Kezka zaitezte pentsioengatik
Hego Euskal Herriko biztanleek pentsioetan murrizketa handiak jasateko arriskua dute Espainiako Estatuko ekonomiaren kolokak eraginda. Ignacio Escolar kazetariak bere blogean dioenez, laster iragar dezake Rajoyren gobernuak neurri garrantzitsuren bat. Bere analisia euskaratu dugu.
1-Krisia hasi zenetik lehenengo aldiz –eta bost urte joan dira jada– Gobernuak pentsioen erreserba funtsa erabili beharko du.
2-Langabezia hainbeste hazi da, pentsiodun bakoitzeko 2,05 langile baino ez daudela dagoeneko, eusteko oso proportzio zaila.
3-Gobernuak Bruselan aurkeztu duen bi urteko planean, datorren urterako kotizazio sozialen puntu bateko jaitsiera jarri dute aurrekontuetan eta beste puntu bat jaitsiko da hurrengo urtean: guztira, beherapen horien ondorioz, 3.521 milioi euro gutxiago egongo dira pentsioak ordaintzeko erabiltzen dugun funtsean.
4-Gainera, inflazioaren igoerak gasolina garestitu du eta botiken berrordainketa bezalako neurriek, aurten bakarrik, 4.000 milioi euro gehiagoko gastu gehigarria ekarriko dute, Gobernuak bere eros-ahalmena mantentzea erabakitzen badu.
5-Argi dago kontuak ez direla aterako. Kotizazioen beherakada orekatu ahalko litzateke bestelako zergekin, baina hori ez da gertatuko. Gobernuak ez du hori egiteko borondaterik eta Espainiaren berehalako erreskatearen baldintzek ez dute horrelakorik egiten utziko.
6-Aste gutxiren buruan, Gobernuak murrizketak iragarri beharko ditu pentsioetan eta hiru formula daude: erretiro adina 67 urtera atzeratzeko neurria indarrean azkarrago jartzea, pentsioak murriztea edo izoztea, KPIrekin hazi ez daitezen. Seguruenik, murrizketa horietakoren bat ikusiko dugu, edo agian hiruren konbinazioa.
7-Honezkero, zalantza bakarra da ea noiz kontatuko diguten. Aste honetan bertan, gerta baitaiteke Angela Merkelek eta EBZk Espainia erreskatatzearen truke eskatzea? Edo Galiziako hauteskundeen ondoren, PPk nahiko lukeen moduan?
Iturria: Escolar.net
“Hainbesteko zurrunbiloa hilean sei kafe adina euro ordaindu behar direlako?”. Zer da bada hilean 8 euro ordaintzea 600 bat euroko pentsioa duenarentzat? Nafarroan pentsiodunen %40 inguruk 650 euro baino gutxiago jasotzen dute. Euskal Autonomia Erkidegoan 1.000... [+]
Botiken berrordainketa sistema martxan da astelehenetik aurrera Araban, Bizkaian eta Gipuzkoan. Herritarrek euren soldataren araberako gainprezioa ordaindu beharko dute botikengatik. Prestaziorik gabeko langabeek eta pentsio minimoa duten erretiratuek ez dute ordaindu beharrik... [+]
Botiken berrordainketa indarrean ezarriko da EAEn uztailetik aurrera. Bertako biztanleek euren soldataren arabera ordaindu beharko dute botiken gainprezioa, prestaziorik gabeko langabeek eta pentsio minimoa duten erretiratuek izan ezik.
Nafarroako osasun sistema publikoak dituen arazoak salatzeko protestaldiak antolatu ditu Nafarroako Osasun Plataformak herrialde osoan. Maiatzean eta ekainean zehar, asteazkenero elkarretaratzeak egingo dituzte osasun etxeen aurrean.
Eusko Jaurlaritzako bozeramaile Josu Erkorekak adierazi du botiken berrordainketa aplikatzea beste aukerarik ez duela ematen legeak. Data zehatzik eman ez duen arren, Erkorekak esan du urtea amaitu aurretik martxan jartzea espero dutela.
Eusko Jaurlaritzak dekretua onartu zuen joan den ekainean, Espainiako Gobernuak Osasun arloan hartutako hainbat neurriri kontra eginez. Hala, herritarrek botikak berriz ordaintzeko aginduari eta paperik ez duten etorkinak artatzeko debekuari uko egin zion Jaurlaritzak... [+]
Eusko Jaurlaritzak berehala jarri beharko du indarrean botiken berrordainketa Araban, Bizkaian eta Gipuzkoan, Espainiako Konstituzio Auzitegiak tramitera onartu baitu Espainiako Gobernuak Jaurlaritzaren dekretuaren aurka jarritako helegitea. Jaurlaritzaren dekretua legez... [+]
Eusko Jaurlaritzatik esana bazuten ere EAEn ez direla ezarriko Espainiako Gobernuak Hezkuntza eta Osasun arloetan egin dituen murrizketak, Rajoyren Gobernuak neurriak hartuko ditu horri buelta emateko. Eusko Jaurlaritzaren erabakia legez kontrakoa dela argudiatuz helegitea... [+]
Botiken berrordainketa igande honetan jarriko da martxan Nafarroan, Espainiako Estatuko ia erkidego guztietan bezala. EAEn ordea ez da berrordainketarik aplikatuko. Prestaziorik gabe geratzen diren langabetuek eta pentsio ez-kontributiboa (asistentziala) jasotzen duten... [+]
Botiken berrordainketa Hego Euskal Herrian ezartzeko urratsak ematen ari da Espainiako Gizarte Segurantza eta aste honetan Araba, Bizkaia eta Gipuzkoako Foru Aldundiei euren ogasuneko datu-baseak eskatu dizkie.
Pentsiodunek errezetatzen zaizkien botiken %10 eta herritar aktiboek %50 ordaindu beharko dute aurrerantzean, Ana Mato Espainiako Osasun ministroak atzo jakinarazi zuen moduan. Gaur egun pentsiodunek ez dute deus ordaintzen, eta gainerako herritarrek %40 ordaintzen dute.
Tolosako espezialitate anbulatorioa eta Asuncion Klinika parez pare. Tolosaldea da eskualde-ospitalerik ez duen bakarra Gipuzkoan. Bi zentro hauek (publikoa bata, kontzertatua bestea) eskaini dute espezialitateko arreta gaur arte, baina anbulatorioa hustuz joan dira... [+]