Espainiako Estatuan: osasun-sistema pribatua gobernuaren esku eta militarrak kalean
Espainiako Gobernuko osasun, garraio, barne eta defentsa ministroek igande gauean egindako agerraldian alerta egoeraren neurriak azaldu dituzte. Horien artean, gobernuak osasun sistema pribatuan esku hartzea, kaleetan militarren areagotzea eta garraio publikoaren gutxiagotzea daude, besteak beste.
Martxoaren 14an dekretatutako alarma egoerarekin, hamabost egunez Espainiako Gobernuak du estatuaren eskuduntza osoa. Aipatutako lau ministerio horiekin, estatuaren gidaritza Madriletik egiten da. Igandeko agerraldian, ministro bakoitzak bere neurriak azaldu ditu.
Osasun ministerioa
Salvador Illa Espainiako Osasun ministroak azaldu du osasun-sistema pribatuko instalazioak koronabirusari aurre egiteko erabiltzea autonomia erkidegoetako kontseilarien esku geratzen dela. Hori horrela, autonomia erkidegoetako kontseilariek eskumena izango dute eraikin publiko zein pribatuetan izurritea tratatzeko guneak ezartzeko.
Horrez gain, espezializaziorik ez duten mediku egoiliarren errotazioak bertan behera utzi ditu ministroak, hauek behar handiena dagoen arloetan ibil daitezen. Espezializaziorik ez duten lizentziatuak kontratatzeko baimena eman du baita ere, betiere mediku egoiliarra izateko azterketa pasatu badute edota Europar Batasuneko beste herrialde baten lortu badute espezializazioa.
Osasun eta higiene materiala duten edo ekoizten duten norbanako eta enpresei gobernuari jakinarazi behar diela adierazi du Illa ministroak, eta hori egin ezean isuna jasoko dutela.
Defentsa ministerioa
Margarita Robles defentsa ministroak jakinarazi du ospitale militarretako baliabideak gobernuaren esku geratuko direla; baita erreserban dauden medikuak eta kanpainako oheak ere. Etxegabeei begirako neurriak ere jakinarazi ditu; Larrialdietarako Unitate Militarrak (UME) eta Lurreko armadak elikagaiak banatuko dizkiete.
Kaleetan militarren presentzia areagotu egingo dela jakinarazi du Roblesek, “agindutako neurriak betetzen direla ziurtatzeko”, Guardia Zibila eta poliziarekin elkarlanean.
Garraio ministerioa
Ehuneko 50era jaitsiko da errepide, tren eta aire bidezko garraio publikoa, aldirietako garraioa izan ezik, Jose Luis Abalos ministroak azaldu bezala. Renfe, estatuko tren enpresak heren batera jaitsi du bere jarduna; guztira %85 jaitsi dira garraio zerbitzu publikoek eskainitako plaza kopurua, “bidaiari eta langileen artean birusa hedatzea saihesteko”.
Barne ministerioa
Presoei baimenak eta ohiko komunikazio bideak debekatuko dizkietela jakinarazi du Fernando Grande-Marlaska barne ministroak. Horren ordainetan, telefono bidezko deiak egiteko baimenak areagotuko dizkietela esan du.
Estatuko mugak ixteari buruz, datozen orduetan erabakiko dela esan du, “beste herrialde europar batzuekin elkarlanean". Dena den, ezarri diren neurriekin Madrilera sarrerak %61 jaitsi direla adierazi du, eta positiboki baloratu du.
Esker ona
Guztiak ala guztiak “pozik” agertu dira herritarren erantzunagatik. Jendearen elkartasuna azpimarratu dute, etxean geratzeagatik. Horrez gain, larunbatean eta igandean osasun-langileei egindako omenaldiei batu zaizkie, iluntzeetan etxeetatik entzuten diren txalo zaparradei berea gehituz.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.