Bi egun, beste bi langile hilda: kamioi gidaria Galdakaon eta basomutila Gamarten
Uda honetan Euskal Herrian hildako langileen zerrenda luzeari beste bi gehitu zaizkio aste honetan. Gamarten, Donibane-Garazi ondoan, basomutilari adarra jauzi zitzaion asteazkenean. Ostegun goizean berriz, kamioi gidari bati bihotzekoak eman dio lanean ari zela autobidean, Galdakao parean.
Ostegunean hil zen kamioilaria goizeko 10:10 aldera, AP-8 errepidean Bilborako noranzkoan zihoan. Kamioia errepidetik atera eta baranda jo zuen. Langileak auto-istripuaren ondorioz ez, baizik eta bihotzeko batek eraginda galdu zuen konortea, Eusko Jaurlaritzako Segurtasun Saileko hipotesi nagusiaren arabera.
Garraiolariena bihurtu da lan heriotzek erasandako sektorea nagusienetako bat azkenaldian. Sindikatuek kamioilarien lan-baldintza eskasak eta prekarietatea kritikatu dituzte. Martxoan, esaterako, beste kamioilari bati ere bihotzekoak eman zion Elorrion, kamioia irten ezin zen bide batean trabatu eta jasandako tratuaren eta bizitako tentsioaren ondoren. Azpikontrataturiko langile bulgariarra zen.
LAB sindikatuaren datuen arabera, abuztuaren hasieratik gaur arte 20 pertsona baino gehiago hil dira lanean Hego Euskal Herrian eta urte guztian 49. Urtea amaitzeko oraindik hiru hilabete falta badira ere, 2017ko urte osoan izandako heriotza kopurua gainditzeko bidean gaude beraz. Iaz 54 langile hil ziren eta ELAren esanetan horietatik herena azpikontrataturiko enpresetan aritzen ziren.
Ipar Euskal Herrian ere bai
Hego Euskal Herriko lurraldeetan ez ezik, Lapurdi, Nafarroa Beherea eta Zuberoan ere gaitz larria bilakatu da lan-istripuena. Asteazkenean, Gamarten (Garazi, Baxenabarre) basoan adarrak mozten ari zela beste langile bat hil zen.
Mozten ari zen haritzaren adarretako bat gainera erori zitzaion. 14:30 jaso zuten abisua larrialdi zerbitzura eta lekura iristean langilea adarraren azpian aurkitu zuten. Helikopteroz eraman zuten Baionako erietxera eta gauaz hil zen.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.