Kontxi Aizarna: “Imanol Urbietak euskara eta euskalgintza zeuzkan beti presente”
Ba al da euskal umerik (eta haien gurasorik) Imanol Urbietaren kantak ezagutzen ez dituenik? Noizbait uztaia gora-gora altxatu ez duenik ba al da?
Jon Braun edo Kalera Kalera! abesti ezagunen egilea bera, sari asko jasoa da Urbieta, baina oraingoan ezin izan du gurekin egon. Kontxi Aizarna emazteak jaso du 2017ko Merezimenduzko Argia Saria, eta hunkituta dagoela adierazi digu, “berezia” dela sari hau jasotzea: “Orain arte jaso dituen errekonozimendu eta sarietan bere alboan izan naiz, eta oraingoan bere izenean jasotzea egokitu zait”.
Aurrezki kutxetako bulegoak utzi eta ikasgeletara egin zuen jauzi, musikarekin uztartuz hezkuntza. Baina Aizarnak azpimarratu digu “sari hau euskalgintzan egin zuen lan guztiaren errekonozimendua” dela, “ez baitzen musika edo psikomotrizitate hutsa; horren atzean euskara eta euskalgintza baitzeuzkan beti presente”. Samurtasun guztiarekin esan digu aitortza honek gogora dakarkion hitza “polita” dela, “hitzaren goxotasun guztiarekin”. Ondo merezitako saria du Imanol Urbietak, euskalgintzari egindako ekarpen itzelagatik.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.