Fermin Muguruza: “Pradales lehendakaria bere Justizia Sailarekin ados dagoen jakin nahiko nuke”
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko Jaurlaritzako Justizia Sailak iragarri du presondegietan kultur emanaldiak antolatu ahal izateko baldintzak gogortuko dituela. Erabakia "sorpresa eta etsipen handiz" hartu duela adierazi du musikari irundarrak.
Orain arte, kartzela batean emanaldia eskaintzeko baldintza bakarra zen sortzaileek aurrekari penalik edo polizialik ez izatea. Hemendik aurrera, ordea, kultur proposamen orok "balioak errespetatzeko konpromisoa" agertu beharko du, "presoen gizarteratzea" bultzatuko du eta "ez ditu biktimak irainduko", Justizia eta Giza Eskubideen Sailak azaldu duenez. Haren arabera, Sarri Sarri kantak –Muguruzak larunbatean eskaini zuen abestietako batek– ez ditu baldintza horiek betetzen, bereziki azpimarratuta biktimak ez iraintzearena. "Ez dugu horrelakorik berriro gertatzea nahi", esan du María Jesús San José sozialista buru duen sailak.
Muguruzaren kontzertuak, besteak beste Covite biktimen elkartearen kritikak jaso ditu, eta hainbat hedabidek ere heldu diote polemikari.
Muguruzaren erantzuna
Musikari irundarrak, bere aldetik, Instagram bidez zabaldutako mezuan gogorarazi du 1985eko maiatzaren 26an Martuteneko kartzelan kontzertua eskaini zuela Kortatu taldeak, eta handik egun gutxira –uztailaren 7an– egin zutela ihes Sarrionandiak eta Pikabeak, Imanol Larzabal kantariak Martutenen eskainitako kontzertu bateko bozgorailuetan ezkutatuta.
"Harrez geroztik Martutenen eta beste kartzeletan jotzea debekatu zidaten", dio Muguruzak. "2000. urtean Iruñeko kartzelan izan nintzen Dub Manifest-ekin, 2023an Zaballan Des-kontrolekin eta aurtengo otsailean Palestinako DAM taldearekin kartzela berean". Larunbatean ere Des-kontrol taldearekin jo zuen Muguruzak: "Gaur, 2024ko azaroak 16, Martutenera itzuli naiz kontzertua eskaintzera. Patio bera. Askatasun-gose bera. Sarri Sarri abestea debekatuta omen zegoen kartzelan azken ia 40 urte hauetan. Gaur ozen abestu dugu denok! Galtzen den borroka bakarra albo batera uzten dena da. Presoak Kalera Amnistia Osoa".
Justizia Sailaren erabakiaren berri izan ostean, asteartean adierazpenak egin ditu Muguruzak, Donostian beste arrazoi batengatik eman duen prentsaurrekoan –Bidasoa 2018-2023 DVD eta CDa aurkezteko deitu dute agerraldia–. Espetxean kultur emanaldiak emateko baldintzak gogortu izanak "sorpresa" eta "etsipena" sortu diotela azaldu du, eta Imanol Pradales lehendakariari zuzendu zaio: "Pradales lehendakaria bere Justizia Sailarekin ados dagoen jakin nahiko nuke". Izan ere, Jaurlaritzak musikariari babesa agertu zion urteak direla, Sarri Sarri kanta abesteagatik bere aurkako kanpaina baten aurrean.
Anoetako kontzertua
Donostian emandako prentsaurrekoan Fermin Muguruzak azaldu du ekainaren 14an Donostiako Anoeta estadioan eskainiko duen kontzerturako jada 25.000 sarrera saldu dituztela, eta beste 10.000 jarri dituztela salgai orain, sarrerak.muguruzafm.eus webgunean. Jaialdian izango diren talde gonbidatuak zeintzuk izango diren ere esan du: Des Kontrol, Bad Sound System, Niña Coyote eta Chico Tornado eta Palestinako DAM taldea.
Fermin Muguruzari elkarrizketa ARGIAn
Aste honetako ARGIA aldizkariarekin batera Larrun gehigarria banatuko dugu, Lander Arbelaitz kazetariak Fermin Muguruzari egindako elkarrizketa luzea bildu duena.
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Egipton hasi eta Tunisia, Maroko, Libano, Siria, Kuwait, Bahrein, Yemen eta Sudan bisitatu ditu Fermin Muguruzak (Irun, 1963) urtebetean, herrialde horietako mapa musikala egiteko, 80 musikari baino gehiago elkarrizketatuz. Next Music Station du izena Al Jazeera-rentzat... [+]
Irungo Lakaxita gaztetxeak Negu Gorriak taldea omenduko du larunbat honetan ospatuko duen Jaion! festan. Urdanibia plazatik –alegia, Moskutik– abiatuko da festa eta hiria gurutzatuko du “Fight D Power_Kamioi System” kamioi musikalarekin.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Literaldia. Noiz: apirilaren 10etik maiatzaren 9ra. Non: Bartzelona. Webgunea: literaldia.com
Arrazakeriaren Kontrako Nazioarteko Egunaren harira, milaka herritarrek hartu dute parte asteburuan Euskal Herrian antolatu diren ekitaldietan.
Fermin Muguruzaren indar eta energia handiak ditu Black is Beltza komiki edo nobela grafikoak. Kantaria, Harkaitz Cano idazlea eta Jorge Alderete ilustratzailea egile, iazko kultur produkturik erakargarrienen zerrendan ageri da, merezimendu osoz. Ezustean, ustekabeko liburu... [+]
Fermin Muguruzak gonbidapen publikoa egin dio Pablo Iglesias Podemos alderdiko idazkari nagusiari larunbatean Bilbon euskal presoen eskubideen alde egingo den manifestazioan parte hartzeko.