Kontseiluak euskarazko ikasteredua orokortzea eskatu du
Gaur egungo hizkuntza ereduak “zaharkitutako tresnak” eta “ez eragingarriak” direla adierazi dute Kontseiluko kideek. Halaber, Hezkuntza Lege berria euskal gizartearen “kohesioan eta berdintasunean sakontzeko apustua” dela aldarrikatu dute.
Badira aste batzuk PSE-EEko idazkari nagusi Eneko Anduezak egungo eredu linguistikoak “mantenduko direla” adierazi zuela: “Guretzat garrantzitsua da gaurko ereduak mantentzea eta ez joatea eredu elebakarrera, murgiltze eredu batera ez joatea, eta baita familia guztiek nahi duten eredua hautatzea, eta akordioaren bitartez hori bermatzen da”.
Honen harira, ordea, Euskalgintzaren Kontseilua Hezkuntza Lege berri baten aldeko agertu da: “Euskarazko ikasteredu inklusiboa onartzea bide arrakastatsuena eta ia bakarra dela frogatu da, euskararen normalizaziorako eta etorkizuneko ikasleak euskaraz jabetzeko”.
Kontseilukideen esanetan, egungo Hezkuntza Legea mantentzeak “ateak itxiko dizkie” milaka ikasleri, “kalte nabarmena” eraginez. Esaterako, adierazi dute aukera sozial eta profesionalak areagotzeko tresna “ukatuko” zaiela. Bestalde, egungo eredua “zaharkitutako tresna" eta "ez eragingarria" dela azpimarratu dute: “Sakonki diskriminatzailea da eta gizarte kohesioa indartzea eragozten du”.
Anduezak nabarmendu zuen “garrantzitsua” dela “familia guztiek nahi duten eredua” hautatzea. Kontseilua, ordea, ez dator honekin bat: “Kezkagarria deritzogu, gurasoen erabakitzeko ahalmenaren argudioarekin, etorkizuneko belaunaldien aukera berdintasuna baldintzatzea”. Ereduen sistema honek milaka haur “benetako elebakartasun batera kondena” ditzakeela azpimarratu dute.
Kontseiluaren proposamena
Epe luzeko begirada “ezinbestekoa” dela argudiatzen du Euskalgintzaren Kontseiluak: "Trantsiziorako denbora beharko duen prozesu bat da. Euskal gizartearen kohesioan eta berdintasunean sakontzeko apustua da”. Kideen esanetan, belaunaldi berriek bi hizkuntza ofizialak eta gutxienez atzerriko bat menderatzea da helburua.
Bestalde, orain hartuko diren erabakien “garrantzia” nabarmendu du Kontseiluak: “Erabat baldintzatuko dute datozen hamarkadetako euskararen normalizazio prozesua”. Dena dela, argi utzi dute euskarazko ikastereduak “ez dituela bere kabuz bakarrik ikasle guztiak euskalduntzen”, eta “ezinbestekoak” direla, besteak beste, berrikuntza pedagogikoa, euskal kulturaren transmisioa, hezkuntza ez-arautua eta eskolako ingurunea euskalduntzea, eta euskara gutxien dutenei baliabide gehiago zuzentzea.
Sinadura bilketa
Hezkuntzak euskara gehiago behar du lelopean euskarazko ikasteredu orokortuaren alde sinadura bilketa zabaldu dute hezkuntza eragile nagusienetarikoek (Ikastolen Elkartea, EHIGE, HEIZE eta Hik Hasi) eta gehiengo sindikalak (ELA, LAB eta STEILAS). Irailaren 12an abiatu zen eta urriaren 29ra arte zabalik izango da. Sinatu nahiz gero, www.euskaragehiago.eus webgunean egin daiteke.
EAEko Hezkuntza Legea. Biharamunerako koordenatuak liburua aurkeztu du asteazken honetan Hik Hasi egitasmoak. “Denontzat eta denona izango den hezkuntza sistema publikoa, bateratzailea, soziala eta inklusiboa erdiesteko bidean lege berriak zein aukera irekitzen dituen... [+]
Gasteizko Legebiltzarraren aurrean egin dute protesta Euskal Herrian Euskarazeko kideek, “iraungita” dagoen Hezkuntza Legearen onarpena salatzeko. Goizeko 9:00etan elkarretaratzea burutu dute eta bi kide Legebiltzarreko atera kateatzen saiatu dira.
Iritsi da eguna: Eusko Legebiltzarrean ostegun goiz honetan onartu da soilik EAJ eta PSEk babesten duten Hezkuntza Legea. Legebiltzar atarian, Euskal Eskola Publikoaz Harrok eta Euskal Herrian Euskarazek protestak egin dituzte. Duela hogeita hamar urte onartu zen azken hezkuntza... [+]
Hezkuntza Lege berria, adostasunetik jaio behar zena, haserrean eta desakordioan onartu da. Publiko-pribatu auziak eta hizkuntza ereduek eragin dute akordio falta. Pena handia.
Horretan Espainiako ereduari jarraitzen diogu, EAEn ez garelako gai oinarri amankomun batzuk jarri... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
"Azaroaren 29an Eusko Legebiltzarreko Hezkuntza Batzordean onartu den Lege proiektua dagoen moduan onartzen bada, Euskal Hezkuntza Sistema eraldatzeko aukera galduko dugu", adierazi dute Ikastolen Elkarteko lehendakari Nekane Artolak eta zuzendari nagusi Jose Luis... [+]
Ez orain, ez lehen!
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
Artikulu hau katalanek lortutako amnistiari buruz idaztea nuen buruan, lorpen horrek gauza bi utzi dituelako agerian: dena negoziatzen ahal dela eta, batez ere, amnistiatik beherako edozer gauza lortzeko une historikoa alferrik pasatzen utzi dutela abertzaleek. Batzuek, betikoa... [+]
Gasteizko Legebiltzarrean aurkeztu ditu sinadurak Euskalgintzaren Kontseiluak. Sinatzaileen artean dira ere Euskal Herriko Ikastolen Elkartea, EHIGE, HEIZE eta Hik Hasi hezkuntza-eragileak, STEILAS, LAB eta ELA sindikatuak eta hainbat guraso, langile, ikasle eta irakasle.