Kike Amonarrizek patologia linguistikoen errepasoa egingo du asteazkenean Donostian
Kike Amonarrizek Euskal Herriko Patologia Linguistikoak: ze gahixo gauden hitzaldi umoretsua eskainiko du abenduaren 17an Donostiako Garoa liburu-dendan. Umoreaz gogoetak egiteko eta pasadizo xelebreak kontatzeko baliatuko du ARGIArekin batera argitaratu berri duen Azken Txorakikeriak txiste liburua.
1980an hasi zen umorea lantzen ARGIAko orrialdeetan eta orduz geroztik, urte hauetan guztietan, umorearen inguruan sortutako hausnarketak partekatuko ditu Garoa liburu-dendan. Gogoetak egiteko Azken Txorakikeriak liburuko adibideak erabiliko ditu. Euskal Herrian benetan gertatutako pasadizoetan oinarrituta patologia linguistikoak ere kontatuko ditu. Benetako pasadizo horietako batzuk liburuan bertan irakur daitezke.
Azken Txorakikeriak liburua azken urteotan ARGIA astekarian argitaratutako txisteen bilduma da eta liburuaren izenburuak azkenak direla badio ere, auskalo Kike Amonarrizen txiste berriez gozatzeko aukera izango ote dugun aurrerantzean. Bitartean, ekitaldi umoretsuaz gozatzeko tartea izango dugu.
Hitzaldia noiz eta non: abenduak 17, asteazkena, 19:00etan, Donostiako Garoa liburu-dendan (Zabaleta kalea 34)
Azken Txorakikeriak liburua hemen salgai.
Kike Amonarrizi Argian umoreaz eta euskaraz egin diogun elkarrizketa hemen.
ARGIAko erredakzioaren eskutik, sei irakurgai proposamen.
Muturreko lehorteak eta euriteak dira beroketa globalak Pakistanen duen inpaktuaren alde agerikoena. Ez dira hain ezagunak, ordea, hondamendiek piztu eta bizkortzen dituzten gaitz sozialak, eta zenbat eta nola oztopatzen duten azken horiek Asiako herrialdearen garapen oso eta... [+]
Familiaz, azalpenak eman beharraz, topikoez, askatasunaz, kontziliazioaz, sareaz eta komunitateaz, erru sentimenduaz, ekonomiaz, traba legal eta administratiboez, haurraren eskubide urraketez... solastatu gara, hautuz gurasobakar diren Argider, Junkal, Koldo eta Maitanerekin... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Aragoiko Asabón errekak zeharkatzen duen lurraldeak hainbat ustekabe eder gordetzen ditu. Ez naiz historialaria, eta, hortaz, ez dut halako kronika historiko bat eginen. Bereziki mendizale gisa mintzatuko naiz, aspaldi honetan nire gogoak –nire senak– halako... [+]
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
ARGIAko erredakzioaren eskutik, sei ikus-entzunezko proposamen.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.