Kontratu publikoetan langileei 1.200 euroko soldata bermatzea atzera bota dute Gipuzkoako Batzar Nagusietan
Gipuzkoako Foru Aldundiak azpikontrataturiko enpresetan, langileek Europako Eskubideen Kartak agintzen duena jasotzea bermatzeko ekimenak EAJren, PSEren eta PPren ezezkoa jaso du.
Asteazkenean Gipuzkoako Batzar Nagusietan, hainbat gairen artean, kontratu publikoen eta soldata duinen inguruko eztabaida izan zen. EH Bilduk egin presazko proposamenak –ondoren Elkarrekin taldearekin erdibideko zuzenketa aurkeztu zuten bozkatua izateko– eskatzen zuen lan prekarietateari aurre egiteko Gipuzkoako Aldundiak bermatu dezala kontratu publikoen esleidun diren enpresetako langileek 1.200 euroko soldata jasotzea:
Esti Elduaien EH Bilduko batzarkideak azaldu zuenez, Europako Eskubideen Kartak ezartzen du gutxieneko soldatak batez besteko soldataren %50-60 izan behar duela, eta Gipuzkoako kasuan 1.200 euro direla hori: “Diputazioak bere etxetik hasi behar du neurriak hartzen eta gizarte osoaren eredu bilakatu”.
Baina ekimena ez da aurrera atera eta soilik Elkarrekin taldearen babesa izan du EH Bilduk. Eduardo Oliden Elkarrekin-eko batzarkidearen esanetan “eztabaida honen azpian dagoena da ea nola erakundeek geldiarazi ditzaketen merkatuak gure jendartean uzten dituen lan baldintza-prekarioak”.
Bi talde horiek aurkezturiko erdibideko zuzenketak zehazten zuen segimendu-organo bat sortu beharko litzatekeela gizarte-klausulak betetzen diren jakiteko eta Kontratazio Publikoaren Behatoki bat ere bai, besteak beste.
EAJ, PSE eta PP ekimenaren kontra azaldu dira. Sozialisten ustez Diputazioaren “eskumena gainditzen” du proposamenak eta, bestetik, “baztertzailea” ere bada, kontratazio publikoak dituzten enpresetan lan egiteko “pribilegioa” duten langileei bakarrik eragingo bailieke. EAJko eledunak, bere aldetik “errealitatearen gestioa” eta “gustatuko litzaigukeenaren aldarrikapena” bereizi zituen ekimena arbuiatzeko.
Aldeko 19 boto eta kontrako 29 boto izan ditu proposamenak eta azkenerako lan baldintzen inguruko ebazpen orokor bat baizik ez da onartu, Gipuzkoako Aldundiari eskatuz “langileek lan baldintza duinak eta kalitatezko enplegu baten mesedetan bere eskumenekoak diren politikak eta neurriak garatzen jarrai dezan”.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]