Keniako errefuxiatu kanpalekuetan hirukoiztu egin da haurren desnutrizioa
Afrikako adarra berriz dago muturreko egoeran sikateak eta gatazka armatuek eraginda, eta ondorioak errefuxiatu kanpalekuetan pairatu dituzte: Keniako kanpaleku handienetako batean %33 hazi dira malnutrizio kasuak, eta horietako gehienak haurrak dira.
Keniako errefuxiatu kanpalekuetan egoera muturrekoa da, laguntza humanitarioko erakundeak “ezin kudeatzeko puntuan” daudela dio MSF Mugarik Gabeko Medikuak gobernuz kanpoko erakundeak. Umeen malnutrizioa zabaltzen ari da Dagahaleyn, Keniako errefuxiatu kanpalekurik handienetako batean: 2022an aurreko urtean baino %33 paziente gehiago artatu zituzten malnutrizio egoeran, eta horietatik gehienak haurrak zirela zehaztu du gobernuz kanpoko erakundeak. Malnutrizio tasa %45 hazi da 2022ko azken sei hilabeteetan. Egoera okertzearen zergatiak kolera izurriteak, lehortea eta eskualdean dauden gatazka armatuak direla ondorioztatu du GKEak.
Keniako Daadab errefuxiatu konplexurako –bertako kanpaleku bat da Dagahaley– berehalako laguntza eskatu du MSF elkarteak. 2022 aurretik ere, egoera ez zen ona kanpalekuotan, baina iaz eztanda egin zuen, zenbait faktoreren elkarrekintzak eraginda. Izan ere, Kenia, Afrikako adarrean, kontinenteko eremu beroenen artean dago gatazkari dagokionean. Somalian eta Etiopian, mugakide dituen herrialdeetan, gatazka piztuta dago, eta handik ihes egiten duten errefuxiatuen kopurua handia da. Hain zuzen ere, MSFak azaldu du nabarmen igo dela kanpalekuetara bertaratutako errefuxiatu kopurua: egun, 800 familia inguru bizi dira eremutik kanpo, oinarrizko elikagai eta ur sarbiderik barik.
Bestalde, klima aldaketaren aurpegirik gogorrena ere ari dira pairatzen lurraldean. NBE Nazio Batuen Erakundeak aurreikusi du datorren martxo eta maiatz bitarteko eurite sasoian lehortea nagusituko dela, seigarren aldiz jarraian. Horrela, bada, egoera are okerrerago joan daiteke eremuan: Kenian eta Somalian milioika dira gosez eta egarriz. Hain justu, gobernuz kanpoko erakundeak salatu du egoera horrela dela, baina nazioarteko laguntza humanitarioko erakundeen aurrekontuak jaitsi egin direla, eta laguntza operazioak gutxiagotuko direla.
Aspaldiko zauriak
Hiru hamarkada daramatza kanpalekuen eremuak, 1991n eraiki zuten. Hasieran, Somaliako gerra zibiletik ihesi zebiltzan errefuxiatuei aterpe emateko eraiki zuten, baina lurraldeko egoera gatazkatsua dela eta, beren egoera kronifikatu dute, eta euretatik zenbait 30 urtez daude egoera berean. Egun, iazko iraileko azken kontaketen arabera, 233.000 errefuxiaturi ematen diete aterpe, hasierako planean esperotakoa halako hiru. Zifra horri gehitu behar zaizkio erregistratu gabeko 80.000 pertsona: horietatik 50.000 iaz heldu ziren.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.