“Konkista asko egin ditugu baina emakumeok borroka asko dugu egiteko”
2014eko otsailean Brasilgo Lurrik Gabeko Nekazarien mugimenduaren (MST) VI. kongresu nazionala ospatuko da Brasilian.
Kelli Mafort Brasilgo MSTko kide eta genero arloko koordinatzailea da laborarien antolakundean. Diagonal egunkariak elkarrizketa egin dio eta mugimenduaren barruan feminismoa nola bizi den azaldu du, besteak beste. Ondorengo lerroetan solasaldiko pasarte batzuk jasotzen dira.
Maforten hitzetan, mugimenduaren barnean genero kontzientzia dutenek “feminismoa eta kapitalaren kontrako borrokaren uztarketa” proposatzen dute Lurrik Gabeko Nekazarien mugimendurako. Horretarako, emakumeen borroka ikustarazteko ekintzak antolatzen dihardute.
Laborari brasildarrak azaltzen duenez, mugimenduaren sorreran gai produktibo oro gizonezkoen munduarekin lotzen zen eta haien esku zeuden erabaki garrantzitsuak. Hortaz, taldea maskulinizatua zegoen.
Emakumeak ohartu ziren kontraesan handia zegoela herrien elikagai burujabetza aldarrikatzen zen bitartean beste zapalkuntza mota bat ematen zelako.
Lurrak okupatzen eta berreskuratzen diharduten garaian kanpalekuetan bizi dira Lurrik Gabeko Nekazarien kideak. Bertan, emakume zein gizonezkoak baldintza berdintsuetan bizi direla kontatzen du Mafortek. Lurrak lortzea helburu den artean komunitateak indar handia duelako.
“Aldiz, lurrak eskuratu eta pertsona talde bat kokalekuan finkatzen denean eredu heteropatriarkala nagusitzen da komunitatean. Paradoxikoki, lurren lorpenak hobekuntza beharrean emakumeen bizi baldintza eta eskubideen okertzea dakar”.
Hori dela eta, 2000.urtean generoaz arduratuko zen sektorea eratzen hasi ziren, mugimenduaren baitan emakumeen ahalduntze espazioak sortzeko. Orain genero eztabaidak gune mistoetan ere lantzen dira.
“Egun erabakitze organo guztietan parekidetasuna bermatzea lortu dugu. Horretaz gain, generoaren inguruko eztabaidak MSTko IV. Kongresuan lekua izango du, eta ez emakumeen afera edo gai konkretu gisa.”
Hala ere, MSTko genero koordinatzailea kexu da emakumeen parte-hartzean eragiten duten baldintzak sarritan ez baitira berdintasunezkoak. “Esan dezakegu konkista asko egin ditugula, baina emakumeok oraindik borroka asko dugu egiteko MST barruan”, gaineratu du.
Lurrik Gabeko Nekazarien mugimenduaren 25.urteurrenaren harira eginiko bideo laburra euskarazko azpitituluekin ikusgai, Elkartasun Bideaken eskutik.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Artea eta zientzia elkarrengandik oso urrun egon daitezkeela dirudien arren, biak gustuko ditu Maider Mimi (Maider Triviño) zientzialari eta artistak (Aretxabaleta, Gipuzkoa, 1997). Ikerkuntzan, antzerkian, musikan, bakarrizketetan, poesian eta beste gauza askotan dabil... [+]
91 urte zituela, urriaren 27an hil da Heletan jaio eta Baionan bizi zen militante feminista, abertzalea eta ekologista. Ehorzketa urriaren 30ean izango da Heletako elizan.
Seme-alabari lehenengo abizena amarena jartzea baimentzen du legeak Hego Euskal Herrian, duela urte batzuetatik, baina sozialki oraindik urrun dago parekidetasuna. Tradizio patriarkalak, inertziak, aitak (eta haren familiak) gaizki hartzeak, baita ofentsatzat ere… pisua... [+]
Azaroaren 9an, emakumeak protagonista diren hip-hop jaialdia ospatuko dute, 17:30etatik aurrera. Jaialdiak urtez urte hip-hop eta rap estiloetan ibilbide ezaguna duten emakume artistak bildu izan ditu.
Xumea, alaia eta energia handikoa da Olga Garate (Iruñea, 1964). Bizikletan ibiltzea dauka pasio eta familia da bere lehentasuna. Erizain laguntzailea da, eta lana “izugarri” gustuko duen arren, behin betiko lanerako ezintasuna eman diote, minbizi kronikoa... [+]
Nobel Akademiak iragarri ditu Medikuntzako, Fisikako eta Kimikako aurtengo irabazleak. Zazpi dira, eta zazpiak, gizonak, denak zuriak, eta AEB edo Erresuma Batukoak. Guztiz bete da, beraz, egun batzuk lehenago Nature aldizkariak egindako iragarpena. Aurreko urteetako irabazleen... [+]
Gasteizko Izaskun Arrue Kulturguneak (IAK) eta UEUk elkarlanean Euskaldunentzako Jabetze Eskola martxan jarriko dute, euskaldunok ahaldundu, eta ondorioz, jendartea eraldatzeko asmoz. Aurkezpen hitzaldia urriaren 30ean egingo du Garikoitz Goikoetxeak. "Hizkuntzaren... [+]
Hau irakurtzen duzunerako, ez dakit zenbat herri izango ditudan bihotzean eta zenbat gogoeta buruan. Idatzi hau bidali baino lehen, izan naiz Arantzan, Tolosan, Elgoibarren eta Ondarroan, Hausnarrean liburua aurkezten.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Honakoa dio Arartekoak argitaratu duen ikerlanak. Jarrera matxisten inguruko azterketak Euskadiko nerabe eta gazteetan jarri du fokua. Diskriminazio gehien gertatzen diren espazioak kalea eta sare sozialak dira.
Maule, 1892. Zaraitzu ibarreko zortzi emakume espartingile Zuberoako hiriburutik etxera abiatu ziren, baina bidean, Larrainen, elurteak harrapatuta, hotzak hil omen zituen denak. Zortzietatik zazpiren izenak iritsi zaizkigu: Felicia Juanko, Felipce Landa, Dolores Arbe, Justa... [+]
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
Hainbat saio zuzenduko ditu Col·lectiu kooperatibak urriaren 1, 2 eta 3an, eta espazio publikoetako segurtasun-pertzepzioan eragina duten elementu fisikoak eta sozialak identifikatzea izango dute helburu.