Koronabirusaren kudeaketa kritikatzen duten ikasleak Estatuari salatzea eskatu zaie Iparraldeko irakasleei
Frantziako hezkuntza ministeriotik Ipar Euskal Herriko eta Frantziako Estatuko irakasleek maiatzaren 4ean jasotako dokumentuan agertzen da umeen salatzeko eskaera. Hezkuntza arloko sindikatuen haserrea piztu du galdetutakoak.
Frantziako Hezkuntza ministeriotik jaso dute eskaera: Koronabirusaren kudeaketari buruzko eta "itxura guztien arabera ezin onartuzko adierazpenak" egin dituzten ikasleak Estatuari salatu beharko dituzte Ipar Euskal Herriko eta orokorki Frantziako Estatuko irakasleek. Maiatzaren 11an ikastetxeak berriz irekirik, koronabirusaren testuinguruari dagokionez irakasleei luzatu gomendio multzoan irakurri daiteke eskaera. Ondokoa irakurri daiteke maiatzaren 4ean jaso zuten dokumentu ofizialean: "Herritar ororen babesa ahalbidetzeko gisan beharko da (ikaslearen) erreferentzia Estatuko agintariari bideratu, polemika batean sartu gabe".
Adierazpenei buruzko zehaztapenik ez da dokumentuan, baina Hezkuntza Ministerioak France Info komunikabideari zehaztu dio "babes-neurrien errefusa" edota "teoria konplotisten zabalpena" izan daitezkeela arrazoien artean.
Beste hainbat gomendio fitxa ere dira kezkagarriak, demagun “COVID-19 eta desbideratze sektarioak” dokumentua. Ikasleen zelatatzea eskatua zaie argiki irakasleei. "Desbideraketa" batean egon daitezkeen ikasleak "identifikatzea" ere galdetua zaie: "Arretaz zaindu behar dira osasun publikoari buruzko gomendioen aurka ala dudakor diren – eta ideologia ala sinesmen batzuen jarraikitzaile diren– arduradun legalen umeak". Bestalde, "ikasleen izpiritu kritikoa" garatzea galdetua zaie ere, "desinformazioaren, fake news-en, zurrumurruen eta teoria konplotisten kontrako borroka hobeto bideratzeko gisan". Koronabirusaren krisiari aurre egiteko erabakiak eta neurriak alde-bakarrekoak eta eztabaidarik gabe hartutakoak diren testuinguruan, "desinformazioaren" atzean Frantziako Gobernuak jartzen duena galdezkagarria da.
Sindikatuak haserre
Hezkuntza arloko sindikatuen haserrea eragin du manu horrek: "Krisiaren kudeaketa zalantzan ez jartzea galdetua zaigu", Francette Popineau Snuipp-FSU sindikatuko idazkari nagusiak deitoratzen duenez. Gomendio batzuk "ideologikoki problematikoak" direla dio Frederique Rolet Snes-FSUko idazkari nagusiak, ondokoa gehituz: "kritika oro debekaturik dela dirudi". Nola ez, irakasleen eta gurasoen artean ere piztu ditu haserrea eta kezka dokumentu ofizial horrek.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.