Kilometroak jai parte-hartzailea egin dute Ibarran
Kilometroak Ibarran ospatu dute urriaren 2an, "Irribarra" lemapean. Aurtengoaren berezitasuna izan da eremuak ez dituztela adinka bereizi eta ez dela kontzertuen gune bakar bat izendatu, eta jolas zein kirol aukera zabala izan dela. Horrekin, festa giro parte-hartzailea nagusitzea nahi zuten, jai handiek duten alkohol kutsuaren gainetik; eta antolatzaileek nabarmendu dute helburu hori bete dutela. "Aro berriko Kilometroak" izan dela adierazi dute. Bertan bildu duten dirua Uzturpe ikastolaren patioa eraberritzeko erabiliko dute. Hurrengo Kilometroak Oreretan izango da.
Lau gune prestatu ditu aurtengoan Kilometroak jaia hartu duen Ibarrako ikastolak. Azken urteetan jai eredua birplanteatzeko egin duten lanketari jarraituta, aurtengoaren ezaugarria izan da guneak ez dituztela "tematikoki" edo "adinaren arabera" banatu, eta gune guztietan egon dela aukera musikaz eta gastronomiaz gozatzeko. Oso gustura agertu zen Kilometroak jaiaren koordinatzaile orokorra den Mikel Egibar, Ibarran egin zen festarekin: "Pandemia zela eta, 2020an Amasa-Villabona-Zizurkilen antolatu nahi genuen eredu berrian oinarritutako jaia ez zen guztiz horrela izan. Gaurkoan, aldiz, bete-betean asmatu dugu”.
Kilometroak jaiaren antolatzaileek adierazi dutenez, "gazte ugari bildu zen, baina sasoi bateko 'kilolitro'ren arrastorik ez. Larrialdietako taldeak parterik eman ez izanak inpresio hori indartu zuen". “Ohiko guneak desagerraraztea eta jendea mugiaraztea klabea izan dela uste dut. Jendea elkarrekin ikusi dut: familiak, gazteak eta helduak... denak. Huraxe zen, hain justu, gaur ikustea espero nuena”, zioen Usue Sukia Ibarrako ikastolako buruetako bat denak, jasoketa lanetan ari zela.
Sormena, ardatzetako bat
"Sormena" zuen izena gune batek: bertan, tailerrak egin dituzte, eskultura erakusketa, eta bertsotan aritzeko zein zirkuko akrobaziak egiteko aukera.
"Baso magikoa" ere muntatu zuten frontoi ondoan: 30 txanda egin zituzten egunean zehar eta pertsonaia bereziek egin zieten agurra gerturatutakoei; ondoren ipuinez, fantasiaz, eta irudimenaz gozatu zuten.
Erronkan 300 gazte eta etxeko taldea garaile
Jolas eta joko eskaintza zabala egon zen: eskalada, trial bizikleten zirkuitua, puzgarriak, jolas libreak... eta azken urteetako Kilometroetan egin izan den Erronka, zeinetan Gipuzkoako 19 ikastolek hartu zuten parte (300 gazte guztira). Etxeko taldeak irabazi zuen erronka eta berak eskuratu ditu jokoan zeuden 1.000 euroak. Bigarren eta hirugarren postuak partekatu egin dituzte, Arizmendi eta Orereta ikastolek berdinketa egin baitzuten, eta bien artean banatuko dituzten 500 eta 300 euroak.
Euskal musikaren ibilbidea
Musika eskaintza zabala egon zen, baina ez gune batean konzentratuta. Bazkalostean Distopia elektrotxarangaren atzetik ibili ziren Ibarran barrena, Gabezin taldeak ikastolan jo zuen, Andoni Ollokiegik musika jarri zuen Azkue plazan, Nikotinak reggae erritmoa jarri zuen plaza nagusian eta Duplak eman zuen azken kontzertua Emeterio Arresen.
Oilaskoa eta piperrak
Gastronomia ere kontuan hartu dute antolatzaileek, "bertako produktuei balioa emateko". 800 lagunentzako paella eta Lumagorri oilaskoa prestatu zituzten eta herriko plazan Ibarra herriari oso lotua den piperrak bere gunea izan zuen.
Hona hemen Tolosaldeko Atariak Ibarrako Kilometroak jaiaz osatu dituen kronikak, argazkiak eta artikuluak.
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.
Ohiko guneak goitik behera aldatu ditu Kilometroak jaiaren aurtengo edizioak, hitzaldiak ere antolatu dituzte urriaren 2 honetarako eta ezusteko bat baino gehiago prestatu dute. “Jai parte-hartzaileagoa” izango da, “aldarrikapenari toki handiagoa emango... [+]
Infinitu irribarra egitasmoa aurkeztu dute aurtengo Kilometroak Ikastolen aldeko festaren berrikuntza gisa: irribarrez ateratako argazkiak webgunera igotzera animatu dituzte herritarrak, irribarreen mapa bat osatzeko. Ibarran ospatuko den jaiari atxikimendua emateaz gain,... [+]
Nekane Artola Gipuzkoako Ikastolen Elkarteko lehendakariak hartu du gaur eguerdian (urriak 4) Kilometroetako lekukoa Zizurkilgo Joxe Arregi plazan, Zubimusu Ikastolako arduradunen eskuetatik. Gipuzkoako Ikastolen esku geratu da, beraz, 2021. urteko Kilometroak antolatzea... [+]
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Ikastolen Elkartearen Kilometroak egitasmoak eta Mintzola Ahozko Lantegiak antolatu dute beka hau lehen aldiz. 3.000 euroko diru-saria jasoko du hautatua izango den ikerlariak. Apirilaren 2 arte dago aurkezteko epea.
Kilometroak 2020 festa nagusia urrian izango bada ere, ikastola buru-belarri ari da urte osorako ekintzak antolatzen. Ekintza horietako bat Kilometroak txikia jaia izango da, eta igandean egingo dute, eskualdea girotzen hasteko.
Urriaren 6an izan da Ikastolen Elkarteak Gipuzkoan antolatzen duen Kilometroak jaiaren azkena, bai behintzat orain arteko moduan. Hurrengo urtekoa, Amasa-Villabonakoa, txikiagoa izango da eta parte-hartzea sustatuko dute.
Aurtengo Kilometroak jaia antolatzen ari den Zarauzko Salbatore Mitxelena ikastolan, bigarren ikasturtea du Birsortu proiektuak. 5 urteko haurren esperimentazioa eta imajinazioa bultzatzea du xede, baita bizikidetzaren parte diren konplizitatea, negoziaketa eta liskarrak lantzea... [+]
Antolatzaileak oso pozik agertu dira igandean Oñatin Kilometroak Jaiak eman duenarekin: "Egun biribila izan da, bikaina". Eta bertaratu diren guztiei eta eguna arrakastatsua izan zedin lan egin duten boluntario guztiei esker ona adierazi diete.
Ez zaio arrotza Kilometroen jaien prestaketa Oñatiko Txantxiku Ikastolari. 1989an egin zuten aurreneko aldiz, eta irailaren 24an bigarrenez hartuko du jaia herriak. Mende erdia bete du aurten ikastetxeak, eta berrikuntza pedagogikoaren zurrunbiloan iritsi da urtemugara.
Kilometroak'16 ospatuko dute igandean Bergaran, Aranzadi ikastolaren eskutik, Demasa lelopean. Gipuzkoako ikastolen jaialdiak 40. edizioa izango du aurtengoa.