Kandido Saseta Eusko Gudarosteko komandantea oroituko dute haren senideek larunbatean Loiolan
Loiolan eratutako Eusko Gudarosteko buru izan zen Kandido Saseta, eta zapatuan 82 urte beteko dira hura hil zela. Haren senideek lore eskaintza egingo dute komandantearen oroimenez, eta Azpeitiko Udalari memoria berreskuratzeko egin duen lana aitortuko diote. Udalak 2017an Saseta oroitzeko irudia jarri zuen Arrupe Hotelaren aurreko zelaian. Leku horretan egingo dute zapatuko lore eskaintza, 12:00etan.
Kandido Saseta Eusko Gudarosteko komandantearen senideek haren oroimenezko ekitaldia egingo dute zapatuan, otsailak 23, Loiolan, komandantzia eratu zen leku berean. Eusko Gudarosteko buru izan zen Saseta, eta zapatuan 82 urte beteko dira hura hil zela. Urtemuga horren harira, komandantearen senideek hura oroitzeko lore eskaintza egingo dute Azpeitian. Hain zuzen, Sasetaren omenez Loiolan jarritako irudiaren aurrean egingo dute ekitaldia, 12:00etan.
Joserra Enparan Sasetaren Aldeko Taldeko (SAT) kideak azaldu duenez, Sasetaren senideek gudaria oroitu ez ezik, Azpeitiko Udalak Eusko Gudarostearen memoria berreskuratzeko egin duen lana aitortu nahi dute larunbateko ekitaldiarekin. "Saseta Hondarribian jaio zen, eta hango hilerrian egiten da urtero haren omenezko lore eskaintza. Aurten, Azpeitian egitea erabaki dute senideek, Azpeitiko Udalari eta Eneko Etxeberria alkateari eskerrak emateko", azaldu du Enparanek. Era berean, Sasetaren memoria zabaldu nahi dutela dio SATeko kideak: "Urola bailaran jende gutxik daki Sasetaren berri, eta jendeak ez daki haren oroimenezko irudi bat dagoela ere. Larunbatekoa bezalako ekitaldiekin Sasetaren irudia ezagutarazten saiatu nahi dugu". Enparanek aurreratu duenez, larunbatekoa ekitaldi "xumea" izango da: "Saseta hil eta bi edo hiru egunera, Basarri bertsolariak esan zuen gudari hark irudi bat merezi zuela. Basarriren testua irakurriko dugu larunbateko ekitaldian. Horrez gain, 1937ko prentsak Sasetaren inguruan idatzitakoa jasotzen duten audioak jarriko ditugu".
Eusko Gudarostea eta Saseta, Loiolara lotuta
EAJk, ANVk, Jagi-jagik, ELA-STVk eta Euskal Nekazarien Batzarrak eratu zuten Eusko Gudarostea 1936ko abuztuan Loiolan, Franco buru zuen altxamendu faxistari aurre egiteko. 2016. urtean 80 urte bete ziren Eusko Gudarostearen eraketatik, eta urtemugaren harira ekitaldia egin zuten Aranzadi Zientzia Elkarteak eta Azpeitiko Udalak, Loiolan. Orduko hartan, "galtzaileen duintasuna" goratu zuten, eta Eusko Gudarostearekin borrokatuz hil eta urte luzez "ahanzturan" gelditutako gudariak gogoratu zituzten, haien memoria berreskuratzea xede. Ekitaldia amaitzean, haritz bat landatu eta Eusko Gudarostea gogoratzeko oroitarria nahiz ikurriña jarri zituzten Arrupe Hotelaren aurreko zelaian.
Handik urtebetera, 2017ko uztailean, Eusko Gudarosteaz egindako liburua aurkeztu zuten Aranzadik eta Azpeitiko Udalak, komandantzia eratu zen leku berean: Loiolan. Javi Buces Aranzadi Zientzia Elkarteako kideak ondu zuen Eusko Gudarostearen inguruko liburua, Azpeitiko Udalaren eskariz. Hark azaldu zuenez, "Gudarostea posible egin zuten pertsonen izen-abizenak eta haien historia zehatza berreskuratzeko" egin zuten komandantziaren inguruko liburua. Bucesek azaldu zuenez, Azpeitiko komandantziako 1.277 pertsonen zerrenda aurkitu zuten Salamancako (Espainia) artxibategian. Horietatik 569 lagunen informazioa bilatu eta egiaztatu zuten. Horrez gain, EAE-ANVko 259 boluntarioren informazio zehatza jaso zuten liburuan. Lan hura aurkezteaz gain, Eusko Gudarosteko komandantearen omenezko irudia jarri zuten Aranzadik eta Udalak Arrupe Hotelaren aurreko zelaian. Leku horretan bertan egingo dute larunbateko lore eskaintza Sasetaren senideek.
Albiste hau Uztarriak argitaratu du eta CC-by-sa lizentzia baliatuz ekarri dugu ARGIAra
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Gogora Institutuak 1936ko Gerrako biktimen inguruan egindako txostenean "erreketeak, falangistak, Kondor Legioko hegazkinlari alemaniar naziak eta faxista italiarrak" ageri direla salatu du Intxorta 1937 elkarteak, eta izen horiek kentzeko eskatu du. Maria Jesus San Jose... [+]
Familiak eskatu bezala, aurten Angel oroitzeko ekitaldia lore-eskaintza txiki bat izan da, Martin Azpilikueta kalean oroitarazten duen plakaren ondoan. 21 urte geroago, Angel jada biktima-estatus ofizialarekin gogoratzen dute.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
ELA, LAB, ESK eta STEILAS sindikatuek eta M3 elkarteak "herrikoia eta sozialki plurala" den memoria eguna "errepresiorik gabe" egitea eskatu dute. Eusko Jaurlaritzari zuzendutako eskaera da, "iaz ez bezala", aurten manifestatzeko eskubidea bermatzeko... [+]
Irungo tren geltokian, Aduanaren eraikinaren atzealdean dagoen Pequeña Velocidad pabiloiak zutik jarraituko du, 1936ko gerraosteko giltzapetze-sistema beldurgarriaren lekuko gisa, talde memorialisten borrrokaren ondorioz. Pabiloia frankistek erabili zuten 1936tik 1942ra,... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Memoria Demokratikoaren Legea bete eta Lasa eta Zabala bahitu eta torturatu zituzten Donostiako La Cumbre eraikina memoria historikorako gune bihur dezaten exijitu dute Gipuzkoako Batzar Nagusietan. Jauregia 2023an Donostiako Udalari utzi behar zion estatuak, baina prozedura... [+]
Astearte gauean egin dituzte pintaketak, bizilagunek azaldu dutenez. Fatxada nagusia, bertako ateak eta alboetako paretak margotu dituzte. Gazte Koordinadora Sozialistak urtarrilaren 25rako deitutako mobilizazioarekin bat egiten du aldarriak.