Konfinamendua infernua bilakatzen ari da drogamenpekotasunak dituen jendearentzat
Euskal Herrian heroina lortzea ia ezinezkoa bihurtu da azken asteetako konfinamendu egoeraren eraginez. Kalean inor ez ibiltzeak eta presentzia polizial handiak zaildu egin dute drogaren salerosketa. Egoeraz ohartarazi du Osakidetzak, Vocento taldeko egunkariei filtratutako zenbait txostenetan agertzen denez.
Hedabide horiek informatu dutenez, Osakidetzak dio egoera konplikatua dela, drogamenpekotasuna duten 100 lagun baino gehiagok dagoeneko antsietate kolpeak izan dituztelako eta droga uzteko tratamendua jasotzen ari ziren pertsonekin ere antzeko egoerak bizi izan dituzte. Abstinentzia sindromea duten pertsonen kopurua asko hazi da eta horren ondorioz indarkeria kasuak ere ugaritu egin dira adikzioak dauzkan jendearen artean.
Egoera bereziki gogorra da kalean bizi diren eta drogamenpekotasunak dituzten pertsonentzat, baina etxe batean bizi direnekin ere arazoak izaten ari dira, terapiek martxan jarraitzen badute ere Internet bidez ari direlako egiten. Hilabetetan tratamenduan egondako pertsonen kasuak deskribatu dituzte Vocento taldeak jasotako testigantzek eta, azken asteetan atzerapausoak izan direla nabarmendu dute.
Kalera ateratzen diren toxikomanoek lehen baino are gehiago deitzen dute orain polizien arreta ere, eta isun asko jasotzen ari dira. Bestalde, saltzeko material eskasiaren aurrean, beste substantziekin asko nahastutako dosiak ari dira saltzen, osasunarentzat are arriskutsuagoak diren egoerak sortuz.
Egoerari aurre egiteko, Gizakia Fundazioa ari da koordinatzen erakunde publikoen eta beste elkarteen lana –Gurutze Gorria, Caritas, Bizitegi, Lagun Artean, Agiantza edo HIESaren aurkako batzordea, besteak beste–. Besteak beste, Bilboko Bailen kalean dagoen kontsumo-aretoaren ordutegia zabalagoa da orain: 9:00etatik 18:30era joan daitezke bertara drogazaleak. Hori bai, kontsumitzeko substantziak hainbeste gutxitu direnez, aretoak bere funtzioa aldatu du. Lehen segurtasunez kontsumitu ahal izateko espazioa zen, baina Covid-19aren krisiaren erdian, desintoxikaziora bideratutako gunea bihurtu da.
Nazioarteko arazoa
Euskal Herritik kanpo ere, egoera antzekoa da. Le Mondek argitaratu duenez, Frantziako estupefazienteen aurkako agentziak (Ofast) txosten bat argitaratu du esanez drogaren ohiko salmenta puntuak elikatzen dituzten hornitzaile guztien jarduera asko murriztu dela edo erabat geldirik dagoela une honetan. Egunkari berak dioenez, martxo amaieran eta aste honetan bertan ere, itsasontziz Frantziako Estatuan zenbait kokaina karga sartzen saiatu dira, baina aduanetako ikuskatzaileek atzeman dituzte.
Egoera hau droga trafikoa eteteko baliatzeaz gain, badira menpekotasunak dituzten pertsonentzat politika aktiboak proposatzen ari diren herrialdeak ere. Erresuma Batuan, adibidez, metadona farmazietan banatu ahal izango dute mediku-agiririk gabe krisiak irauten duen bitartean, The Guardian egunkariak publikatutako artikulu batean azaltzen denaren arabera.
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]
Ertzaintzaren fokua drogen kontsumora, ekoizpenera eta salmentara bideratu da 2023an eta zenbait operazio ikusgarri egikaritu dituzte Aiaraldean.
Mónica García ministroak ziurtatu du araudi zehatzak egongo direla lurrungailuen erabilera kontrolatzeko, eta zehatz-mehatz aztertuko direla hainbat egoera, “kerik gabeko espazioak zabaltzeko”.
Ezingo da erre hondartza, parke, baso, espazio publiko eta eskola inguruetan. 2024tik aurrera, tabako paketearen prezioa progresiboki igoko da 11 eurotik 13 eurora.
Jostailu edo panpina itxurako eta goxoki zaporeko bapeatzaile edo zigarro elektronikoak ugaritu dira. Ohartarazi dute tabako industriak gaztetxoenak dituela jomuga, eta neurriak hartzen hasiak dira hainbat herrialdetan. Erabilera bakarreko bapeatzaileak debekatzeko asmoa agertu... [+]
Asteazkenean onartu dute neurria ministro kontseiluan, eta prozesu parlamentarioa 2023an amaitzea espero dute. “Merkatu beltza gelditzeko” saiakera dela azaldu dute legea sustatu dutenek. Kalamua 25 gramoraino legez kanpokoa ez izatea eta pertsona bakoitzak... [+]
Zer da droga eta zer ez? Zer-nolako eragina dauka drogak inguruan? Horren bueltan mintzatu dira Oihana Arana (Eskoriatza, Gipuzkoa, 2001), Maialen Alvarez (Ermua, Bizkaia, 1994) eta Ander Sagardoi (Iruñea, 1994). Drogarik kontsumitu ez arren, drogak inguratzen ditu; batez... [+]
Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]
Kanadako Columbia Britaniar probintziak programa pilotu berri bat hasi du, kokaina eta heroina bezalako droga gogorren jabetza despenalizatzen duena kopuru txikitan. Kanadako gobernu federalak mendebaldeko kostaldeko probintziaren eskaera onartu ostean, hiru urte iraungo duen... [+]
Jose Luis Etxebarria Porru 1982tik 2012ra izan zen Arrasateko udaltzainburu, eta frogatu zuen droga Donostiako Intxaurrondoko eta Bilboko La Salveko kuarteletatik eramaten zutela herrira. Azaroaren 20an hil da, 65 urte zituela.
2019tik 2020ra bitartean %30 igo ziren alkoholaren gehiegizko kontsumoak eragindako heriotzak, azken bi hamarkadetako goranzko joera zorroztuz. Hiru aldiz gehiago dira alkohola tarteko hil diren estatubatuarrak, kausa nagusia ez izan arren.
Ertzain bat atxilotu dute ostegunean, ustez droga-trafikoan aritzeagatik. Bere etxean 54 kilo kokaina atzeman dituzte. Ez da lehen aldia EAEko poliziako kideak narkotrafikoarekin nahasita harrapatu dituztenak.
Sylvia Kay ikertzaile da, eta nekazaritza eta ingurumen justiziarekin, elikadura sistemarekin eta lur eta natur baliabideen politikarekin lotutako gaiak jorratzen ditu. The Ecologist hedabidean uztailean argitaratu eta Creative Commons lizentziari esker ekarri dugun artikuluan... [+]