Emilio Hellin Moro, 1980an Yolanda Gonzalez (Espainiako) Langileen Alderdi Sozialistako militante deustuarra hiltzeagatik 43 urteko espetxe zigorra ezarri zioten ultra-eskuindarra, Estatuko Segurtasun Indarrentzako ari da lanean, El País-ek azaleratu duenez.
Duela 16 urte, 1996ko urtarrilaren 25ean, jaiotza aktako izena aldatu zuen. Luis Enrique izena du orain. Guardia Zibilaren kriminologia zerbitzuetako aholkularietako bat da, terrorismoaren inguruko ikerketetan parte hartzen du, eta prestakuntza ikastaroak ematen dizkie Ertzaintzako, Guardia Zibileko, Polizia Nazionaleko, Defentsa Ministerioko eta Mossoetako agenteei, Jose Maria Irujo kazetariak dioenez. Zerbitzu horiengatik, Barne Ministerioak ordaindu egiten dio.
Legeak izen-aldaketa onartzen du, "baldin eta bidezko arrazoia dagoela erakusten bada eta hirugarren pertsonei kalterik eragiten ez badie”.
“Estatuaren zerbitzura zegoen terrorista”
“Zer esango lukete AVT eta PPko bozeramaileek, Ertzaintzak ETAko kide ohi bat kontratatuko balu prestakuntza ikastaroak emateko?”, galdetu du Pablo Iglesias zientzia politikoetako irakasleak Público egunkarian. “Francisco Alcarazek, Ynestrillasen adiskide demokratak, esango luke justizia euren gain hartuko luketela, biktimek jasandako tamainako umilazioaren aurrean. Dena den, Espainiako eskuinak sekula ez du izan adorerik justizia bere gain hartzeko: tiro bat bota baino lehen, Estatuaren babesa zutela ziurtatzen zuten”.
Artikuluan hainbat datu ematen du Iglesiasek, amaieran gauzak argi uzteko: “Badakizue terrorista ohi bat zergatik ari den soldatapean lanean guztiok ordaintzen ditugun segurtasun indarrentzako. Estatuaren zerbitzura aritu zen terrorista bat delako. Gurea trantsizio eredugarria izan dela diotenek, demokratak garenon mespretxua besterik ez dute merezi”.
Yolanda Gonzalez
Yolanda González Martin (Bilbo, 1961- Madril, 1980) espainiar eskuin-muturreko terrorismoak eraildako ikasle eta militante komunista izan zen. Deustukoa jatorriz, Madrila joan zen elektronika ikastera. Partido Socialista de los Trabajadores alderdiko militantea zen. 1980ko otsailaren batean, Fuerza Nuevako zenbait kidek bahitu, torturatu eta erail zuten. Hilketa Batallón Vasco Español taldeak hartu zuen bere gain. Egile moduan, Emilio Hellin eta Ignacio Abad Velázquez atxilotu zituzten. Hellini 43 urteko kartzela-zigorra ezarri zitzaion eta horietatik hamalau bakarrik bete zituen.
Iturria: Wikipedia
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Larunbatean 49 urte beteko dira Espainiako poliziak eta Guardia Zibilak Jose Luis Mondragon eta Roke Mendez Asturiaga hondartzan hil zituztenetik. Omenaldia egingo dute hondartzan.
Joseba Merinoren familiak eta defentsak eskatu dute hilketen garaiko argazkiekin izan dadila hurrengo identifikazio saioa. Deituta zeuden hiru polizietatik bakarra agertu da, beste biak hilda baitaude polizien defentsaren esanetan.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]
Mikel Zabalzaren atxiloketa eta heriotzarekin lotura izan duen Arturo Espejo Guardia Zibila teniente jeneral izendatzeagatik azalpenak eman ditu Barne Ministroak Senatuan. Grande Marlaskak erabakia defendatu du, EAJ-k eta Geroa Baik Mikel Zabalzaren familia berriz ere... [+]
Luzaz iraunen du euskaldun askoren oroimenean 1973ko Ostegun Santu hark. Euskal erresistentzia armatuan ordurako mito bihurtua zen Txikia hil zuten eguna. Eustakio Mendizabal Benito Polizia espainolaren tiropean erori zen Euskadi Ta Askatasunako Fronte Militarreko bururik... [+]
Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.