Kataluniako Pirinioetan galdeketa egingo da, 2030eko Olinpiar Jokoen hautagaitzaren inguruan
Kataluniako Gobernuak bi galdeketa egingo ditu uztailaren 24an Pirinioetako herrietan, 2030eko Neguko Olinpiar Jokoen hautagaitzak daukan babesa neurtzeko. Kirol probak egingo diren herrietan galdera izango da: "Kataluniako Gobernuak aurkeztu beharko luke hautagai zerrenda, Joko Olinpiko eta Paralinpikoetarako?". Aldiz, Jokoen eragina zeharka nabarituko duten beste herri batzuetan, honakoa izango da: "Eskualdeak parte hartu behar du Joko Olinpiko eta Paralinpikoen proiektuan?".
Erantzun posibleak bi izango dira: "Bai" ala "Ez". Galdeketak presentzialak izango dira; ezingo da ez telematikoki ez posta bidez bozkatu. Pirinio Garaiko herriak daude lehen multzoan (55.000 lagun daude galdeketara deituak); eta Jokoek zeharka eragingo luketenen multzoan Ripolles, Solsones eta Bergueda (63.000 lagun).
Aurreneko kasuan, emaitza "politikoki loteslea" izango da, Laura Vilagra Generalitateko kontseilariak jakinarazi duenez. Bigarrenean emaitzak bereizturik ebaluatuko dira; eskualde bateko gehiengoak ezetz bozkatzen baldin badu, Gobernuak albo batera utziko du, Vilaweb.cat hedabideak azaldu duen moduan. "Bi galdeketa egitearekin, Gobernuak saihestuko du biztanleria handiagoa duten hiru eskualde horiek –ezezkoak bozka gehiago lor dezake bertan – hautagaitzari betoa jartzea", dio Vilawebek. "Baina, era berean, aintzat hartuko du Jokoen parte izan nahi duten ala ez".
"Pirinioek etorkizun hobea merezi dute, Batzelonaren jolas-parkea izatea baino"
2030eko Neguko Jokoetarako Bartzelona-Pirinioak hautagaitzaren harira, proiektuaren aurka agertu den Stop Jocs Olimpics plataformako kide Pau Lozanorekin mintzatu da Lukas Barandiaran ARGIAko kolaboratzailea. Aste honetako aldizkarian aurkituko duzue elkarrizketa. "Uste dugu Pirinioek Bartzelonaren jolas-parkea izatea baino etorkizun hobea merezi dutela, eta horren alde borrokatuko dugu, Jokoak egin ala ez", esan digu. "Jokoek mendikatea jolas-parke bihurtzeko prozesua bizkortuko besterik ez dute egingo. Guretzako momentu hau aukera bat da: historikoki oso bereizita egon diren Pirinioetako bailaretako bizilagunak eta borrokak elkartzea proiektu baten kontra, eta indar hori baliatzea gauzak aldatzeko".
Olinpiar Jokoek eta Paralinpiarrek dakarten "festa" gutxietsi gabe, kostu sozial, ekologiko eta ekonomiko izugarria eragin dutela dioten ahotsak ere badira, entzun nahi izanez gero. Horretan dabiltza Frantziako Legebiltzarretik, LFI Frantzia Intsumisoa alderdiko... [+]
Su-eten Olinpikoaren urraketak Errusia 2024ko Pariseko Jokoetatik kanpo uzteko balio izan du, baina Israelekin ez dute berdin jokatu, hasiera-hasieratik kutsu politikoa duen lehiaketa batean parte hartu ahal izan baitu.
2024ko Pariseko Joko Olinpikoak lehen joko parekideak izango dira parte hartuko duten gizon eta emakumeen kopuruari dagokionez. Genero bakoitzeko 5.250 atletek hartuko dute parte uztailaren 26tik abuztuaren 11ra bitartean 33. Olinpiada modernoetan.
Hiri bat Olinpiar Jokoen antolatzaile izendatzen dutenean, biztanleen artean ilusioa sortzea da helburuetako bat. Asko dira hartu beharreko erabaki polemikoak, eta herritarren babesa izateak lana errazten du. Hala ere, 2017an Nazioarteko Olinpiar Batzordeak (NOB) Paris... [+]
Nazioarteko Olinpiar Batzordeak onartu du gizonezkoek ere lehiatu ahal izango dutela taldekako igeriketa artistikoan, 2024an Parisen egingo diren Joko Olinpikoetan.
Baqueira Beret-eko eski estazioan eman du prentsaurrekoa 2030eko Neguko Joko Olinpikoak antolatzeko 'Bartzelona-Pirinioak' hautagaitzaren kontrako Stop JJOO plataformak, luxuzko 38 etxebizitza eraikitzen ari diren lekuan bertan.
Litekeena da 2024an Baionako festak beste data batean egin behar izatea, eta bertan behera geratzeko arriskua ere badago, bertan egon beharko luketen polizia gehienak Pariseko Joko Olinpikoetan izango direlako.
Iñigo Llopis igerilari donostiarrak hiru domina irabazi ditu Munduko Txapelketan eta 2021eko Tokio Paralinpiar Jokoetatik zilarra ekarri zuen etxera. Konporta Kirol Elkartean aritu ondoren, Basque Team klubean dabil gaur egun, “Gipuzkoan maila handia dago”... [+]
2030eko Joko Olinpikoen hautagaitzaren inguruan uztailaren 24an egingo den galdeketari begira dago Stop JJOO plataforma. Puigcerdá herrian deitutako manifestazioa, datozen asteetan egingo dituzten ekintzen abiapuntua izan da.
Txinan, Neguko Joko Olinpikoak egin diren zonaldean, elurrik egin ez eta artifizialki sortutakoa baliatu dute. Kataluniako Pirinioetan ere elur gutxi egin du, eta eski estazio askok ezin izan dute normaltasunez funtzionatu. Halere, 2030eko Neguko Jokoak begi-puntuan,... [+]
Beijingeko neguko jokoetarako villa olinpikoa eraikitzen ari zirela, Jin dinastiako aztarnategi handi bat azaleratu zen.
1935 urteaz geroztik landutako lurrak hormigoitu eta 2024an eginen diren Olinpiar Jokoetarako igerileku bihurtu nahi dituzte lekuko instituzioek. Desobedientzia eta okupazioaren bidetik dabiltza megaproiektu honen aurka borrokan. Hiri batetik bestera, Joko batetik bestera,... [+]
Atenas, 1896ko apirilaren 6a. Lehen Joko Olinpiko modernoak inauguratu zituzten. 241 atletek –guztiak gizonezkoak– parte hartu zuten 10 eguneko kirol ekitaldian. 125 urte igaro dira.
Txinako Gobernuak egindako “genozidioa eta gizateriaren aurkako krimenak” salatzeko, ez dute ordezkari diplomatikorik bidaliko neguko jokoetara, baina atletek joan ahal izango dute. Txinak irmo erantzun du: “AEBek ordaindu egingo dute boikotagatik”.