Kanpaldia egiten ari dira Alconzako grebalariak euren lanpostuen defentsan
Irizar Taldea buru duen Berangoko Alconza fabrikako dozenaka langilek eta herritarrek kanpaldia abiatu dute astelehenean, greba hasi eta 113. egunean. Udaletxeko zelaian eta elizako arkupetan egongo dira kanpatuta eguenera arte, enpresak joan den otsailean iragarritako enplegu-erregulazioko espedientearen ondoriozko 25 kaleratzeen aurka protesta egiteko eta lantegiaren bideragarritasuna bermatuko duen industria-plan bat aldarrikatzeko.
Astelehenean, ekainak 20, 113 egun bete zituzten Alconzako grebalariek protestan, "enpleguaren eta fabrikaren etorkizunaren alde". Horregatik, eta kaleratzeen inguruko epaiketa datorren ekainaren 28an izango dela-eta, kanpaldia abiatu zuten zuten Berangoko udaletxearen eta elizaren inguruetan, eguenera arte iraungo duena. Bertan egin zuten agerraldia ere, azpimarratzeko Alconzan ez dagoela inor soberan.
Irizar Taldeko parte den enpresa horrek 25 langile kaleratu zituen apirilean, otsailean iragarritako enplegu-erregulazioko espedientea martxan jarrita. Hala, despido horiek salatzeaz gainera, Alconzakoek baieztatu zuten hori ez dela Berangoko enpresako beharginen kontrako erasoa izan soilik, "baizik eta, denboraren poderioz, enplegua suntsitzen eta industria desegiten ikusten duen eskualde baten kontrakoa".
113. greba egunean, berriro ere eskatu diote Eusko Jaurlaritzari neurri eraginkorrak har ditzan @Alconza8 ren enolegua eta etorkizuna bermatzeko.
Halaber, herritarrei dei egin diete ekainaren 28an Bilboko epaitegietan egingo duten kontzentran parte hartzera. pic.twitter.com/ars05tQrti
— Iker Rincon (@irincon_) June 20, 2022
Ekainaren 28an Bilboko epaitegietan izango duten epaiketaren harira, deitoratu zuten "epaile eta lege bidegabeen" esku egongo dela euren etorkizuna, eta salatu zuten, orokorrean, lan-legeria "enpresen neurrira" eginda dagoela eta, ondorioz, "enplegua suntsitzeari eta prekarietateari estaldura ematen diela".
Hori dela eta, asteleheneko agerraldian esan zuten ez zutela euren etorkizuna auzitegi batek erabakitzea gura, eta, ildo horretan, berriro eskatu zioten enpresari egoera iraultzeko eta langileakaz esertzeko, "Alconzaren enplegua eta etorkizuna bermatuko duen industria-plan bat adosteko".
Amaitzeko, hilabeteotan guztiotan jasotako herritarren eta eragileen babesa eskertu zuten, "bide hau ezinezkoa delako gauzatzea elkarrekin ez bada". Hala, Berangoko eta inguruetako 66 elkarte eta eragileren izenak banan-banan irakurri zituzten, eta herritarrei dei egin zieten eguenera arte egingo duten kanpaldian parte hartzera. Horrez gainera, ekainaren 28an, epaiketaren egunean, Bilboko epaitegien aurrean egingo duten elkarretaratzearen deialdia iragarri zuten.
— Alconza (@Alconza8) June 20, 2022
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]