Kepa Urra torturatzeagatik zigortua izan zen koronelburua kargutik kendu du Grande Markaslak
Manuel Sanchez Corbirenganako konfiantza galdu duela adierazi du Espainiako Barne Ministerioak. Kepa Urra torturatzeagatik kondenatua izan zen 1997an.
Kepa Urra torturatzeagatik zigortu zuen Bizkaiko Auzitegiak Sanchez Corbi, 1997an. Lau urteko espetxe zigorra eta sei urteko inhabilitazioa ezarri zizkion. Kondena, baina, ez zen eragozpen izan Sanchez Corbi Guardia Zibileko UCOko koronelburu izendatzeko, Jose Maria Aznarren gobernuak (PP) indultatu egin baitzuen 1999an. Aginte kargu horretan egon da gaur arte. Izan ere, Fernando Grande-Marlaska Espainiako Barne ministroak kargutik kentzea erabaki du, harengan zuen konfiantza galdu egin duela eta.
Sanchez Corbik joan den astean hartutako erabakiak eragin du Espainiako Gobernuaren konfiantza galtze hori. Koronel ohiak haren ardurapeko unitatearen jarduna behin-behinean etetea agindu zuen, Erreserbatutako Gastuen Funtsean baliabiderik ez zela argudiatuta. Europa Press berri agentziak Barne Ministerioko iturriak aipatuta adierazi du erabakiak arriskuan jarri zituela abian ziren hainbat polizia operazio.
Iturri horien arabera, Barne Ministerioak ez ditu UCOrentzako baliabideak bertan behera utzi. Aldiz, gastuen "azterketa" egiten ari zen, bideratutako diru kopuruak nola erabiltzen ari ziren argitzeko.
Sanchez Corbi, torturengatik kondenatua izan ondoren, Guardia Zibileko goi kargu izendatu izanak kontrako erreakzioak eragin zituen Euskal Herriko alderdi abertzaleen artean. Koronel ohia Espainiako Kongresuan izan zen 2017ko azaroan, PPren finantzaketa ikertzeko batzordean. Kepa Urraren torturen kondena gogorarazi zion Oskar Matute EH Bilduko diputatuak. Sanchez Corbik ez zion erantzun.
EAJk, berriz, kargu hartu zion Mariano Rajoyren gobernuari (PP) Sanchez Corbi koronel buru mantentzeagatik, guardia zibilak EAJren kontrako adierazpenak egin berri zituenean. Koronel ohiak Odola, izerdia eta bakea liburua aurkezteko egin zuen elkarrizketa batean adierazi zuen "ETAkoak, Batasunakoak, EAJkoak eta euskal Eliza" zirela ETAren kontrako borrokan "gaiztoak". Horrez gainera, ziurtatu zuen gerra zikinak ez zuela izan "horrenbesteko garrantzirik", eta EAJk ez zuela ETAren porrota nahi.
Liburu horretan, Sanchez Corbik kontatu du guardia zibilek familiakoak erabili izan dituztela Frantziako Estatuan egindako ETAren kontrako operazioetan.
Sanchez Corbirekin batera, beste hiru guardia zibil inputatu zituzten Kepa Urra torturatzea leporatuta. Horien artean, Diego Perez de los Cobos. Azken hori izan zen Kataluniako urriaren 1eko erreferenduma eragozteko operazioan Espainiako Gobernuak segurtasun indarren koordinaziorako izendatu zuen arduraduna.
Kepa Urra torturatua izan ondoren ospitalean zela, hari "bisita egitera" joan zitzaizkion Perez de los Cobos eta Alejandro Hernandez Mosquera auzipetutako beste guardia zibiletako bat.
Albiste hau Berriak argitaratu du eta Creative Commons lizentziari esker ekarri dugu.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Memoria osoa ekimenak salatu du biolentziaren biktima izan direnen arteko desberdintasunak bultzatzen ari direla hainbat instituzio, eta norabide hori zuzentzeko deia egin du. Ekimenak estatuen biolentziaren hamabost biktima elkarte biltzen ditu. Urriaren 12an Guardia Zibilak... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]