Karlos Zurutuza: “Konturatzen ari naiz Kobaneko gatazka uste baino askoz larriagoa izan daitekeela”
Euskal Herrian dago berriro Karlos Zurutuza kazetari freelance-a, Afganistanen, Sirian eta Kurdistanen ibili ostean. Info7 irratian hitz egin du kurduen egungo egoeraz eta Estatu Islamiarraren aurkako borrokaz.
Orain denen ahotan dagoen herrialdea bada ere, Zurutuzari duela hamahiru urte piztu zitzaion Kurdistanenganako jakinmina, “kazetaririk ez dagoen tokietara joateko joera bitxia” daukalako. Hori dela eta, ondo ezagutzen ditu kurduen lurraldea, Gobernua eta egun jihadisten aurka bizi duten gudua.
Rojava eskualdeko Jazeera kantoia bisitatu du Zurutuzak 2012tik, eta han “esperimentu demokratiko batekin” topo egin duela dio. “Demokrazia erradikala izeneko kontzeptuan oinarritzen da hango Gobernua. Demokrazia errepresentatiboa da, herritik oso gertu dagoena eta horizontaltasunean oinarritzen dena”.
Etnia guztietako ordezkariak onartzeaz gain, generoen arteko parekidetasuna ezinbesteko baldintza da kurduen Gobernuan. “Beraiek oso barneratuta dute hori. Tamalez, Rojava oasi txiki bat da Ekialde Hurbilean”. Hango eredua hemen izatea gustatuko litzaiokeela aitortu du kazetariak.
Turkiak Sirian esku hartu nahi zuen Anaia Musulmanen bitartez, eta laguntza eman zien bertan sartzeko. Orain, ordea, Turkia “bakarrik” geratu dela uste du Zurutuzak: “Jihadistei bide eman zien Sirian sartzeko, baina egoera eskuetatik joan zaio. Bere helburua ez zen izango Estatu Islamiarra sortzea”.
Kobane Rojava eskualdeko beste kantoi bat da. Hor ere beraien autogobernua zeukaten, baina Estatu Islamikoak bereganatuz gero “esperimentu demokratikoak kolpe gogorra” jasoko lukeela dio Zurutuzak. “Kobane barruan ez dago kazetaririk, eta zalantza daukat iristen zaigun informazioa ez ote den baikorregia”. Gatazka hori uste baino “askoz larriagoa” izan daitekeela onartu du.
Kobane eroriko balitz, kurduek Turkiaren aurkako neurriak hartuko lituzketela dio Zurutuzak. “Oraindik ez da bake prozesurik egon. Kurduek eskatu zaien dena bete dute, Turkiak ez”. Berez su-etenean dauden arren, “ofizialki su-eten hori hautsita” dagoela esan du.
“Hala ere, Kobanekoa oso tristea izan arren, kurduen auzia plazaratzen lagundu du, eta konturatu gara agian beraiena dela eredu demokratiko bakarra”.
Informazio gehiago ARGIAren Kurdistani buruzko kanalean.
Ekainaren 23an Turkiako drone batek Kobaneko eskualdean bonbardaketa egin eta hiru emakume kurdu hil zituen: Hebun Mele Xelil, Zehra Berkel eta Emine Veysi. Kobane Herriarekin elkartasuna lantzen duen Durangoko Suargi elkarteak atsekabea adierazi du. Izan ere, hildakoetako bat,... [+]
Ehunka hildako eta ehunka milaka iheslari utzi ditu Turkiaren azken erasoaldiak Rojavan. Giza krisia handitu heinean, galderak ere pilatzen hasiak dira Siriako kurduen etorkizunaz.
Kurdistango Rojava eskualdean Turkiak hasi duen eraso militarrak kulturari ere eragin dio. Daesh beren lurretatik bidali eta gero kurduek martxan jarritako gizarte demokrata, berdinzale eta anitzaren zutabe nagusietako bat da kulturaren sustapena. Militar turkiarren mehatxuak... [+]
Zine Kurduaren II. zikloa datorren astelehenean hasiko da Bilbon. Kurdistan begiratuz izenarekin, hiru film ikusteko aukera egongo da.
Martxoaren 25ean Durango eta Kurdistango Kobane hiria senidetzea ospatuko dute, Plateruenean egingo den jaialdi bategaz. Izan ere, egun bat lehenago, barikuan, egingo dute senidetzeko ekitaldi ofiziala udaletxean. Kobanez gainera, Bartzelona ere senide lez hartuko du... [+]
Kobane hiriarekiko nazioarteko elkartasun eguna ospatu da azaroaren 1ean. Elkartasuna adierazteko manifestaldiak izan dira munduko hainbat hiritan, besteak beste: Frankfurt, Bartzelona, Buenos Aires, Madril, Helsinki eta Iruñean.
Michel Allison Kurdistango kongresuko emakumeen ordezkariari harrera egin diote Durangoko udaletxean, eta Kobane hiri kurdua Durangogaz senidetzeko lehen pausoa izan da. Duela pare bat hilabete, Durangaldeko zazpi lagun Kurdistanen egon ziren, eta hortik dator ekimena. Emakume... [+]
Kobanetik Estatu Islamikoa bota ostean, sarean ikusgai daude kurduen poza agerian uzten duten bideoak. Irudi hauek ikusteko gune aproposa da YPG Emakumeen Defentsarako Unitatearen Facebook orria.
Kurduek Estatu Islamiarra kanporatu dute Kobanêtik (Rojava), 132 eguneko erresistentziaren ostean. Borrokan 1.607 pertsona hil dira, gehienak ISISeko kideak, Públicok argitaratu duenez.
Borrokalari kurduek Kobanêko Mistenur muinoa askatu zuten joan den astean,... [+]
Kobanên (Kurdistan) Estatu Islamiarraren aurkako erresistentzia emakumeek gidatzen dute. YPJ Kobanêko komandanteetako batek, Gülistan Kobanêk, elkarrizketa bat eskaini dio Firatnewsi.
Kobane hiri kurduaren aldeko manifestazioak egin dituzte mundu osoan. Kobane siriaren menpeko Kurdistanen dago, hiru aldetatik Estatu Islamikoak inguratuta dauka eta laugarrenean, Turkiarekin muga egiten du. Bilbon ere manifestazioa egin dute, Herrikolorek egin duen bideoan... [+]
"Kurdistango herriaren aurkako sarraskia gelditu! Estatu Islamikoa inperialismoaren tresna” lemapean, elkartasun manifestazioa deitu dute larunbatean Bilbon. 12:00etan abiatuko da udaletxetik eta Herri Kurduaren Elkartasun Ekimenak deitu du mundu mailako elkartasun... [+]