Koronabirusari aurre egiteko neurriak malgutuko dituzte Nafarroan, ostiraletik aurrera
Kultur jardueretako eta kirol ekitaldietako espazio handietan %60 izango da edukiera; barneko guneetan, %40. EAEn, baliteke LABIk neurriak are gehiago murriztea irailaren 20an. Ipar Euskal Herrian, berriz, asteazkenean iragarri zuten merkataritza-gune handietan ez zela osasun ziurtagiririk beharko.
Koronabirusari aurre egiteko neurriak malgutu dituzte Nafarroan. Arau berriak ostegunetik ostiralerako gauerdian, hau da irailaren 10ean sartuko dira indarrean eta irailaren 16ra arte luzatuko dira. Kultur eta kirol jardueretako edukierari eragingo diote bereziki.
Zehazkiago, irailaren 8an iragarritako neurriek zinema, antzoki, auditorio eta antzekoetan bildu daitekeen lagun kopurua handituko dute: 5.000 pertsona baino gehiagorentzako lekua duten esparru irekietan, edukiera %60 izango da eta 2.400 lagunentzako espazio duten gune itxietan, berriz, gehienezko aforoa %40ra igoko da. 2.400 leku baino gutxiago dituzten establezimendu kulturaletan, %75 izango da edukiera, betiere, aurrez esleitutako besaulkiak egon behar diren arren. 1.000 eta 2.400 lagunentzako edukiera duten lokaletan, jabeek erantzun adierazpen bidez bermatu beharko dute CO2 neurgailuak dituztela, eta maskararen erabilera derrigortzen dutela.
Kirol lehiaketa eta ekitaldietan (futbol estadioetan eta saskibaloi kantxetan kasu), kanpoko espazioek %60ko gehienezko edukiera izango dute, eta barneko espazioetan %40 izango da aforoa. Bertan, ezin izango da ez jan ez edan, eta musukoaren erabilera derrigorrezkoa izango da.
Dena ondo bidean, hilaren 16a eta gero, neurriak are gehiago malgutuko dituela adierazi du Nafarroako Gobernuak. Javier Remirez presidenteordeak azaldu du hilaren 17an planteatuko dutela ostalaritzarako ezarrita dauden arauak aldatzea.
Euskal Herrian ezarritako gainontzeko neurriak
LABI instituzionalak irailaren 1ean malgutu zituen neurriak EAEn. Momentuz, gehienezko okupazioa %35etik %60ra igo da, ostalaritzan ezik –%50 da taberna eta jatetxeetako aforoa–. Kultura eta kirol ekitaldietan, berriz, 600 lagun egon daitezke gune itxietan, eta 800 irekietan. 600 eta 5.000 pertsonarentzako lekua dagoen espazioetan ere 800 pertsona bildu ahalko dira esparru itxia bada, eta 1.200 irekia bada.
Nafarroan ez bezala, 5.000 lagun baino gehiagorentzako lekua badago (futbol estadioen kasua da hau), %30ekoa izango da muga. Halere, irailaren 20rako baliteke LABIk ezarritako neurriak are gehiago malgutzea.
Ipar Euskal Herrian, berriz, irailaren 6an iragarri zituzten azken arau aldaketak. Abuztuaren 17tik aurrera, herritarrek derrigorrez erakutsi behar zuten osasun ziurtagiria 20.000 metro karratutik gorako merkataritza-guneetan sartzeko. Paueko Auzitegiak, halere, ezeztatu egin du Pirinio Atlantikoetako prefetaren agindua.
Lapurdiko bi merkataritza-guneetan zen beharrezkoa ziurtagiria erakustea: Baionako Ametxondon eta Angeluko BAB2n, EITBk jakinarazi zuenez. Orain, Frantziako Gobernuak intzidentzia 200 baino handiagoa den guneetan baino ez du derrigortzen ziurtagiria erabiltzea, musukoa oraindik beharrezkoa den arren.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.