Kobraren otzara
Autoestimu dezenteko pertsonaia dugu Kanadako lehen ministro Justin Trudeau baina, agidanez, ari da ikasten –jakintsu da astua, makila du maixua– Asiako liga nagusietan jokatzeko, eskarmentua eta, batez ere, zuhurtzia behar dela. Asko gainera. Litekeena da, haatik, esku artean darabiltzan gaiak erabat ez ulertzea Trudeau jaunak.
Eman zion Balin kaskarrekoa Xik, elkarren arteko solasaren ondoren, bere bertsioa hedabide kuttunei saltzera joan zenean korrika. Bere harreman publikoak eta gobernuburu-betebeharrak ez direla gauza bat eta bera ez ulertze horrek askoz trantze bihurriagoan ipini du orain, Asiako beste potentzia handiarekin.
Kobraren otzaran sartu baitu esku oraingoan. Hilketa batetik abiatzen da India/Bharatekiko liskarra. Ekainaren 18ko arratsean, kaputxadun bikote batek tiroz josi zuen Hardeep Singh Nijjar militante independentista sikha (“disidentea”, Mendebaldeko hedabide askorentzat; “terrorista”, Indiako gobernuarentzat) Kanadako Columbia Britainiarreko Surreyn. Zergatia haren jarduketa independentistak izan behar zuela ziurtzat jo zitekeenez, ez zen bereziki bizkorra izan behar ganora gutxiko RAW izenaren pean serio funtzionatzen duen Indiako inteligentzia-zerbitzuaren juzgu egiteko.
Hildakoak, beste ehunka mila sikhek bezala, Indian jaio eta hazia izan arren, babesleku zuen Kanadako herritartasuna edukitzeak, noski, betebehar bereziak ezartzen zizkion Trudeauren gobernuari. Joan den astean krisiak eztanda egin duenean ikusi ahal izan dugunez, ordea, zalantza egin daiteke oso zuhur jokatu ote dituen bere kartak Trudeauk.
Argi geratu da Kanadako agintariek bazutela, gertatu baino lehen ere, hilketa-asmoaren berri, “Five Eyes” espioitza-partzuergokoak jakinarazita. Jakintzaren iturburua izango litzateke, ziur, AEBek Indiako enbaxaden eta kanpo-zerbitzuen komunikazioei (ere) egiten dien espioitza.
Eta hortik eratorriko litzateke Trudeauren zuhurtzigabekeria nabarmenena. New Delhiko G-20an Modiri, bakarka, kontuak eskatu zizkionean hark haizea hartzera bidali zuelako edo (inozo samarra izan behar da besterik espero izateko gai horretan Modirekin), Kanadako parlamentuaren aurrean argitara eman zuen gaia pasa den astean Trudeauk, indiar “diplomatiko” bat kanporatzearekin batera. Noski, sorpresa-efekturik ere ez zegoenez, Indiak berehalaxe eutsi zion enbidoari, eta bost gehiago bota ditu visa-politika gogortuz. Eta damu-plantarik ere egin gabe, erasokor jarri da Modiren gobernua: terroristen babesleku omen da Kanada.
Liskarraren erdian harrapatuta aurkitu diren Estatu Batuen galdera izan behar du orain zer ondorio izango dituen horrek guztiak izena bai baina izana hala moduzkoa duen Indo-Pazifiko aliantza horretan...
Inoizko okerrenean daude India eta Kanadaren arteko harreman diplomatikoak: indiar enbaxadorea eta beste bost goi diplomatiko bota ditu Ottawak joan den astean; eta, ordainetan, beste horrenbeste egin du berehalaxe New Delhiko gobernuak.
Kanadako Elkarte Medikoak (CMA) barkamena eskatu die herri indigenei, praktika medikoentagik edo haien gabeziagatik historikoki eragin dizkieten kalte fisiko eta psikologikoengatik. Barkamen-eskea egin duen ekitaldi berean txosten bat aurkeztu du, medikuen jarduera antietikoak... [+]
Kanadako Columbia Britaniar probintziak programa pilotu berri bat hasi du, kokaina eta heroina bezalako droga gogorren jabetza despenalizatzen duena kopuru txikitan. Kanadako gobernu federalak mendebaldeko kostaldeko probintziaren eskaera onartu ostean, hiru urte iraungo duen... [+]
Higiezinen merkatuko prezioen goranzko joera eten asmoz, Kanadako Gobernuak lege bat jarri du indarrean: bi urtez atzerriko inbertitzaile eta enpresei etxebizitzak erostea debekatuko zaie, ondorioztaturik atzerriko espekulatzaileen eragina erabakiorra izan dela merkatuko... [+]
Panelakut tribuak egin du oraingoan aurkikuntza: identifikatu eta dokumentatu gabeko 160 hilobi baino gehiago, 1890etik 1970era ume indigenak bortxaz eramaten zituzten barnetegi izandakoan, Kanadako golkoan. Halako barnetegietan 1.100 hilobitik gora aurkitu dituzte dagoeneko.
Tenperaturen igoerak 500 pertsona baino gehiago hil ditu AEBetako mendebaldeko kostaldean eta Kanadako hego mendebaldean. The Guardian hedabidearen arabera, ozeanoetako kalteak konpontzen zailak izango dira.
Hori da AFP agentzia frantsesak IPCC (Klima Aldaketari Buruzko Gobernu Arteko Taldea) prestatzen ari den azken txostenaz egin duen filtrazioaren titulu nagusia. Erakunde hau klima aldaketa aztertzen duen munduko garrantzitsuena da eta amaitzen ari da bere zazpigarren txostena.
Kanadak aste honetan bere historiako berorik handiena bizi izan du. Herrialdeko errekorra izan zen astelehenean, 48 gradu Kolunbia Britainiarreko eskualde mendebaldetarrean; eta bertako herri batean, Lyttonen, gainditu zen biharamunean, 49.6 gradu celsius.
Cowessess herriko Marieval barnetegian aurkitu dituzte hobiak. Eskola hauek Elizak eta Kanadako Estatuak kudeatzen zituen 1831tik 1997ra artean, haur indigenak “zibilizatzeko”.
Lurperaturiko 215 umeren gorpuzki atzeman zituzten maiatzean Kanadako Kamloopseko eskola batean. “Zibilizatu beharreko basati” batzuenak dira, hots, kolonoen etorrera aitzin haien lurrean eta haien lurretik bizi ziren autoktonoenak. Asimilatzeko helburuz, eskola eta... [+]
Naturak irudi ederrak laga dizkigu egunotan. Munduaren punta batean sua, izotza bestean. Etna sumendia egurrean, eta Niagarako urjauzia erdi-izozturik.
Uvagut du izena eta urtarrilaren 18an ekin dio emisioari, soilik inuiteraz arituko den Kanadako lehen telebistak. Egun osoko programazioa eskainiko du, astean zazpi egunez. Azken 30 urteetan inuiteraz hamaika lan egin duen Nunavut Independent Television Network ekoiztetxeak... [+]
Nova Scotiako probintzian gertatu da ezbeharra. Poliziaren auto itxurako baten barrutik aritu da ustezko hiltzailea hamabi orduz jendeari tiro eginez. Hiltzailea bera ere hilda agertu da. Tiroketa hau da Kanadak bere historia modernoan jasan duen lazgarriena.