Xua Gurasoekin Etxera plataformak jakinarazi duenez, Patxi Uranga eta Olatz Lasagabaster presoek asteazken arratsaldean ez zekiten espetxez aldatuko zituztenik.
Herenegun, iluntzean, hainbat komunikabidek jakinarazi zuten Patxi Uranga eta Olatz Lasagabaster espetxez lekualdatuko dituela Espainiako Espetxe Zuzendaritzak. Antza denez, erabakiarekin aurrera eginez gero, aurki, Valentziako Picassent (Herrialde Katalanak) kartzelatik Madrilgo Aranjuezera eramango dituzte bi presoak. Dena dela, Xua Gurasoekin Etxera plataformatik nabarmendu dute, beraiek ez dutela horren berririk, eta “komunikabideen bitartez” ezagutu dutela albistea.
“Asteazkenean, 18:00ak inguruan, Lasagabasterrek eta Urangak beren gurasoekin hitz egin zuten telefonoz eta ez zieten horrelakorik aipatu”, diote plataformatik. Beraz, asteazken arratsaldean Urangak eta Lasagabasterrek ez zuten neurriaren berririk, handik bi ordura, albistea komunikabideetan argitaratu bazen ere.
Aurreko igandean bete zituen hiru urte Uranga eta Lasagabasterren alabak, Xuak. Espetxe Legeak hala aginduta irten behar izan zuen Picassent kartzelatik, eta hemendik aurrera, ezingo du bertan gurasoen ondoan bizi. Usurbilen bizi da orain, aitona-amonekin.
Bigarren graduan gaude gurasoak, eta alaba presondegitik irteten zenerako, hainbat egunetako baimena eskatua zuten biek. Zaintza epaileak, baina, atzera bota zituen bi eskaerak.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Raul Fuentes eta Gaizka Astorkizaga dira Euskal Herriko espetxeetara lekualdatuko dituztenak, eta Pedro Cano eta Orkatz Gallastegi hurbildu egingo dituzte. Horrez gain, Olga Comesi hirugarren gradua emango diote.