Astelehen honetakoarekin hiru saio gehiago eta asteazkenean amaituko da Kataluniako independentisten aurkako prozesua. Bihar hasiko dira defentsa abokatuen azken hitzaldiak eta hauek absoluzioa eskatuko dute, hasieran iragarri bezala. Asteazkenean, aldiz, akusatuen txanda izango da. Omnium kulturalek Katalunia osoan pantaila erraldoiak jarriko ditu asteazkenean herritarrek kalean jarrai ditzaten hauen hitzaldiak.
Joan den astean fiskaltzak epaiketa hasierako eskaerari eutsi eta Javier Zaragozak matxinada delitua eskatu zuen hamabi auzipetuetatik bederatzientzat eta 16-17 urteko espetxe zigorrak –Oriol Junquerasentzat 25, buruzagitza lanetan aritzeagatik–. Beste hiruentzat sedizio delitua eta 7 urteko kartzela zigorra. Estatuaren abokatuak, aldiz, ez du ikusten frogatua errerendumaren garai hartan biolentzia egon zenik, eta hortaz, sedizio delitua leporatu die, 12 eta 7 urte arteko zigorrak eskatuz.
Biolentzia
Horixe izan da epaiketaren muina, matxinada delituak ezinbestean biolentzia eskatzen duelako. Defentsak ez du biolentzia aztarnarik ikusi, baina fiskaltzak argudiatu du ez dela biolentzia gertatu behar, mehatxua nahiko dela matxinada delitua eman dadin eta erreferenduma egitea "estatu kolpe" saiakeratzat jo du, akusatuek Katalunia independente egiteko asmoa zutelako, Espainiako Estatuko agintariek emandako aginduei muzin eginez. Beren asmoak aurrera eramateko, gainera, 17.000 mossoren indar armatua zutela argudiatu du, eta hauei erreferendumaren kontra egin ez zezatela agindu zietela. Fiskalak 1981eko estatu kolpearekin parekatu du "estatu kolpe saio hau". Fiskaltzak eta akusazioek 230 polizia eta guardia zibil eraman dituzte lekuko gisa biolentzia egon dela frogatu nahian.
Marchena epaimahiburua
Epaiketaren lehendakari lanak egin dituen Manuel Marchena ere izan da ahozko saioaren protagonistetakoa. Epaiketa gertutik jarraitu dutenen arabera, hasieran oso fin ibili zen bere inpartzialitatea erakutsi guran, baina epaiketak aurrera egin ahala lasaitu egin da eta bere izaera agertu da, defentsaren lana oztopatuz eta akusazioekin malguago jokatuz.
Bideoak
Defentsak nahi zuen lekukoak entzun ahala ikustea bideoak, horrela ikusi ahal izango zelako zein neurritan parekatzen ziren haien esanak eta bideoek erakusten zutena. Hasieran ikusi ahal izan ziren bideoak, baina gutxi batzuk bakarrik, eta Marchenak, argudiatuz bestela epaiketa asko atzeratuko zela, epaiketa amaierarako utzi zuen ikusentzunezkoak ikustea. Ikusi bai, baina hauen inguruko iruzkinak egiteko aukerarik ez. Epaiketa dena, halaber, telebistaz jarraitu ahal izan da.
Estrasburgo zeruertzean
Epaiketa luzea izan da, otsailaren 12an hasi zen eta ekainaren 12an bukatuko da. Epaia udazkenerako espero da. Denbora honetan guztian, Estatuko abokatuaren funtzioa ere garrantzitsua izan da. Ahozko saioa hasi aurretik izendatu zuten Rosa María Seoane, epaiketa baino hiru hilabete lehenago Espainiako tren azpiegiturak daramatzan Adif erakundeko idazkari nagusia. Bere lana izan da matxinada salaketa alboan uztea eta sedizioa izan zela frogatzea; argudiatu du, besteak beste, ez dela gauza bera "biolentzia edo indarraren erabilera". Edozein kasutan, zigor gogorrak espero dira udazkenerako eta defentsa lanetan ari direnak dagoeneko Estrasburgoko giza eskubideen auzitegira begira daude.
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio... [+]