Kazetari bat hil da Alemaniako Hambach basoan, polizia ekintzaileak botatzen saiatzen ari zela
Steffen M. zuen izena eta asteak zeramatzan Alemaniako Ipar Renania-Westfalia eskualdean dagoen Hambach basoko erresistentziaren berri ematen. Polizia basoa husten saiatzen ari da orain bi astetik, ikatz harrobi erraldoi bat zabaldu eta zuhaitzak moztu egin nahi baitu RWE enpresak. Ekintzaileek zuhaitzetan etxeak eginak dituzte eta desobedientzia zibila praktikan jarriz, bertan jarraitzen dute. Kazetari eta blogaria, altuera handi batetik erorita hil da.
Asteazken arratsean zabaldu da albistea. Ez ohiko prentsaurreko batean, polizia erregionalaren bozeramaile Paul Kemenek adierazi du kazetari bat hil dela. "Istripua gertatu den unean eta lekuan ez zen inolako operaziorik egiten ari". Bere hitzetan, Steffen M. kazetaria zegoen zuhaitzaren oinera joan zen polizia bat argazki makinarako memoria txartel bat ematera; polea bidez hau igotzen ari zen bitartean erori egin zen.
Berehala eman dute bestelako bertsioa Hambach basoko ekintzaileek: “Denbora luzean gurekin basoan kazetari lanean aritu izan den lagun bat, lurretik 20 metrotara zegoen zubi zintzilikatu batetik erori eta hil egin da. Une horretan polizia eta RWE enpresa zuhaitz etxeen herria husten saiatzen ari ziren. Agente bat ekintzaile bat atxilotzen saiatzen ari zen zubiaren ondoan. Gure laguna, antza denez, horra zihoan erori denean".
Ekintzaileek adierazi dute "erabat ukituta" daudela. "Gure pentsamendu eta desioak berarekin daude. Gure doluminak bere senide, lagun eta kezkatuta dagoen jende guztiarentzat. Poliziari eta RWEri exijitzen diogu basotik joan daitezela berehala eta geldi dezatela operazio arriskutsu hau. Ez dira bizitza gehiago arriskuan jarri behar. Oraintxe bertan, atseden une bat behar da".
Hambach basoa azken urteetan ikatzaren aurkako borrokaren sinboloetako bat bilakatu da Alemanian, Frantziako Reporterre hedabide ezkertiarrean irakur daitekeenez. Duela sei urte okupatu zuten militante ekologistek, RWE energia konpainiak suntsituko zuela iragarri ostean, lignitio harrobia eremuz handitzeko planen ondorioz. Hasiera batean zituen 4.100 hektareetatik, gaur egun 200 soilikgeratzen dira moztu gabe. Alemaniako justiziak argi berdea eman ostean, RWE enpresak urriaren 1etik aurrera geratzen den basoaren erdia moztu nahi du. Ipar Renania-Westfaliako gobernu erregionalak orain bi aste ZAD honen hustea agindu zuen.
Duela urtebete publiko egin zuten azpiko bideo honetan ikus daiteke ekintzaileek prestatu duten erresistentzia. ARGIAn gaiari jarraipena egiten ari gara.
Alemaniako Brandenburgo estatuaren azken hauteskundeetan Sahra Wagenknecht Aliantzak (BSW) botoen %13,5 lortu zuen. Alderdia Sahra Wagenknecht-ek sortu zuen, Die Linke alderdi ezkertiarraren kide ohiak. Die Linke botoen %10,7tik %3ra iragan da, eta estatuko legebiltzarretik... [+]
Boto gutxi tarteko gailendu zaio Olaf Scholz lehen ministroaren SPD alderdia eskuin muturrari Alemania ekialdeko Brandenburgoko hauteskundeetan. Turingia eta Saxoniako porroten ostean Brandenburgoko emaitzak arnasa eman dio Scholzek zuzentzen duen “semaforoaren”... [+]
1,1 puntuko aldea baino ez. Alemanian koalizioan gobernatzen ari diren sozialdemokratek hauteskundeak irabazi dituzte Branderburgo eskualdean. Botoen %30,7 lortu dute. Bigarren tokian, botoen %29,6rekin, gelditu da Alemaniari Alternatiba (AfD) eskuin muturreko alderdia... [+]
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Geissenkloesterle (Alemania), dela 42.000 urte. Danubio ibaiaren arroko kobazuloan bizi zirenek txirula bat egin zuten hegazti hezurrak eta mamut bolia erabiliz. Garai bertsuan, Esloveniako Divje Babe kobazuloko biztanleek ere txirula bat egin zuten hartz baten femurra baliatuz... [+]
Alemaniako Turingia eskualdean, hiru bototik bat jaso du Alemaniari Alternatiba eskuin muturreko alderdiak. Saxonian ere egin dira hauteskundeak, eta bigarren geratu da, ozta-ozta, demokristauen atzetik.
Estatu Islamikoak beregain hartu du erasoa, Palestinako eta beste leku batzuetako musulmanen "mendekua" dela esanez. Eskuin muturrak inmigrazioaren aurkako mezuak hedatzeko baliatu du.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]