CETA akordioa Europako Auzitegian aztertzeari ezetz esan dio Europarlamentuak
Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka. Otsailean erabaki beharko du Europako Legebiltzarrak CETAri onespena ematen dion ala ez.
Gaurko mozioa aurkeztu duten diputatuen eskaria zen Europako Justizia Auzitegiak CETA aztertu eta EBko legediarekin guztiz bateragarria ote den ebaztea. Florent Marcellesi Equoko legebiltzarkidearen esanetan, “Auzitegiak CETA osoa azter dezan nahi dugu, baina batez ere ICS direlakoak”. ICS dira estatuen eta inbertsiogileen arteko ebazpen-auzitegien siglak, eta mozioa sinatu duten eurodiputatuen ustez baliteke auzitegi horiek ezarpena bai Europar Batasunaren berari bai eskatu kide bakoitzari dagozkien eskumenen eremuan sartzea izatea.
“ICSek europar auzitegien eta estatuetakoen funtzio batzuk bereganatu ditzakete, horretarako beharrik egon gabe”, dio Marcellesik. Mota horretako auzitegien bitartez, inbertsiogile atzerritar batek erakunde baten aurkako salaketa jar dezake uste badu hark hartutako erabaki batek –ingurumena edo langileen eskubideak babesteko lege batek, esaterako– kalte egiten diola. Ezagunagoak dira ISDS siglekin.
Bai TTIPek bai CETAk, hasiera batean, ISDS auzitegiak aurreikusten zituzten, baina aurkako oposizioa ikusita Europako Batzordeak bertsio leunagoa proposatu zuen, ICSak. Merkataritza itunon aurkarien ustez, kosmetika ariketa hutsa besterik ez zen izan hura. Hain zuzen, ICSak izan dira berriki Valoniako erregioak CETAren onartze-prozesua moteldu izanaren zergatia.
Bozkatu, baina eztabaidarik gabe
CETAri buruzko mozioa aurkeztu dutenak kexu dira Eurolegebiltzarreko agintea duen organoak, Parlamentuko Presidenteen Batzarrak, mozioaz eztabaidatzeko aukera ukatu duelako. “Bozkatu egingo da, besterik gabe”, azaldu zigun Marcellesik asteartean, “eta CETAri buruzko bozketa ere horixe izango da, bozketa hutsa, aurrez eztabaidatu gabe”.
“Parlamentuak atzera bota dezake CETA ezetz bozkatuz gero, baina ez du aukerarik haren edukiaz eztabaidatzeko”, Mercellesiren berbetan, “alegia, ez dago aukerarik testuari zuzenketak egiteko”. Edo guztiz alde, edo guztiz kontra. Eta nahiko ziurtzat jo daiteke aldeko jarrera gailenduko dela otsailean egingo den saio horretan.
Behin Legebiltzarreko mugarria gaindituta, estatu kide guztietako parlamentuek oniritzia eman beharko liokete CETAri guztiz onartuta egoteko, baina Eurolegebiltzarraren argi berdea aski izango da ituna, edo haren zati handi bat behintzat, behin-behinean indarrean sar dadin.
TTIPen negoziazioa, kolokan
Europa eta AEBen arteko TTIP hitzarmenaren negoziazioak, berriz, izoztuta daude, Europako Batzordeak formalki prozesuak aurrera jarraitzen duela esan arren. Negoziaziook lehendik trabatuta bazeuden, badirudi Donald Trump Etxe Zurira iritsi izanak are gehiago zailduko duela akordio hori aurrera ateratzea, bai presidente berriak publikoki agertu izan dituen asmoengatik, bai iragarri duen lehenbiziko gobernu ekintzetako batek –TPP merkataritza itun transpazifikotik AEBak ateratzea– ezarritako aurrekariarengatik.
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren... [+]
CETA pil-pilean eskuartean dugun Europar Batasunaren eta Kanadaren arteko Ekonomia eta Merkataritza Askeko Hitzarmena dugu eta entzunagoa den TTIP hitzarmenaren atzeko ate bezala definitu izan da. TTIP (Europar Batasuna eta AEBen arteko hitzarmena) izoztua dagoela helarazi... [+]
Ez zen ustekabekorik izan eta Europako Legebiltzarrak Kanada eta EBren arteko CETA hitzarmenaren alde bozkatu zuen otsailaren 15ean, Estrasburgon egindako saioan. 408 diputatuk eman zuten aldeko botoa, 254k aurkakoa, eta 33 abstentzio izan ziren.
Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over... [+]
“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]
Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.
Valoniako Parlamentua CETAren aurka azaldu ostean, Belgikak itunari ezetz esan dio Europako merkataritza eta kanpo harremanetarako ministroen kontseiluan. Bitartean, Greenpeacek ekintza ikusgarria egin du bilkuraren kanpoko aldean.
Badu hogei urte pasa merkataritza askeen aldeko akordioak izenpetzen dabilela Kanada, eta Vaillancourtek dioenez, herritarrek amore emanik, Ekonomia eta Merkataritza Hitzarmen Osoaren (CETA) aurkako mobilizazioa ez dabil azkar. Alta, ondorio konkretu latzak pairatzen dabiltza... [+]
Greenpeacek zabaldutako ezkutuko agiriei esker, badirudi AEBen eta Europar Batasunaren arteko merkataritza askeko hitzarmenak (TTIP) lortu duela, azkenik, txoko bat iritzi publikoan, txoko txikia bada ere. Are arreta urriagoa bereganatzen ari da Kanadak eta Europak honezkero... [+]