Kontrolak jarriko dituzte Biriatun, Parisko COP21 biltzarra kari
Frantziako Gobernuak hilabete batez muga kontrolak ezartzea erabaki du, Parisen azaroaren 30etik abenduaren 11ra egingo den klimaren goi-bileraren harira.
Hego Euskal Herritik Iparraldera igaro nahi dutenek poliziari dokumentazioa erakutsi beharko diote. Igarobide nagusia Biriatukoa da, baina bigarren mailako pasabideetan ere kontrolak jarriko dituzte.
Schengen ituna etenda
Frantziako Atzerri ministerioak azaroaren 13tik abenduaren 13ra bitarte Schengengo Ituna eten eta mugetan kontrolak ezarriko dituela iragarri die ondoan dituen estatuei. Schengen eremuko akordioak jasotzen duenez, erabaki hori COP21 konferentzia bezalako ekitaldi handien aurretiko egunetan har daitekeen neurrietako bat da.
Ohiz kanpoko erabakia
Nolanahi ere, Parisko gobernuak horrelako erabaki bat hartzea ohiz kanpokoa da. Antzeko goi-bileren kasuan Schengen Ituna lehenago ere etendakoa da, baina beti ere muga kontrolak bilera egitekoa zen hirian jarrita, eta ez estatuaren kanpo mugetan. Frantziak nabarmendu duenez, azaroaren 30ean hasiko den konferentzia “aurrekari gabekoa” da, eta horrek “beharrezko” egiten du gisa horretako neurriak hartzea.
Iragarpenen arabera, 35.000 pertsona inguru izango dira COP21 goi bileran, tartean 196 herrialdetako 10.000 ordezkari eta gobernu arteko zein gobernuz kanpoko erakundeetako 20.000 bat kide. Horiez gain, milaka kazetari izango dira konferentzia jarraitzen; milaka izango diren bezala Parisko manifestazioetan parte hartuko dutenak.
Biriatun auto ilarak areagotzeko arriskua
Kontroletan poliziek nortasun agiria edo pasaportea eskatuko diete Schengen eremuko biztanleei. Itunetik kanpo dauden herrialdeetako herritarrek, aitzitik, bestelako dokumentazioak ere erakutsi beharko dituzte, hala nola, bisa eta itzulerarako bidaiaren txartela. Horrela, bada, dokumentazioa eskatzeko kontrolak areagotzeak Biriatun auto ilara luzeak eragiteko arriskua ekarriko du.
Bihar, larunbatean, deituta daude mobilizazio jendetsuenak. Ikasleek eskola eguna bertan behera utziz hasitako protestei segida emanen diote herritarrek, mobilizazio zabalekin.
Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.
Atzo, otsailaren 21ean, Action Non-Violente-COP21 eta bizi mugimenduek, Frantziako Errepublikaren presidente Macronen argazkiak eraitsi zituen Paris, Lyon, Uztaritz eta Biarritzeko Herriko Etxeetan. Macronen gobernuak klimaren arazoaren aurrean daraman politika geldia salatzeko... [+]
Bizi! mugimenduaren iritziz, 2015eko COP21aren karietara hartu ziren engaiamenduek ez dute inolaz ere klimaren egonkortasuna segurtatzen. Galdera da: klimaren borroka galtzen ari ote gara?
Iaz Parisen egindako klimaren gailurrean lortutako akordioa ospatu zutenek akordio horretan AEBak sartu izana nabarmendu zuten ospatzeko arrazoien arte. Aurtengo gailurra hasi eta bigarren egunean, hara zer den bizitza, estatubatuarrek presidente aukeratu dute klima aldaketa... [+]
Azaroaren 7an hasiko da Marrakexen klima aldaketari buruzko COP22 gailurra. Helburu nagusia 2015ean adostutako Parisko Hitzarmena nola beteko den zehaztea da. Momentuz, 72 estatuk berretsi dute hitzarmen hori, baina gas emisoak murrizteko aurkeztu dituzten planak ez dira nahikoa... [+]
Klima aldaketari buruzko lehenbiziko nazioarteko akordio globala utzi zigun 2015ak: Parisko Hitzarmena. Mugarri hori historikotzat joa izan zen, eta hala ospatu zuten adostu zutenek, baina ezin esan aurrerapausoa izan zenik, kontrakoa baizik. Aurreko hamarkada biak alferrik... [+]
Mangladiak, itsas bazterrean marea beteak gerriraino estaltzen dituen eta bajamarrean sustraiak airean erakusten dituzten zuhaitzezko oihanak, suntsitzen ari gara planetako bazter guztietan. Guztietan? Ez: badira tropiko guztietan elkarte eta jendeak zuhaitz ... [+]
Bi gradu, gradu eta erdi, funtsa berdea, erabaki loteslea ala lotzen ez duen asmoa, herrialde garatuak eta garapen bidean daudenak… Kontzeptu ugari erabili dituzte abenduaren lehen hamabostaldian Parisen. Mundu osoko herrialde eta mandatari ugari aritu dira... [+]
Joan Martinez Alier (Bartzelona 1939) Ekonomia Ekologikoaren aitzindarietakoa da, Ecología Política aldizkariaren sortzaile eta zuzendaria, eta katedratikoa Bartzelonako Unibertsitate Autonomoan. Parisen COP21a amaitzean, Mexikoko La Jornada egunkarian plazaratu du... [+]
NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik... [+]
Avaaz elkarteak COP21 klimaren goi-bileran parte hartzen ari diren zazpi “presio-taldetako” kideen argazkiak zabaldu ditu asteon Parisen, klima aldaketaren aurkako akordio eraginkorra oztopatzearren egiten duten lana salatzeko asmoz. Zazpi pertsona horien dosier bana... [+]
Mundu guzia Frantziari eta Parisko hiriari begira dago azken denbora hauetan. Bazterrak harriturik utzi ditu azaroaren 13 gauan gertatu zen sarraskiak. Adin gordineko hainbeste gizon ala emazte gazte hilik edo larriki zauriturik izan zen. Erokeria beroaren ondorio gordina han... [+]
Parisen Danoneren egoitza nagusian ekintza egin dute Via Campesinako kideek. Multinazional frantziarra mundu osoan nekazaritza industrialaren bidez "nekazariak hiltzen" ari dela salatu dute. Lerro gorria marraztu diote atean bertan.
Milioika lagun ari dira mundu osoan mobilizatzen, baita Euskal Herrian ere, lurraren berotzeak sorturiko klima aldaketak mehatxaturik dagoen gure planetaren defentsan. Askoz garbiagoak eta jasangarriagoak diren energia berriztagarrien aurrean, erregai fosilak sustatzen... [+]