Desobedientzia, amnistia eta Guardia Zibilak alde egitea aldarrikatu ditu Kataluniako Parlamentuak
CUP, JxCat eta ERC alderdien aldeko bozekin onartu ditu Kataluniako Parlamentuak hiru mozioak osteguneko saioan. Espainiako Gobernuak auzitara joko duela jakinarazi du. Liskarrak izan dira parlamentuan, asteleheneko atxiloketen harira.
Ostegun arratsaldeko politika orokorreko saioa mamitsua eta bizia izan da Kataluniako Parlamentuan. Hiru proposamen onartu dituzte, egoera politikoari estuki loturikoak. Batetik, CUPek proposatuta, desobedientzia zibilari eta instituzionalari zilegitasuna aitortu dio parlamentuak, "urratutako eskubide zibil, politiko eta sozialen defentsarako erreminta" dela argudiatuta. CUP, JxCat eta ERC alderdiek bozkatu dute alde. Ciutadansek ez du parte hartu, eta PSCk, PPk eta Catalunya en Comu Podem-ek aurka egin dute. Urriaren 1eko sententzia ezagutzear dela onartu du proposamena parlamentuak.
Guardia Zibila Kataluniatik alde egiteko proposamenak ere aurrera egin du, JxCat, ERC eta CUPen babesarekin. Catalunya en Comu Podemeko zortzi diputatuak abstenitu egin dira, eta Ciutadans, PSC eta PPkoek aurka bozkatu dute. Guardia Zibila "izaera politikoa" duen eta "kolektibo politiko eta sozial jakin batzuk jazartzen dituen" polizia dela dio testuak. "Ekintzailetza sozial eta politikoa erreprimitzeko" terrorismoaren figura penalak erabiltzen dituzten polizia operazioak bertan behera uzteko eskatu du ebazpenak. Lehendabiziko aldia da Kataluniako Parlamentuak horrelako proposamen bat onartzen duena.
Hirugarrenik, "akordio nazional" bat sustatzearen alde egin du Parlamentuak, talde berdinen babesarekin. "Amnistiaren, autodeterminazioaren eta eskubide zibil eta politikoen aldeko akordio nazionala" eskatu dute diputatu independentistek.
PSOEren Espainiako jarduneko gobernuak jakinarazi du Kataluniako Parlamentuak onartutako ebazpenak aztertuko dituela, "inpugnatzeko eta juridikoki aurka" egiteko.
Liskarra parlamentuan
Saioa liskarretan amaitu da, taldeak eztabaidan ari zirela astelehenean atxilotutako bederatzi independentistetatik zazpi espetxeratu egin dituztela jakin denean. CUPeko diputatuek aretotik alde egin dute, "salbuespen egoeran jardun politiko normalizatua" ez dutela egin nahi argudiatuta. Aurrerago, ERC eta JxCateko diputatuek "askatasunaren" aldeko oihuak egin dituzte. Une horretan Carlos Carrizosa Ciutadanseko bozeramaileak independentisten aurka egin du: "terrorismoa babesten duten horiengatik mehatxatuta sentitzen gara", esan du, besteren artean. Zenbait diputatu independentista iraindu du jarraian Carrizosak. Roger Torrent parlamentuko presidenteak kanporatu egin du.
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.
Benetan aztertzeko modukoa da gertatu dena: Espainiako botere... [+]
ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.
Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]