‘Kelly’-ek garbitzaileen lan-eskubideak betetzen dituzten hotelentzako erreserba zentroa abiatuko dute
Webgunea 2022tik aurrera jarriko dute martxan, eta garbitzaileen lan-baldintzak betetzen dituzten hotelak zeintzuk diren jakiteko balioko du. Prekarizazioa gelditzea eta esternalizazioa saihestea dira helburu nagusietako bi.
Kataluniako hoteletako garbitzaileen (Kelly) sindikatuak langileak esplotatzen ez dituen ostatuentzako erreserba zentro propioa sortuko du. Kellyen erreserba zentroa izango du izena, eta 2022tik aurrera egongo da martxan. Hasieran, garbitzaileen lan-baldintzak errespetatzen dituzten Bartzelonako hotelek osatuko dute zerrenda; gerora, hiriburutik kanpo dauden ostatuak ere gehituko dituzte.
Egitasmoa martxan jartzeko, Goteo mikromezenazgo kanpainaren bidez lortu dute finantzazioa. Uztailaren 18an hasi zuten diru bilketa, eta pasa den ostegunerako 60.000 euroan ezarritako gutxienekora heldu ziren. Orain, 40 egunez luzatu dute kanpaina, 90.000 eurora igo duten gehienezko kopurua lortzeko asmoz.
'Kelly'-ek Twitter bidez salatu dutenez, egun ez dago beren lan-eskubideak betetzen dituen hotelik Katalunian. Erreserba zentralaren helburua, hain zuzen, hori lortzera bideratuta dago: 2018an, Kataluniako Gobernuak baldintzak betetzen zituzten hotelei Kalitatezko eta Bidezko Lanaren Zigilua aitortzeko egitasmoa onartu zuen, baina hiru urte geroago, proposamena ez da martxan jarri. Vania Arana Kataluniako Kellyen ordezkariak esan duenez, administrazioak esku-hartzen ez badu, eurek behar dute egin botere publikoari dagokion lana: “Lan duinak eduki nahi ditugu”.
Hori betetzeko, 2018an hainbat baldintza ezarri ziren. Garbitzaileak plantilan izatea, hiru urte baino gehiagoko kontratuak egitea, Kataluniako ostalaritzako hitzarmen kolektiboaren barruan egotea eta osasunari eragiten ez dion lan karga onargarria izatea ziren garrantzitsuenak. Orain, erreserben zentralak, beste hainbat ezaugarri betetzen dituzten hotelen zerrenda bilduko du: ordainsari bera emakumeentzako eta gizonezkoentzako, kolektibo zaurgarrietako jendeari kontratazio aukerak eskaintzea eta konratazio mugagabeak egitea, besteak beste.
Bereziki, hoteletako gelen garbiketa lanak ez azpikontratatzea da eskaera nagusia. Kataluniako Kellyek 2019an egin zuten baldintza hori betetzeko galdeketa Europako Parlamentuan, Frantziako eta Erresuma Batuko beste hainbat talde sindikalekin batera. We end outsourcing izena zuen egitasmoak, baina horrek ere porrot egin zuen.
Esternalizazioaren aldekoak
CCOO eta UGT sindikatuek, Malagako Unibertsitatearekin eta Espainiako Turismo Ministerioarekin batera, garbitzaileen lan-eskubideak betetzen zituzten hotelen zerrenda bat plazaratu zuten pandemia baino lehenago. Baina Fair Hotels izenezko webgune horrek ez ditu 'kelly'-en eskaera guztiak kontuan hartzen, esternalizazioa alde batera uzten duelako. Izan ere, sindikatuen ustez, legeak onartzen duen praktika bat da, eta hotelei eskaera gehiegi egiten badizkiete, atzera bota daitezke. Ondorioz, erreserba zentroari kritikak egin dizkiote egitasmoaren sortzaileek, baldintza hori gehitzea ez zaielako bideragarria iruditzen.
Zentroaren kudeaketa
Garbitzaileen sindikatuak, ordea, baldintza guztiak bete daitezen nahi du, eta horretarako, badirudi garbitzaileek beraiek kontrolatuko duten erreserba zentroa izango dela. Benidormeko 'kelly'-en bozeramaile Yolanda Garciak La Marea hedabideari kontatu dionez, administrazioek kalitate zigiluak ematen dituztenean baliatzen dituzten ikuskaritza metodoak ez dira baliagarriak: “Jabeek badakite aintzatespen hori ematen duen inspektorea noiz etorriko den, eta hotela prestatu egiten da, toalla edo izara berriak beraiek jarriz, ikuskatuko dituzten geletan”. Horregatik, egitasmo berriarekin egunero egingo dituzte ikuskaritza lanak, dena ondo doan jakiteko: “Eta oso zorrotzak izango gara”.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
