Asteburuaz geroztik neurriak gogorragoak dira Ipar Euskal Herrian eta urriaren 20tik aurrera are zorrotzagoak izan daitezke. Eusko Jaurlaritzak ere neurri zorrotzagoak aurkeztu ditu eta Justizia Auzitegi Nagusiaren berrespenaren zain dago. Litekeena da Nafarroak ere neurriak gogortzea.
EAEn neurri berriak abian jartzeko zain
EAEn, eta batez ere Gipuzkoan, nabarmen handitu da kutsatuen kopurua. Ostiral eta larunbatean, 100.000 biztanleko 800 kasu baino gehiago zenbatu dira, pandemia hasi zenetik jaso diren datu okerrenak dira. Gipuzkoak astebete darama orain arteko intzidentzia tasarik altuena ematen.
Iñigo Urkulluren Gobernuak, honenbestez, hamar lagunetik seira murriztu ditu bilera publiko eta pribatuak. Ez da guztiz argitu betebeharra edo gomendioa den. Edukiera %50era murriztuko da ostalaritzan (terrazetan izan ezik), kultur eta erlijio ekitaldietan. Kirol partidetan 400era jaitsi da kopurua esparru itxietan, eta 600 lagunetan mantenduko da kanpoko esparruetan. Elkarte gastronomikoak itxiko dira. Ordutegiak ere aldatu egingo dira: parkeak, lorategiak eta haurrentzako jolasguneak 23:00etan itxiko dira, eta ostalaritzak gauerdian itxiko ditu ateak. Azkenik, federatu gabeko kirol lehiaketa guztiak bertan behera geratuko dira. Neurri murriztaileen eskaera gaur erregistratuko du Eusko Jaurlaritzak EAEko Justizia Auzitegi Nagusian. Garbiñe Biurrun Auzitegiko behin-behineko lehendakariak Euskadi Irratiari adierazitakoaren arabera, beranduenez ostegunean emango du agindua Auzitegiak.
Ipar Euskal Herrian espazio publikoetan sei pertsona baino gehiago biltzea debekatu dute
Jean Castex Frantziako lehen ministroak osasun larrialdia ezarririk urriaren 17az geroztik, neurriak gogortu dituzte Lapurdi, Nafarroa Beherea eta Zuberoa biltzen dituen Pirinio Atlantikoetako departamenduan ere.
Eremu publikoan sei pertsona baino gehiago biltzea debekatu dute; eremu pribatuan berriz muga hori errespetatzea “gomendatua” zaie. Debeku horri buruzko salbuespenak zerrendatu ditu Eric Spitz Pirinio Atlantikoetako prefetak: aldarrikapen manifestazioentzat, izaera profesionaleko bilkura eta jarduerentzat, bidaiarien garraio zerbitzuentzat, publikoa hartzen duten aire libreko eraikinentzat, hileta zeremonientzat, profesionalek antolatutako bisita gidatuentzat eta merkatuentzat. 1.500 pertsona baino gehiagoko ekitaldiak prefeturan deklaratu behar dira, orain arte bezala.
Horrez gain, maskara eramatearen bermea ez badute segurtatzen, edaria edo janaria eskaintzen duen ekitaldi pribatu oro debekaturik dute.
Egoera okertuko balitz, are gehiago zorroztuko dituzte murrizketak, prefetak argi utzi duenez. Besteak beste, ostatuek 23:00etarako ixtea aginduz. Jada egoera gogorragoa dute asteburu honetaz geroztik: ostatu eta jatetxeetan gehienez ere sei pertsona batzen ahal dira mahai bakoitzean, eta kadiren artean metro bateko distantzia atxiki behar dute gutxienez.
Nafarroako Gobernuak emandako azken datuaren arabera, azken orduan positibo kopuru handia jaso dute: 467 kasu PCR eta antigenoen 2.719 proba eginda. Alegia, positibo tasa %17,2koa da astelehenez.
Uxue Barkos lehendakari ohi eta Geroa Baiko buruak Radio Euskadin igande eguerdiz adierazi zuen aste honetan neurri murriztaile gehiago hartuko direla Nafarroan.
Noticias de Navarra egunkariaren arabera, neurri murriztaileak iragarriko diren eguna asteazkena izan daiteke, batetik gobernu kontseiluak pandemiaren gaia jorratuko duelako, eta bestetik, Espainiako Estatuko erkidegoek Osasun Ministerioarekin bilera dutelako. Diario de Navarrak dioenaren arabera, berriz, litekeena da Nafarroako Gobernuak gaur egitea pandemiaren jarraipenerako bilera eta neurri berriak iragartzea.
Gaur egun Nafarroan urriaren 13an indarrean jarritako neurriak daude. Eremu itxietan aforoa %30-40koa da; ostalaritzak ateak ixten ditu 22:00etan eta bilkura pribatu eta publikoak sei pertsonara mugatuta daude.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.