Kontseiluak “aukera galdutzat” jo du Hezkuntza Legea
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango “gizarte kohesioan eta justizia sozialean aurrera egiteko lanabesa”.
Kontseiluak, prentsa-oharrean, azken bi urteotan egindako ibilbidea azaldu du. 2021eko abenduaren 16an, hainbat eragilek agerraldia egin zuen lortutako adostasunaren gainean. Euskalgintzaren Kontseiluak, hezkuntzako eragile garrantzitsuenetarikoek (Euskal
Herriko Ikastolak, EHIGE, HEIZE eta Hik Hasi), hezkuntzako langileen gehiengo sindikalak (ELA, LAB eta STEILAS), euskalgintzako eragileek (AEK, Elkar, Euskaltzaleen Topagunea, Euskal Herrian Euskaraz, Hezten, UEU…) eta kulturgintzako eragileek aldarrikapen bateratua egin zuten. Hezkuntza Lege berriari eskatu zioten “hizkuntza eredu baztertzaileak gainditzea” eta “euskara ardatz izango lukeen ikasteredu inklusiboa orokortzea”.
Kontseiluaren iritziz, duela bi urtez geroztik defendatu duten proposamena “ez da kapritxoa”. Argudiatu du 40 urteko esperientziak erakutsi duela “ereduetan oinarritutako sistemak ez duela balio izan belaunaldiak osotasunean euskalduntzeko”. Era berean, gehitu du hizkuntza ereduok “segregaziorako tresna direla eta euskaraz jabetzeko eskubidea ukatzen zaiela milaka haurri”.
Kontseiluaren aburuz, legeak ez ditu jasotzen eragileek egindako eskaera nagusiak, hala nola, euskara izatea irakats-hizkuntza orokorra, ikasleen euskara gaitasunaren kanpo ebaluazio mekanismoak, eta hizkuntza bakoitzeko orduen esposizioa zer-nolakoa izango den, eta abar.
Euskalgintzaren Kontseiluak hezkuntzak euskara gehiago izatea eskatzen zuen sinadura bilketa egin zuen, eta azaroaren 20an, 20.000tik gora herritarren sinadura aurkeztu zituen Eusko Legebiltzarrean.
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Begoña Pedrosa Hezkuntzako sailburu berriak egindako adierazpen ugariei erantzunez, Hezkuntzari buruzko 17/2023 Legea ezarriko da aurtengo ikasturte hasieran, Legebiltzarrean EAJ eta PSEren babes bakarrarekin onartu zena. Ezarpen horrek berekin ekarriko du agindu eta... [+]
Itunpeko ikastetxeetan ari diren irakasleen soldata eskola publikoan ari direnekin parekatuko du Eusko Jaurlaritzak. Parekatzea progresiboa izango da, prozesua 2027an amaituko da eta prozesua hasteko 67 milioi euro bideratuko ditu aurtengo aurrekontu publikoetatik. Hezkuntza... [+]
EAEko Hezkuntza Legea. Biharamunerako koordenatuak liburua aurkeztu du asteazken honetan Hik Hasi egitasmoak. “Denontzat eta denona izango den hezkuntza sistema publikoa, bateratzailea, soziala eta inklusiboa erdiesteko bidean lege berriak zein aukera irekitzen dituen... [+]
Gasteizko Legebiltzarraren aurrean egin dute protesta Euskal Herrian Euskarazeko kideek, “iraungita” dagoen Hezkuntza Legearen onarpena salatzeko. Goizeko 9:00etan elkarretaratzea burutu dute eta bi kide Legebiltzarreko atera kateatzen saiatu dira.
Iritsi da eguna: Eusko Legebiltzarrean ostegun goiz honetan onartu da soilik EAJ eta PSEk babesten duten Hezkuntza Legea. Legebiltzar atarian, Euskal Eskola Publikoaz Harrok eta Euskal Herrian Euskarazek protestak egin dituzte. Duela hogeita hamar urte onartu zen azken hezkuntza... [+]
Hezkuntza Lege berria, adostasunetik jaio behar zena, haserrean eta desakordioan onartu da. Publiko-pribatu auziak eta hizkuntza ereduek eragin dute akordio falta. Pena handia.
Horretan Espainiako ereduari jarraitzen diogu, EAEn ez garelako gai oinarri amankomun batzuk jarri... [+]
"Azaroaren 29an Eusko Legebiltzarreko Hezkuntza Batzordean onartu den Lege proiektua dagoen moduan onartzen bada, Euskal Hezkuntza Sistema eraldatzeko aukera galduko dugu", adierazi dute Ikastolen Elkarteko lehendakari Nekane Artolak eta zuzendari nagusi Jose Luis... [+]
Ez orain, ez lehen!
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]