Korda espazio autogestionatua jaio da Gasteizko Alde Zaharrean
Kalejira baten amaieran ireki zuten okupatutako lokala astelehenean, Pintore kaleko 51. zenbakian, Zaharraz Harro jai herrikoien hasiera egunean. Auzoan Bizi etxebizitza sareak, Herrizoma elikadura sareak eta Zaharraz Harrok ireki dute espazioa elkarlanean. Korda “auzokideok bildu, elkartasuna antolatu eta borrokatzeko” espazioa izatea nahi dute.
“Alde Zaharreko herri egituren Korda espazioa sortu da, autogestioa, elkarlaguntza eta auzodefentsa harilkatuko dituen auzoarentzako gunea”, azaldu zieten bertaratutako auzokideei Auzoan Bizi, Herrizoma eta Zaharraz Harroko kideek. Faroloitik abiatu zen kalejira Pintore kaleko 51. zenbakira ailegatzean ireki zituzten ezustean espazio okupatuaren ateak. Gutxi lehenago eman zieten auzokideek hasiera ofiziala Zaharraz Harro jai herrikoi autogestionatuei, Bollerias plazako txupinarekin. Kordaren jaiotza Herrizoma elikadura sareak antolatutako olio eta garagardo dastaketarekin ospatu zuten.
Auzoa bizitzaz bete
Korda Alde Zaharra “bizitzaz betetzeko” eta auzokideen “behar material zein komunitarioak” asetzeko helburuarekin sortu dute. Auzoan Bizik, Herrizomak eta Zaharraz Harrok salatu dute azken hamarkadetan, “krisien aitzakiapean”, egoerak okerrera egin duela gizartean: “Langile klasearen bizi baldintzak okertu dituzte, lehenik existitzen ziren injustiziak agerian utzita; migratuen kontrako eraso zuzena izan da; zaintza lanen pisua emakumeen bizkar gainean erori da; pobrezia eta gazteria kriminalizatu dituzte eta antolakuntza politikoa ere eragotzi dute”. Errealitate horrek auzoan isla duela salatu dute, “auzokideon beharren kontra eta kanpoko interesen alde auzoa eraldatzeko pausuak etengabe ematen ari dira eta”.
Horri guztiari aurre egiteko, hiru eragileek erreminta bihurtu nahi dute Korda, “auzokideok bildu, elkartasuna antolatu eta borrokatzeko” gunea. “Herri egiturak garatu eta indartzeko espazio propioaren beharra dugu. Auzoak herri egiturak behar ditu eta beraz, auzoak Korda behar du”.
Jarduerak aste honetan
Astelehenean ireki zituen ateak Kordak, eta jarduerak hartuko ditu aste honetan bertan, Zaharraz Harro jaien egitarauaren barnean. Asteazkenean, ekainak 29, Prezioen presioa mahai ingurua dago iragarria. Ostegunean afari-merienda egingo dute, “egunero jaten delako”, eta igande arratsaldean bertan emango zaio amaiera ofiziala aurtengo Zaharraz Harrori, destxupina-rekin.
?Alde Zaharreko herri egituren Korda sortu da, autogestioa, elkarlaguntza eta auzodefentsa harilkatuko dituen auzoarentzako espazioa. ?? pic.twitter.com/QrT5rJCW3o
— Auzoan Bizi Etxebizitza Sarea (@AuzoanBizi) June 27, 2022
Utopia ardatz, bertso-paper lehiaketa antolatu du Gasteizko Eva Forest Liburutopia kafe-liburu dendak, eta literatur lehiaketa Sukar Horia kolektibo ekologistak. Bestelako etorkizunak irudikatzeko ahala ezinbestekoa da eraldaketa gaurdanik borrokatzeko.
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]
Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Zestoako Iraeta auzoan, Urola ibaiaren meandroan daude Amilibia baserria eta bere lurrak. Horiek modu kolektiboan erosteko dirua biltzen ari da Biolur laborantza ekologikoaren aldeko elkartea. 2025 bukaerarako dute hitzartua azken ordainketa, baina erosketa fasean egon arren,... [+]
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.