Kobaneko alkate ohia eta mugimendu feministako beste bi kide hil ditu Turkiako Gobernuak
Ekainaren 23an Turkiako drone batek Kobaneko eskualdean bonbardaketa egin eta hiru emakume kurdu hil zituen: Hebun Mele Xelil, Zehra Berkel eta Emine Veysi. Kobane Herriarekin elkartasuna lantzen duen Durangoko Suargi elkarteak atsekabea adierazi du. Izan ere, hildakoetako bat, Kobaneko alkate izandako 33 urteko Zehra Berkel, Suargiko kideekin izan zen 2018an.
Turkiaren erasoak hil dituen hiru emakumeetako bi Kongra Star erakundeko kideak ziren. Antolakunde horrek emakume talde guztiak batzen ditu Siriako Iparraldean eta Ekialdean. Eta Suargiko kideek azpimarratzen dutenez, lidergo kurdua baliatuta, erakundeak lortu du kutsu feministako hainbat ekimen gauzatzea, Emakumearen Legea, besteak beste.
Zehra Berkel Kobaneko alkatea izan zen, 33 urte zituen eta Suargiko kideek ezagutu zuten 2018an Kobaneko Emakumeen Akademian egindako graduazio batean. Bisita hori egin zuten Durangoko Udalak bidalitako diru-laguntza modu egokian erabiltzen ari zela ziurtatzeko, eta, adierazi zutenez, hala izan zen.
Suargi elkartearen arabera, Zehra Berkelen hilketa “hotz eta kalkulatuak” erakusten du Turkiak jomugan duela emakumeen mugimendu kurdua. “Zehra Berkel ezaguna zen Kobanen alkatea izateagatik, bere etengabeko jardueragatik emakumearen esparruan eta hizlari aparta izategatik. Hirian egiten ziren manifestazioetan hitza hartzeko ohitura zuen”.
Suargi elkarteak Zehra Berkel eta bere kideak omendu nahi izan ditu, “Siriako hondamendiaren erdian borrokalari nekaezinak izan baitira”.
Ehunka hildako eta ehunka milaka iheslari utzi ditu Turkiaren azken erasoaldiak Rojavan. Giza krisia handitu heinean, galderak ere pilatzen hasiak dira Siriako kurduen etorkizunaz.
Kurdistango Rojava eskualdean Turkiak hasi duen eraso militarrak kulturari ere eragin dio. Daesh beren lurretatik bidali eta gero kurduek martxan jarritako gizarte demokrata, berdinzale eta anitzaren zutabe nagusietako bat da kulturaren sustapena. Militar turkiarren mehatxuak... [+]
Zine Kurduaren II. zikloa datorren astelehenean hasiko da Bilbon. Kurdistan begiratuz izenarekin, hiru film ikusteko aukera egongo da.
Martxoaren 25ean Durango eta Kurdistango Kobane hiria senidetzea ospatuko dute, Plateruenean egingo den jaialdi bategaz. Izan ere, egun bat lehenago, barikuan, egingo dute senidetzeko ekitaldi ofiziala udaletxean. Kobanez gainera, Bartzelona ere senide lez hartuko du... [+]
Kobane hiriarekiko nazioarteko elkartasun eguna ospatu da azaroaren 1ean. Elkartasuna adierazteko manifestaldiak izan dira munduko hainbat hiritan, besteak beste: Frankfurt, Bartzelona, Buenos Aires, Madril, Helsinki eta Iruñean.
Michel Allison Kurdistango kongresuko emakumeen ordezkariari harrera egin diote Durangoko udaletxean, eta Kobane hiri kurdua Durangogaz senidetzeko lehen pausoa izan da. Duela pare bat hilabete, Durangaldeko zazpi lagun Kurdistanen egon ziren, eta hortik dator ekimena. Emakume... [+]
Kobanetik Estatu Islamikoa bota ostean, sarean ikusgai daude kurduen poza agerian uzten duten bideoak. Irudi hauek ikusteko gune aproposa da YPG Emakumeen Defentsarako Unitatearen Facebook orria.
Kurduek Estatu Islamiarra kanporatu dute Kobanêtik (Rojava), 132 eguneko erresistentziaren ostean. Borrokan 1.607 pertsona hil dira, gehienak ISISeko kideak, Públicok argitaratu duenez.
Borrokalari kurduek Kobanêko Mistenur muinoa askatu zuten joan den astean,... [+]
Kobanên (Kurdistan) Estatu Islamiarraren aurkako erresistentzia emakumeek gidatzen dute. YPJ Kobanêko komandanteetako batek, Gülistan Kobanêk, elkarrizketa bat eskaini dio Firatnewsi.
Euskal Herrian dago berriro Karlos Zurutuza kazetari freelance-a, Afganistanen, Sirian eta Kurdistanen ibili ostean. Info7 irratian hitz egin du kurduen egungo egoeraz eta Estatu Islamiarraren aurkako borrokaz.
Kobane hiri kurduaren aldeko manifestazioak egin dituzte mundu osoan. Kobane siriaren menpeko Kurdistanen dago, hiru aldetatik Estatu Islamikoak inguratuta dauka eta laugarrenean, Turkiarekin muga egiten du. Bilbon ere manifestazioa egin dute, Herrikolorek egin duen bideoan... [+]
"Kurdistango herriaren aurkako sarraskia gelditu! Estatu Islamikoa inperialismoaren tresna” lemapean, elkartasun manifestazioa deitu dute larunbatean Bilbon. 12:00etan abiatuko da udaletxetik eta Herri Kurduaren Elkartasun Ekimenak deitu du mundu mailako elkartasun... [+]