Kataluniako 196 pertsona inputatu dituzte Tsunami Democratic-en mobilizazioetan mugako errepidea mozteagatik
“Desordena publikoak” eta “kalteak” egozten zaizkie ikertutako ia 200 pertsonei, eta datozen hilabeteetan deklaratu dezaten agindu du magistratuak.
196 pertsona inputatu dituzte azaroan Tsunami Democratic-ek Frantziar eta Espainiar Estatuen arteko mugan egindako errepide mozketaren ondorioz. La Jonquerako AP-7 autobidearen blokeoa ikertzen ari den Figueresko epaileak ia 200 pertsonarengan jarri du begia. Protesta batengatik auzi batean sekula ikusi gabeko neurria da.
Diario.es egunkari digitalak eskuratu duen autoan ageri denez, epaileak Mossos d´Esquadren eta Guardia Zibilaren txostenetan oinarrituta hartu du erabakia. Tsunami Democratic mugimenduak antolatutako AP-7ko mozketak 24 ordu iraun zuen, eta Frantziako jendarmeriaren eta Mossos d´Esquadren artean hustu zuten, istilu larririk gabe. Dena den, poliziak hemeretzi pertsona atxilotu zituen bertan.
Auzi kolektiboa
Epaileak ez du protestan ikertutako pertsona bakoitzaren jarrera zehaztu. 196 auzipetuei gertaera orokorren egiletza egotziko zaie, hau da, muga ia egun batez moztea. Epailearen arabera, 1.200 lagun bildu ziren protestan, eta, beraz, parte-hartzaileen %16 baino ez dira ikertzen ari. Epaileak azaldu duenez, ikertuek "erantzun" egin zioten Tsunami Democratic-en deialdiari, eta AP-7 errepidea itxi zuten La Jonquera parean, "pertsonen eta merkantzien joan-etorri askea eteteko". Epailearen arabera, horiek guztiak Tsunamiak "antolatu eta koordinatu" ditu, “komunikatzeko kanal propioen" bidez, hala nola, kolektiboaren aplikazioarekin, sare sozialekin zein Telegram bidez.
Delituak
Ikertutako guztiek, instrukzio epailearen arabera, "barrikada moduko hesiak” egin zituzten autobidean. Horretarako, epailearen arabera, manifestariek zeramatzaten objektuez gain, "bideko elementu finkoak" erabili zituzten, hala nola, “metalezko segurtasun-hesiak, zuhaitz-enborrak eta hormigoizko blokeak". "Eszenatoki bat ere muntatu zen bidearen erdian, bozgorailuekin, argiztapenarekin eta abarrekin, eta bertan, bertaratutakoei harengak eta kontzertuak egin zitzaizkien gau osoan eta goizaldean, besteak beste", esan du epaileak delitu-zantzuak azaltzerakoan.
Antolaketa logistikoa
Gainera, epailearen arabera, "nolabaiteko antolaketa logistikoa” egon zen, mozketak iraun zezan. Janaria eta edaria eman zieten bertaratutakoei, "baita konketa mugikorrak ere", eta kanpin-dendak jarri zituzten gaua pasatzeko. "Mozketaren ondorioz, liskarrak izan ziren salgaien garraioko gidariekin eta beste zenbait erabiltzailerekin", ondorioztatu du epaileak, eta auto berean mosso bat ere inputatu du manifestariei lesioak eragiteagatik. Horrez gain, Acesa autobideen patronalari, Espainiako Garraio Elkarteen Federazio Nazionalari eta Salgaien Garraioaren Espainiako Konfederazioari auzian akusazio partikularra egitea eskaini die.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.