Koronabirusa lehen aldiz atzemana izan den Wuhan hiria berrogeialdian jarri dute
Goiz honetako 10:00ak geroztik (Euskal Herriko 03:00ak) ezin daiteke Txinako Wuhan hirira sartu edo bertatik atera. Hiri horretan atzeman zen abenduan lehen aldikoz 2019-nCoV koronabirusa. Huanggang hiriarentzat ere neurri berak hartuko dituzte egun bukaeran. Nazioarteko larrialdi egoera irekitzen duen erabakiko du gaur Osasunaren Mundu Erakundeak.
Goiz honetako 10:00ak geroztik (Euskal Herriko 03:00ak) berrogeialdian dago Txinako Wuhan hiria: bertakoek ezin dute atera eta ezin daiteke ere hiri horretara sartu. 11 milioi biztanle dituen hirian atzeman zen abenduan lehen aldikoz 2019-nCoV koronabirusa, orain arte 17 pertsona hil eta beste 500 pertsonaz gora gaixotu dituen birusa ezezaguna. 7,5 milioi herritar dauzkan Huanggang hiriarentzat ere neurri berak hartuko dituzte egun bukaeran.
Koronabirusa pertsonaz pertsona transmititzen dela jakinik, birusa abiadura handian hedatzearen kezka handia hedatu da Txinan, baita nazioartean ere. Hori horrela, Wuhanekin loturan diren tren, autobus, itsasontzi eta hegazkin guztiak dituzte ezeztaturik. Wuhango pneumonia gisa izendaturik da eritasuna. Hain zuzen, koronabirusak sukarra, eztul lehorra eta arnasa hartzeko zailtasunak eragiten dituelako.
Nazioarteko larrialdi egoera irekitzekotan
Osasunaren Mundu Erakundeak txalotu egin ditu Txinak harturiko babes neurriak, zehaztuz birusaren hedapena mugatzeko neurri garrantzitsuak eta ausartak direla. Funtsean, nazioarteko larrialdi egoera irekitzen ote duen erabakiko du OMEk egun. 12:00 aitzina abiatuko dituzte eztabaidak adituek Genevan, erabakia ahal bezain laster hartzeko helburuarekin. Koronabirusaren kontra egiteko neurri eta ekintzen areagotzea ekarriko luke nazioarteko larrialdi egoera erabakitzeak.
Gertaturikoa “larria, bapatekoa, ezohikoa eta ustekabekoa” denean erabaki ohi dute larrialdi egoera, baita osasun publikoari dagokionez ere, “hunkia den Estatuaren muga nazionaletatik haratago ere ondorioak daudelarik”. Horrez gain, “nazioarte mailan berehalako ekintza bat behartzen duelarik” hartu dezakete ere egoera horren alde egiteko erabakia.
Hamar urtez, bost aldiz bakarrik erabaki izan du nazioarteko larrialdi egoera OMEk: 2009ean H1N1 gripeagatik, 2014ean poliomielitisa (gaur egun oraindik dago aktibo larrialdi egoera hori) eta Ebolagatik, Zika birusagatik 2016ean eta Ebola gripeagatik iazko uztailean.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Garbiñe Elizegi baztandarra erizaina da. Abenduan, Zeelanda Berrian egin duten Osasun Ekitaterako Erizaintza Indigenari buruzko Ikerketa izenburuko bilkuran hartu du parte. Bere tesia aurkeztu du: Euskal emakumeek eta genero ez-normatiboek Euskal Herrian osasungintzan... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Dezibelio eta argiztapen muturrekoak ohiko diren makro-ikuskizunen eta makro-estimuluen garaiotan, autismodun haurren bueltako elkarteek aspalditik egindako eskaera zabaltzen ari da pixkanaka, baita Errege Magoen desfileetan ere: ez musika, ez argiztapen, ez abiadura... [+]
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]