako kontrolak bertan behera utzi behar direla.
Irungo Harrera Sareak Iragarritako kronika zen!!!! testuan esan du: “Zoritxarrez, litekeena da berriro errepikatzea; izan ere, Schengen lurralde batera iritsi direnean, migrazio-ibilbidean zailtasun gehiago izango ez dutela uste dute … baina ez da hala!”. Schengengo Hitzarmenak sortutako Schengen eremuaz ari dira.
SOS Arrazakeriak Hendaiako muga: axola ez duten bizitzak izeneko idazkian Eusko Jaurlaritzari eskatu dio Frantzian egin dituzten hauteskundeetatik aterako den Frantziako gobernuarekin harremanetan jartzeko, mugako kontrol horiek bertan behera uztea exijitzeko. Bestalde salatu du Bidasoako heriotzen erantzule mugako kontrolak direla eta herritarrei dei egin zieten, politika horien aurkako mobilizazioetan parte hartzeko.
Jarraian testuak osorik irakurgai:
Irungo Harrera Sarea:
Iragarritako kronika zen!!!!
Beste behin, Bidasoako mugan, migrante gazte baten heriotzak nahigabetu gaitu, ABDERRAMAN BAS izan da oraingoan. 9 dira dagoeneko. Zenbat kontatu behar ditugu Frantziako estatuak kontrol arrazista horiek altxa ditzan?
Kontrol arrazista horiek bi ondorio baino ez dituzte:
Pertsona migratzaileen sufrimendua areagotzeen dute, 9 heriotza hauek barne.
Lotsagabe, txorizo, litxarrerok eta lapurrak agertzen laguntzen dute, zaurgarritasun-egoera horretaz baliatzen direnak etekina ateratzeko.
Gaineratu behar da, zoritxarrez, litekeena dela berriro errepikatzea; izan ere, Schengen lurralde batera iritsi direnean, migrazio-ibilbidean zailtasun gehiago izango ez dutela uste dute… baina ez da hala! Europaren erdian existitu behar ez lukeen muga batekin topo egiten dute! Gainera, Irungo harrera-guneak eragiten dien estresa gehitzen badiegu, non goizero “2 gau geratzen zaizkizu”, “gau bat geratzen zaizu”, “dagoeneko ezin duzu lo gehiago egin” esaten dieten… erraz uler daiteke kalean lo egin behar izateak, tragedian amaitu litekeen arriskuak hartzera bultzatzen dituela. Ez dakigu oraingoan hala gertatu ote den, baina Irungo Harrera Sareak goizero San Juan plazan jartzen duen informazio-gunean egunero entzuten dugu presio horrek sortzen dien kezka. Nahiago genuke horrela izan ez balitz, oso tamalgarria bailitzatekeelako jakitea halako kasu baten aurrean gaudela.
EZ ZAITUZTEGU AHAZTUKO
BIHAR, IGANDEA, 12:30etan, KONTZENTRAZIOA SAN JUAN PLAZAN
SOS Arrazakeria:
Hendaiako muga: axola ez duten bizitzak
Errefuxiatuen munduko egunaren bezperan, heriotza berri batek gure kontzientziak kolpatzen ditu. Mugako kontrol ilegal eta arrazista baten hamargarren biktima da. Euskal Autonomia Erkidegoa, beraz, Europar Batasunaren politikek lurralde osoan zehar ereiten dituzten migratzaileen eta errefuxiatuen hilerrien zerrendara gehitu da.
SOS Arrazakeriak urteak daramatza politika horiek salatzen. Gure erakundeei eskatu die jarrera argia har dezatela Frantziako gobernuaren aurrean, mugako kontrol hori desager dadin. Horri buruzko adierazpen batzuk egon dira, baina ezer ez da aldatu. Berriro eskatzen diegu euskal erakundeei, Ipar Euskal Herriarekiko lurralde arteko esparru instituzionalean, hau da, Akitania Berria-Euskadi-Nafarroa euroeskualdean, gobernu berrira eta igande honetan Frantzian egingo diren hauteskundeetatik aterako den gehiengo parlamentario berrira jotzeko, mugako kontrol horiek bertan behera uzteko eskatzeko.
Urkullu lehendakaria, 2020an Euroeskualdearen presidente hautatua, Euroeskualdearen urteko batzarrera joan zen iazko martxoan, eta nabarmendu egin zituen bileraren eta mugaz gaindiko garapenaren aldeko misioa, balioak eta anbizioa. Bada, balio horien artean ez badago gure lurretik igarotzen diren pertsona guztien bizitza, diskriminaziorik gabe; anbizio hori Eliseoko ateen aurrean gelditzen bada mugako kontrolak bertan behera uzteko eskatzeko orduan, Euroeskualde hori ez da gurea, ez gaitu ordezkatzen.
Horregatik,
- Bidasoako heriotza horien erantzule diren mugako kontrolak salatzen ditugu
- Eusko Jaurlaritzari eskatzen diogu Akitania Berria-Euskadi-Nafarroa euroeskualdearen esparruan igande honetako hauteskundeetatik sortuko den Frantziako gobernuari zuzentzeko, mugako kontrolak bertan behera uzteko exijituz.
- Berriro diogu herritarrei dei egiten diegula politika horiek arbuiatzen dituztela adieraz dezaten, errefuxiatuen munduko egunaren barruan, igande honetan, hilak 19, 12: 00etan, Donostiako Aquariumetik abiatuko den manifestaziora joanez.
Donostia 2022/06/18
Gipuzkoako SOS Arrazakeria
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]
Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]
2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]