Kanboko lurren defentsa geroz eta indartsuagoaren erakusle izan da asteburuko mobilizazioa
Larunbateko manifestazioan ehundaka lagun eta 70 traktore bildu dira Bouygues industria taldeak Marieneako laborantza lurretan etxebizitzak eraikitzearen aurka egiteko. Ekaineko protestak baino babes sindikal handiagoa izan du.
Kanbon ehundaka lagun bildu dira asteburuan Marieneako lurren defentsan. Laborantzarako eremu direnak, Bouygues taldeak etxebizitzak egiteko bereganatu nahi du, udalaren gehiengoaren babesarekin. Horren aurka egiteko, asteburua protestarako garaia izan da; hamarnaka izan dira ostiralean lurrak okupatu dituztenak hiru egunetarako asmoz, eta ia 800 pertsona eta 70 traktore larunbat goizeko manifestazioan bildu zirenak.
Kanboko Nahi Dugun Herria taldeak, FDSEA, JA Jeunes Agriculteurs eta ELB laborantza sindikatuek, Lurzaindia elkarteak eta Ostia sareak babestu zuten larunbateko mobilizazioa. FDSEA –departamendu mailan laborarien artean ordezkapen mailarik handiena du– eta JA sindikatuak ez zuten babesa erakutsi ekaineko manifestaldian. Bestalde, joan den astean udaleko Peio Etxeleku eta Jean François Lacosta hautetsiek ere Bouyguesen proiektuaren aldeko gehiengoari iskin egingo ziotela eta larunbateko manifestazioan parte hartzera dei egin zuten.
Lehenik, Arnagatik abiatu ziren traktoreak Kanboko herriko etxearen pareraino, eta jarraian, manifestari guztiak gehitu zitzaizkien. Marienean okupatutako lurretaraino egin zuten bidea. Amaitzean, eragileek gogorarazi zuten laborarientzat emankorrak diren lur horiek ez artifizializatzeko beharra, eta Marienia ez hunki dinamikari jarraikiz, Bouygues industria taldea lanean hasi orduko oztopatzera hurbiltzeko dei egin zuten, Kazeta-n irakur daitekeenez.
Lurren okupazioak hiru egun irautea aurreikusten bazuten ere, haizete bortitzak larunbat gauean materiala jasotzera behartu zituen. Hala ere, Kanboko gaztetxean jarraitu zuten hitzaldiek igandean.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.