Konfinamenduak gainkarga eta frustrazioa sortu du emakumeengan
Itxialdiko lehen hilabeteetan emakumeek izandako bizipenak “memorian” gordetzea izan da ikerketa kualitatibo honen helburua. Nafarroako Gobernuak eta Nafarroako Berdintasunerako Institutuak elkarlanean egindako ikerketa izan da.
Astearte honetan agerraldia egin dute Javier Remirez Nafarroako Gobernuko lehendakariordeak eta Eva Isturiz Nafarroako Berdintasunerako Institutuko zuzendariak, Sara Ibarrola soziologo eta azterketaren egilearekin batera, Bizipenak eta testigantzak. Konfinamenduaren eragina eta ondorioak Nafarroako emakumeengan ikerketa aurkezteko. Ikerketa honetan Nafarroako emakumeek konfinamenduko lehen hilabeteetan zer egoera bizi zuten jaso nahi izan dute. Itxialdian emakumeak “protagonista” izan direla eta “lehen lerroan” egon direla azpimarratu dute.
Hainbat profiletako 51 emakumek parte hartu dute ikerketan, eta erabilitako metodologia taldekako elkarrizketa izan da. Ekainaren amaieran eta uztailaren hasieran egin ziren saioak eta martxotik maiatzera bitarteko egunetan bizitakoak izan zituzten hizpide. Ikerketaren izaera kualitatiboa azpimarratu dute prentsaurrekoan, errealitatearen ikuspegi orokorra jasotzeko ahalik eta “ahots eta bizipen gehienak” jasotzea izan baita helburua.
Emakume bakoitzaren egoera “subjektiboa” dela eta andre guztiek ez dutela aldi hau berdin bizi izan azpimarratu ondoren, Isturizek ikerketaren ondorio zehatzak aipatu ditu: hainbat emakumek “gainkarga” sentitu dute ohiko lan jarduna eta zaintza lana uztartu behar izan dituztelako eta “frustrazioa eta errudun sentimendua” ere izan dituzte. Indarkeria matxistaren biktima diren zenbait emakume “kontrolatuago” eta “bakartuago” sentitu direla ere adierazi du, besteak beste, zailtasunak izan dituztelako zerbitzuetara eta ingurukoengana laguntza eske joateko.
Ibarrolak testigantzen garrantzia azpimarratu du, datu inportanteak eskaintzen dituztelako. Haren ustez, elkarrizketatutako emakumeen bizipenak “eraikitzaileak” dira emakume askorentzat eta “genero kontzientzia” sortzen dute. “Giza eskubideen” garrantzia azpimarratzeko ere balio dutela erantsi du.
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Araba, Bizkaia eta Gipuzkoako 16 urte baino gehiagoko biztanleriak denbora zertan erabiltzen duen aztertzen duen txostena zabaldu du Eustatek, eta 2018. eta 2023. urteetan jasotako datuak alderatu ditu. Etxeko lanetan generoen arteko aldea 27 minutu murriztu da 2018ko datuekin... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Larunbatean egingo dute San Martin Harriaren inguruan 600 urte baino gehiago dituen ohitura eta aurten emakume alkateentzako jantzi erronkariarrak prestatu dituzte, orain arte gizonezkoentzako baino ez baitzeuden.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]