Konplizitatearen lekuko
Neomak
Non: Bilboko Arriaga Antzokian
Noiz: Martxoaren 14an
---------------------------------------------------------------------------------------------
Ikuslerik gazteena zu izango zara”. Arriaga Antzokiaren kanpoaldean ama batek bere alabari esandako hitzak. Neskatoak 7-8 urte izango ditu, eta beranduago baieztatu dut ez dela kontzertuko ikuslerik gazteena izan. Haur, gazte, heldu… adinak adin, emakume asko daude Neomaken kontzertua ikusteko esperoan. Nabarmen dira gehiengoa. Kasualitatea? Ez dut uste. Oholtzan sei emakume ikusiko ditugu, eta publikoan makina bat. Irudi esanguratsua.
Aurtengo Loraldia festibalaren ekintzetako bat da Neomaken kontzertua. Jaialdiaren 10. edizioa da aurtengoa, eta hogei egunez Bilbo euskal kultura garaikidearen erdigune bihurtzea du helburu jaialdiak.
Amets Ormaetxea, Alaitz Eskudero, Leire Etxezarreta, Irati Gutierrez, Garazi Otaegi eta Eneritz Aulestia Mutiozabal dira Neomak. Kepa Junkeraren sorginak izandakoek indarrez ekin diote proiektu berriari. Hasieratik aurreratu dute kontzertuaren ardatza: zaharra berritzera datoz, betiko kantutegia eta soinuak gaurkotzera.
Maoizko prakak eta alkandora zuria jantzita sartu dira seirak, bitxi, urre, makillaje eta orrazkera indartsuz atonduta. Oholtza gainean ekin ordez, publikoaren sarrerako ateak baliatu dituzte emanaldia abiatzeko. Eszenatokia hartu eta berehala esker oneko hitzak eskaini dizkio publikoari Eneritz Aulestiak. Eta, bereziki, pertsona bati: “Ez dakit nondik zabiltzan, Kepa, baina badakit hemen zaudela. Eskerrik asko, bihotzez”. Trikitia, panderoa, ahotsa eta mugimendua. Horrela abiatu da akelarrea.
75 minutuko emanaldi zirraragarria ondu dute sei musikariek. Doinu sarkorrak, pasioz beteriko dantzaldiak, tentuz landutako kantuak eta konplizitatea nonahi. Giro magikoa sortu da antzokian, eta konplize bilakatu da publikoa. Irribarretsu, nabari da zenbat gozatzen duten musika. Sintonian eta sinkronian mugitzen dira oholtzan.
Kontzertuaren erdialdera osatu duten sobremesa izan da momentu berezienetako bat. Abadiño Sanblasetan, Madalen Buzturingo eta Xorieri mintzo zen kantuen bertsio propioa eskaini dituzte taldekideek, baita sobremesa-ren irudia osatu ere. Eskuekin kolpatu dute mahaia eta a capela kantuan jantzi dute bazkalosteko itzulingurua.
Konplizitateak eztanda egin du kontzertuaren bukaeran. AIOIAI kantuan Sua taldeko Ane eta Janire izan dituzte oholtzakide, eta sorginkeriara batu dituzte beste bi emakume. Azken kantuak, XXI. Mendekua, antzokietan ezohikoa den irudia lortu du: eserlekuetatik altxa eta kantuan eta dantzan bukatu du publikoak. Akelarre berezia, zaharra berritzera datozenen eskutik.
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Batzuetan ez dakit gehiegi ez ote den. Pipa janean gaudela, beste edozer gauzaz hitz egiten gaudela, gaia ateratzea. Ozen hitz egitea gustatzen zaigu guri, ia isilunerik ez uztea, ahotsak teilakatzea, zeinek handiagoa botatzea. Hitz egitea bakoitzak bereaz, bakoitzak... [+]
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren... [+]
Horrela eman diogu amaiera deskolonizazioari buruzko lantaldeari, joan den azaroan Arraia-Maeztun (Araba) egin ziren “Euskal Herrian ekofeminismoak gorpuzten” topaketen baitan. Lurraldearen defentsaren hainbat espresioren babesleku izan zen, ideia emankorren hazitegi... [+]
Azken glaziazioan Euskal Herriko lurraldea zapaltzen zuten mamutek, leizeetako hartzek, bisonteek eta baita hienek ere. Elur iraunkorrera eta hotzera egindako animalia horiek desagertu egin ziren baldintza glaziarrekin batera. Baina dinosauroen desagerpenaren garaian ugaztun... [+]
Mingrana urrutitik ekarritako fruitua da. Punisagarra da mingrana edo alesagarra edo alegorria edo milagrana edo xokorra edo granada: Punica granatum. Punica izena latinetik dator, eta “punicum malum” izenaren laburdura da, eta punicum horrek Poenus edo Phoinikes du... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.