Kalitatezko hezkuntzaren aldeko eserialdia egin dute Iruñeko Hezkuntza Departamentuaren sarreran
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez hezkuntza komunitate osoari borrokarako dei egin nahi diote. Irten direnean, foruzainek hainbat pertsona identifikatu dituzte.
Eserialdia egiten zen bitartean bi ordezkarik ekintzaren zergatien berri eman dute: “Ez gara etorri Hezkuntza Departamentura ezer eskatzera, ahal den neurrian inflexio puntu bat jartzera baizik”. Kurtsoa hasi bezain pronto bi greba deialdi egon direla azpimarratu dute eta hirugarren bat ere deituta dagoela urtarrilerako. Greba dinamikez gain, ikastetxe askotan protestak, hausnarketak eta bestelako jarduerak ere antolatzen ari direla eta ekintza hau ere testuinguru horretan kokatu dute.
Hezkuntza publikoan arazo larri eta egiturazkoak daudela adierazi dute, eta oraintsu aurrekontuetarako Hezkuntza Departamentua eta hainbat sindikaturen artean sinatu diren akordioetan ez dagoela neurri zehatzik salatu dute, “promesak bakarrik saltzen dira”.
“Irakasleriak eta ikasleriak egunero pairatzen ditugu hamaika arazo, eta nazkatuta gaude”, zehaztu dute. Eta arazoetako batzuk ere azpimarratu dituzte: “Behar bereziak dituzten ikasleen inklusiorako espezialistak falta dira, orientazio taldeak gainezka daude, psikologo falta ere badago, digitalizazioa masiboki eta irrazionalki erabiltzen da, ezegonkortasunak ikasleei erreferentzia falta ekartzen die, erortzen diren azpiegiturak ditugu...”.
Hortaz, “hezkuntza merkatuaren beharren mesedetara jartzen dutenen aurrean”, ikastetxeetan hausnarketa eta borroka taldeak antolatzera deitu dute ostegun honetan, “ez soilik aurrekontuetan diru partida handitu dadin, baizik eta kalitatezko hezkuntza publikoaren alde borrokatzeko”.
Eta Foruzaingoa iritsi da
Eserialdiak hogeiren bat minutu iraun du eta denbora horretan, afixak eskuetan, oihuka aritu dira. Ondoren irakasleak kalera atera dira, ekintza bukatutzat emanda. Jadanik kanpoaldean, sarrera oztopatu gabe hizketan ari zen talde bat eta beste pertsona batzuk dagoeneko urruntzen ari ziren; orduan iritsi dira Foruzaingoaren bi furgoneta eta hainbat pertsona identifikatu dituzte zakar samar. Lekutzen ari zen gazte bat identifikatu nahi izan dute, baina hura korrika hasi da, bi foruzainek harrapatu eta molde txarrez gerarazi eta identifikatu duten arte. Bost minutu ondoren libre utzi dute. Lerro hauek idazten dituen kazetariari ere NANa eskatu diote eta identifikatu dute.
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Altxa Burua taldeak eskatu du bigarren hezkuntzako EAEko ikastetxeetan kendu ditzatela mugikorrak, debeku bat ezarrita arauz. Aste honetan eskaera eraman dute Eusko Legebiltzarrera, Hezkuntza Sailak ikastetxeak telefono mugikorrik gabeko esparru gisa izendatu ditzan.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
