Katalunian gobernua osatzeko akordioa iragarri dute ERCk eta JxCATek
Jordi Sánchezek eta Pere Aragonések azaldu dute akordioa, hurrengo egunetan bi alderdien oinarriek berretsi beharko dutena. Elkarrizketak luzatzeagatik barkamena eskatu dute bi buruzagiek, baina akordioa sendoa dela ziurtatu dute. Juntsek Aragonés presidente egingo luke oinarriak akordioaren aurka bozkatzekotan ere, baina ez litzateke gobernuan sartuko.
“Junts-en idazkari nagusi Jordi Sánchezen eta Esquerra Republicanako koordinatzaile nazional eta presidentetzarako hautagai Pere Aragonésen bi eguneko lanaren ostean, oinarrizko ituna adostea lortu dute bi alderdiek asteburu honetan”. Goizeko 8etan iragarri dute ERCk eta JxCatek gobernua osatzeko eta Aragones presidente egiteko akordioa erdietsi dutela, ohar bateratu batean. Eguerdian, bi buruzagiek agerraldia egin dute elkarrekin.
Aragonések zein Sánchezek, biek eskatu dute barkamena Junts eta ERCren arteko elkarrizketak horrenbeste luzatzeagatik. Hiru hilabete dira hauteskundeak egin zirela, une batzuetan elkarrizketak haustear egon direla esan izan da, eta azken egunetan hauteskunde berriak deitzeko aukeraz ere hitz egin da Katalunian. Baina biek adierazi dute ere akordioa sendoa dela.
“Politika aurrerakoiekin konprometitutako gehiengo independentistako gobernu bat izango dugu, zeinak jendearen eta nazioaren alde lan egingo duen, eta presoen amnistia eta autodeterminazio eskubidea izango dituen lehentasun” adierazi du Aragonések, gobernua “sendoa” izango dela ziurtatuz. “Betikoak esaten arituko dira gobernu honek huts egingo duela, baina oker daude, eta legealdi honen amaieran frogatuko dugu”, adierazi du Sánchezek ildo beretik. Akordioak independentismoaren “ikuspegi nagusiak” elkarlanean aritzea ahalbidetzen du, Juntseko idazkari nagusiaren hitzetan. Erbesteratuak eta espetxeratuak hartu ditu gogoan, eta gatazka politikoa konpontzeko konpromisoa adierazi du. Aragonések eta Sánchezek CUPekin batera lan egiten jarraituko dutela iragarri dute ere
CUPen papera
Akordioarekin pozik agertu da Carles Riera CUPeko diputatua, eta Junts eta ERCk lortutako akordioan bere alderdiaren ekarpena azpimarratu nahi izan du –iragan astean, tentsio handieneko egunetan, ERC eta Junts CUPen ekimenez eseri ziren mahai berean berriz ere–: “Zer edo zertan lagundu dugu”. CUP gaur gaurkoz gobernuan sartzeko aukera baztertu du Rierak, hainbat arlotan desadostasunak handiegiak direla argudiatuta. Aldi berean, CUPek ERCrekin adostutako neurriak ez ditzatela baztertu eskatu du. "Autodeterminazio eskubidea legegintzaldi honetan praktikatzeko prestatu behar gara", adierazi du. Aurreko astean ERC eta Catalunya en Comu-ren arteko akordioa egon zitekeela zabaldu bazen, gaur alderdiko kide Joan Menak “emandako hitza urratu” izana leporatu dio ERCri, eta iragarri du gobernu berriak ez duela legegintzaldia amaituko. Hauteskunde osteko egunetik indar independentisten gobernu baten alde presioa egin duen ANCk poza agertu du akordioagatik, baina independentziaren aldeko politika argiak eskatu ditu: “Independentismoaren aurkako errepresioa etengabekoa da. Ekimen politikoa berreskuratu behar dugu”.
Militanteen berrespena eta sailen banaketa
Buruzagiek lortutako akordioa alderdi bakoitzaren oinarriek onartu behar dituzte orain, hurrengo egunetan gertatzea espero dena. Dena den, Sánchezek azaldu du Juntsen oinarriek akordioaren aurka egitekotan, Aragones Generalitate izendatzearen alde bozkatuko luketela alderdiko diputatuek, gobernuan sartu gabe bada ere.
Generalitateko sailen banaketari dagokionez, ERCren eskuetan egongo dira: Barne Saila; Kultura; Hezkuntza; Enpresa eta Enplegua; Feminismoak eta berdintasuna; eta Akzio Klimatikoa, Nekazaritza eta Elikadura sailak. Juntsek zuzenduko ditu, aldiz: Ekonomia eta Ogasuna; Azpiegiturak, hirigintza Agenda eta Digitalizazioa; Eskubide Sozialak; Ikerketa eta Unibertsitateak; Justizia; eta Kanpo Politika eta Gardentasuna.
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.
Benetan aztertzeko modukoa da gertatu dena: Espainiako botere... [+]
ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.
Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]
Itxura guztien arabera, PSCko Salvador Illa izango da Generalitateko hurrengo presidentea, norbait izatekotan. Bestela, hauteskundeak errepikatzeko aukera dago. Egungo presidente Pere Aragonés eta ERCk jaitsiera handia izan dute. Abstentzioa %41ekoa izan da.
Kataluniako Parlamentuko gehiengo independentistaren galerak eta hemizikloa eskuinerantz eta espainolismorantz biratzeak gobernagarritasuna zailtzen dute. Maiatzaren 30eko Espainiako Diputatuen Kongresuko osoko bilkurak, Amnistiaren Legea bozkatu behar duenak, eta ekainaren 9ko... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]
Ura aurrezteko ordenantzak onartu nahi dituzten udal guztiak, tartean Bartzelona, Sant Cugat del Vallèsera joaten dira. Udalerri horrek ura aurrezteko bere lehen araudia onartu zuen 2002an, eta 2008an eta 2018an eguneratu zuen, murriztaileagoa izan zedin.