Karikaturen seriotasuna
Kontu serioak –eta populazioarena ez da ganora gutxikoa, alajaina– txantxetan hartzeak, emaitza mingotsak erakar ditzake. Edo, behintzat, lotsagorrituta amai dezake norbaitek. Halako zerbait gertatu zaio arestian –eta ez da lehen aldia– Der Spiegel astekari ustetsuari karikatura baten kontura... hertsiki albiste ere ez litzatekeen zerbaiten inguruan.
Aspalditik jakina baino jakinagoa baita berandu gabe Indiako populazioaren zenbatekoak gainditu egingo duela Txinakoa, 1.400 milioi ingurukoa oraintxe bertan. Eta, bide batez, munduko herrialde populatuena izatearen “garaikurra” beretuko duela. Hala diote eredu matematiko guztiek, agerikoak diren joerak interpretatuz.
Aurreikuspena ziurrago egiaztatzeko, ordea, itxaron egin beharko da. Txinako azken errolda 2020ko azarokoa da eta hango biztanleria-datuak, urteroko zenbatespenarekin, doi samarrak direla esan dezakegu. Baina Indiako datuak ere ziurtasun bertsukoak izan daitezen, 2021ean egin behar zen zentsua, pandemiagatik atzeratua, oker berririk ezean, aurtengo urrian egin eta emaitzak taularatu arte itxaron beharko da. Gutxi gora behera hemendik urtebetera izango ditugun emaitza horiek aurreikuspena berretsiko dutela ez dago zalantzarik, edonola ere.
Agian ziurtasun horregatik, eta “albistea” bere garaian iraungita etor ez dadin edo, hala moduzko proiekzio baten gainean eraikitako kalkulu bat argitaratu da munduko hedabide gehienetan, entzutetsuenak buru direla: sorpassoa oraintxe arituko omen litzateke gertatzen. Esan gabe doa seriotasun eta baliagarritasun desberdineko hausnarketak eta iragarpenak egiteko aprobetxatu dela abagunea, han eta hemen; merezi dute irakurtzea batzuek. Eta, ia salbuespenik gabe, Indiako zenbait lekutan lortzen zailak izan behar ez duten jendetza-argazkiekin “jantzi” dute berria, noski.
Bada “originaltasun” apur baten bila edo, Der Spiegelek, gainerakoan okerrena ez litzatekeen erreportajea janzteko, topiko traketsenari heltzen zion bineta bat argitaratu zuen harekin batera: jendez gainezka doan trentxo indiarra eta, alboan, abiadura handiko itxura duen tren txinatarra.
Ez da aparteko imajinazioa behar pasadizoak Indian izan duen harrera sumatzeko. Erresumin politiko nabaria sutu du jada munduko herrialde populatuena omen denaren eliteetan behintzat. Txinan ere ez du txalorik jaso, noski. Astekariak, jakina, erretiratu egin du karikatura, baina kaltea eginda geratu da.
Ez da txantxa. Inork ez du, oraingoan, adierazpen-askatasuna aipatu.
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]
Ari da mundu guztia kontuak ateratzen Trump 2.0 aldian norberari gerta dakiokeenaren eta munduan gerta daitekeenaren inguruan. Subjektuaren mudakortasuna ezagututa, ziur samartzat eman daitekeen aurreikuspen bakanetakoa da Estatu Batuen Txinarekiko harremanak, ekonomikoak... [+]
Inoizko okerrenean daude India eta Kanadaren arteko harreman diplomatikoak: indiar enbaxadorea eta beste bost goi diplomatiko bota ditu Ottawak joan den astean; eta, ordainetan, beste horrenbeste egin du berehalaxe New Delhiko gobernuak.
Indiako lehen ministro Modik 400 jarleku baino gehiago lortu behar ditu hauteskunde nagusietan, arrakasta dela esateko. Egungoak baino gutxiago lortuko balitu, porrota izango litzateke, koalizioak gehiengoari eutsiko balio ere. Ekainaren 4ko emaitzek erakutsiko dute korapiloaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.
NewsClick ezkerreko hedabidearen sortzaile eta erredaktore burua eta Amit Chakravarty giza baliabideen arduraduna atxilotu ditu Indiako Poliziak, zenbait egoitza eta hainbat kazetariren etxebizitza ere miatu dituzte.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Duela lau hilabete, zenbait kirolarik Indiako Borroka Libreko Federazioko burua salatu zuten sexu-abusuak egiteagatik. Igandean protesta egin dute Jantar Mantaren, Indiako Parlamentutik gertu. Salatuetakoen artean daude olinpiar jokalariak, eta Poliziak atxilotu ditu hainbat.
Bi herrialde horiek Errusiako petrolio inportazioen %90 osatzen dute. Europak nabarmen jaitsi du eskaera, baina gainontzeko herrialdeen eskaerak handituta, Errusiaren esportazio osoa handitu egin da. Prezioen jaitsieraren ondorioz, ordea, Errusiak diru sarrera gutxiago jasotzen... [+]