Kanpainaren “tenperatura jaisteko” eskatu du Bidenek, dena bere aurka doanean
Trump tiroz zauritu dute larunbatean, kanpainako mitin batean. Atsedenerako hiru egun hartu ditu, gaur arte. Biden jada hiru aldiz agertu da komunikabideen aurrean, aurkariaren aurkako atentatua salatzeko. Azken adierazpenean kanpainaren erritmoa moteltzeko mezua luzatu du; mesede egiten dio berari ere.
Euskal Herrian larunbatetik iganderako gauean jazo zen Donald Trump hautagai errepublikanoaren aurkako atentatua, AEBetako Pennsylvania estatuan. Belarrian tiro egin zion frankotiratzaile batek, baina aurpegia odolez zikinduta eta besoa altxatuta, modu ikoniko horretan despeditu zen Trump bere jarraitzaileez. Gutxienez bi pertsona hil dituzte tiroketan; entzuleen artean zegoen Trumpen jarraitzaile bat eta tiroketaren ustezko egilea, 20 urteko gaztea. Munduari bira eman diote Trumpen irudiek, eta erreakzioak zientoka izan dira, babesa ematen gehien-gehienak, konspiratzaileak besteren batzuk; ez dira gutxi iradoki dutenak Trumpek berak faltsututako ekintza politikoa izatea. Astelehen honetara arte hitzik ez egitea erabaki du Trumpek; Bidenek, aldiz, dagoeneko hiru aldiz gaitzetsi du erasoa.
The New York Times egunkari ezaguna liveblogging formatuan edo minutuan minutuko informazio laburrean jasotzen ari da atentatuaren ostekoak bere webgunean. Zera dauka nabarmenduta: Joe Biden presidentearen minutu eta laurdeneko diskurtso zatia, "Bidenek nazioari eskatu dio tenperatura jaisteko" titularrarekin. "Ezin dugu gainbehera bide honetatik gidatu Amerika", esan du Bidenek, eta "indarkeria oro" gaitzetsi du.
Biden, ataka estuan
Dena oso azkar doa gizarte honetan eta Gorka Bereziartuak Ezetz Astea Ondo Bukatu saileko azken artikulu honetan esan duen moduan, magnizidio-saiakerak ere sareetako eduki-ekoizleen logikaren menpe daude jada, kultura digitalak historiaren adarrak gurinez igurtzi dituen garaian. Horri aurrea hartzen ahalegindu zaio Joe Biden AEBetako presidente eta demokraten –momentuz– presidentegaia, baina hormaren aurka bezalaxe hitz egin du. Akaso horixe nahi zuen. Azkenaldian bezalatsu, bere hizkeraren trakeskeriari eta balizko lapsusei gehiago erreparatu die entzulegoak, edukiari baino gehiago. Baina, era berean, pare bat ekitaldi publiko bertan behera uzteko balio izan dio; test batzuk gutxiago bere osasuna eta presidente izaten segitzeko kapazitateak erakusteko orduan.
Ez da erratu astelehen goizaldean emandako diskurtsoan; ez du bistako akatsik egin esaldiz esaldi, eta Trumpi ez dio "Errusiako presidente" edo antzekorik deitu, Ukrainako presidente Zelensky Putin deitu zuenean bezala. Erratuta, jakina. Zelenskyk komunikabideen aurrean garrantzia kendu zion, "nahi gabeko zerbait" izan zela eta, "ahazteko" eskatu zuen, eta akats horrek ez zuela "agenda markatu behar". Egin beharrekoa eginda zegoen, ordea. Mundu osoaren aurrean irrigarri geratu zen Biden, beste behin, mundu osoak baitaki buru-osasuneko arazoak dituela, adinak nabarmen eraginda. 81 urte ditu Bidenek, eta hiru gutxiago baino ez Trumpek; baina bata bestea baino okerrago dagoela –osasunez; "pitzatuta" egoten akaso Trumpek irabaziko luke– begien bistakoa da.
Halere, Errusiako Gobernuak ipini zion zer pentsatua ematen duen azken hitza: esan zuen "onartezina" eta "desegokia" dela estatuburu batek "errespetugabe" hitz egitea beste estatuburuez... norentzat "onartezina"? Errusiarrentzat ala mundu osoarentzat?
Gero eta gehiago dira Bidenen osasuna zalantzan jarri eta hautagaitza kentzeko eskatzen dioten pertsonak, baina bera, momentuz, eusten ari zaio horri. Fokua desbideratuta dagoela dirudiela, "pausa" txikia hartzea hartzea luzamendua eskatzea moduko zerbait izan da.
Argazkia bai, ala argazkia ez? Oraintxe bertan, ez dago argi Rio de Janeiron hasi berri-berria den G20aren goi bileran argazkia izango ote dugun ala ez. Bertaratu diren agintari gorenen “familia-argazkia”, alegia. Horrelakoetan arauzkoa bihurtu dena: turista... [+]
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Munduko pertsonarik aberatsena da Musk, Forbes-en azken sailkapenaren arabera. Vivek Ramaswamy politikari eta enpresa-buru kontserbadorea izanen du bere ondoan, kargua betetzeko. "Erreforma estrukturala" bideratzekoa dute, gobernuarentzat "inoiz ikusi gabeko... [+]
Argi eta garbi irabazi dio Donald Trump presidente errepublikano ohiak Etxe Zurirako lehia Kamala Harris egungo presidenteorde demokratari. 312/226-eko aldea izango du urtarrileko bozketan Hautesle Kolegioan. 2016an Hillary Clinton galtzaile izan zen, baina herritarren boz... [+]
Mundu mailako inperioaren urbs estatubatuarra –eta haren periferiako lurbira osoa– Donald Trumpen bigarren agintaldirako kontuak ateratzen ahalegintzen ari garenean, tentsioak gorabidean jarraitzen du datozen lau urteetan, zalantzarik gabe, arreta-gune nagusietakoa... [+]
AEBetako Silicon Valley hamarkadetan demokraten gotorlekua izan da. Orain, Donald Trumpen alderako bira egin du. Teknologia-enpresa handiek eta haien buruek, munduko aberatsenek, hautagai errepublikarrari lagundu diote garaipena lortzen.
Lau urteren ostean Trumpismoa itzuli da Etxe Zurira, Donald Trump AEBetako 47. presidentea bilakatu da 78 urterekin. Hainbat deliturengatik zigortua izan den eta zenbait kausa irekita dituen lehen presidentea da. Hauteskunde garaipeneko hitzaldian, esan du “lelo soil baten... [+]
Zazpi estatu ikusten ziren gako gisa, eta, datu-ofizialen zain, guztietan gailenduko da Donald Trump. Horrez gain, herrialde osoko boto-portzentaje absolututan ere irabazi egingo du, 2016an ez bezala. Inkestek ez zuten hori aurreikusten. "Urrezko arora itzuliko... [+]
Zerbaitek definitzen badu Ameriketako Estatu Batuetako politikagintza, beste esparru askotan bezalaxe, hori show-a edo espektakulua da. Xextra ugari gertatu dira hilabeteotan guztiotan, baina tartean bat, berriena, egunkari handi bati dagokiona.
Han eta hemen entzun eta irakur daitekeenez, azken hamarkadetako lehiarik estuena aurreikusten da AEBetako hauteskunde presidentzialetan, Donald Trump eta Kamala Harris hautagaien artean. Azaroaren 5ean, asteartez egingo dira bozak. Emaitzak Euskal Herrian gauerdia denean hasiko... [+]
Washington (AEB), 1807. AEBetako Konstituzioak esklaboen trafiko transatlantikoa debekatu zuen. Horrek ez du esan nahi esklabotza abolitu zenik, esklaboen iturri nagusia eten zela baizik. Hala, emakumezko esklaboak bihurtu ziren esklabo berriak “ekoizteko” bide... [+]
Japonia, 1945eko abuztuaren 6a eta 9a. AEBek bonba atomiko bana bota zuten Hiroshima eta Nagasaki hirietan milaka eta milaka hildako eraginez; kopuru zehatzik ez dagoen arren, urte horren bukaeran hildakoak gutxienez 210.000 inguru izan zirela diote kalkulu zuhurrenek. Baina... [+]
Gurutzegramen zaletuek –eta beste inork gutxik– ezagutu ohi dute Txagos uhartediaren izena. Irla haietan handiena, Diego Garcia, aipatzen bada, gehixeago izango ginateke aditzera dugunak: ospea –ez batere gozoa– lortu du bertan dagoen base militar... [+]
Munduko gizon aberatsenetakoa den Elon Muskek bultzatzen du America Pac ekimen politikorako batzordea, The Guardian-ek jakinarazi duen arabera. Bere zeregina da AEBetako hainbat estatu giltzarritan Donald Trump-entzat botoak biltzea.