Kanpezuk Israelen aurkako boikot kanpainarekin bat egin du
Udal Batzarrean Kanpezuk nazioarteko BDZ kanpainarekin bat egitea onartu du, ondorioz, Araban Israelgo "apartheid erregimena" modu ofizialean errefusatu duen lehenengo Udala izan da.
Kanpezu izan da BDZ (Israelen aurkako Boikot, Desinbertsioak eta Zigorrak) kanpainari atxikimendu ofiziala adierazi dion Arabako lehenengo Udala, Kaixo talde independientearen bozkekin (5 zinegotzi) eta EAJkoekin (4 zinegotzi). "Ondorioz, udalerriak Israelgo erakundeekin, haren ordezkariekin zein haren apartheid politikak sustatzen dituzten erakunde edo norbanakoekin balizko edozein harreman eten eta galerazi egin du, dela arlo administratiboan, dela ekonomia arloan, dela kultura arloan". Gainera, datozen egunotan Israelek Espainiar estatuan duen enbaxadari mozioaren emaitza bidaliko diotela iragarri du Kanpezuko Udalak.
Ildo horretan, azken asteetan eskualdeko eragile ezberdinek prestatutako egitarau zabala gauzatu dute Mendialdean, Palestinako egoera eta BDZ mugimenduaren ibilbidea auzotarren artean gizarteratzeko. Hamaika ekitaldi prestatu dituzte eta ekainaren 10ean, esaterako, bukaerako jaialdia egingo dute. Egunotan ere Palestinari begira argazki erakusketa ikusi ahal izango da Kanpezuko Gure aretoan.
BDZ mugimendua
BDZ mugimendua (Israelen aurkako Boikot, Desinbertsioak eta Zigorrak) 2005ean jarri zuten Palestinan abian, eta 80ko hamarkadan Hego Afrikako apartheid erregimenaren aurka antolatutako nazioarteko boikot kanpaina du eredu. Okupazioaren amaiera eskatzen dute; apartheid harresia bertan behera bota eta errefuxiatuei jaioterrira bueltatzeko eskubidea bermatu arte lan egingo dutela jakinarazi dute.
(Albiste honen jatorrizko bertsioa alea.eus webgunean argitaratu da eta CC-by-sa lizentziari esker ekarri dugu ARGIAra)
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Asteburuan Espainiako Estatuko hiri ugaritan egindako mobilizazioen harira, Israelgo Atzerri Gaietarako Ministerioak eta Israelen Espainiako Enbaxadak "terrorismoa goraipatzea" egotzi diote Espainiari.
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.